² Bakelaba buendiri madukitsi ba mosi bamadjanga bgudji biogu na muintsi, diwendili yiri ne ususa makaka. ³ Tumba bapharisien na bajuif botsu bagedji pa bagasusa makaka nana bagulu basilila. ⁴ Pa bapharisien bedusugi mbura mugungi, bagedji pa bakasusa makaka. Mbana, udji puela migaga mimosi mibagulu ami djogu bekelisi na yikanena, na dususu du mamoyi, du bisanga, du bilaku abigoba na matangi ma bikoku bi yitsiga yimulilu ⁶ Amabawagula rie : Esaie amabiga mu mulengu dunguku duenu mu biguma bie bibi : Batu bebaba bendodisi bu mubililu bimunu, tumba mirima miogu mikakena nami. ⁷ Dulembu adubepeyi duga na tsongu nabesonigi migaga mibatu nana migulu miogu."' ⁸ Duisili diruma diNzambi munamena natsutsila mugulu batu. ⁹ Akemuevosa rie : " Duibusi na kanda diruma diNzambi mukelisa nogobisa mugulu enu. ¹⁰ Moise amavosa yiri : " Gobisa tadji agu na ngudji agu mbana agu ovosa dibi mu tadji andi na ngudji andi vengu ofu." ¹¹ Tumba djienu duivosi yiri : " Pa mutu etsinguli tadji andi na ngudji andi yiri abi mbe nyurungula uvega ika pagu ombu Nzambi. ¹² Ika dugemuemugarusu guwamusa tadji andi vo ngudji andi, dumabusa diruma diNzambi mugangisa mugulu enu agu dumatsontsiga, ¹³ mbana duivagi puela mambu nana mana. ¹⁴ Akebuenengila yinombu mba akebatsingula rie : " ¹⁵ Guluetianu djenu botsu na tsigisanu yiri. Uga yima yirugili o kana na yikoti mutu mumusumuna pa yiri yigerugili o gari. ¹⁶ Ayipali mu mutu ayimusumuni. ¹⁷ Ava Jesus amakakugila va gari yinombu nokota o gari ndagu, badukitsi bakemuwivula divindugulu dinongu. ¹⁸ Jesus akebawagula rie : " Duskatsiyisa ? Dugedjabi yiri biotsu bidulombili bikoti mu mutu bigemusumuni. ¹⁹ Mumbari bionyi bigekoti mu murima andi , tumba o gari modji andi na biwendi o yitsagu. Mumposulu eni, Jesus amasiemisa bigudji biotsu abiligu. ²⁰ Akebatsingula rie : " Amepali mu munu mutu mana amemusumuni. ²¹ " Mumbari o gari murima mutu matasa mabiva mrugisini, bumbembu, udaga , uboka, ²² bukali, dunyongi, dikuana na bulagu. ²³ Mambu memena mabiva merugili o gari murima mutu na monyi amemusumuni. ²⁶ Amagusuga vana akenewenda o musiengi Tyr na Sidon. Akekota o gari mua ndagu na asamaronda yiri mutu akedjaba mbura adji amaba, tumba asamarungula usuema. ²⁵ Vana vana mugetu agu muana amabe nabinyunyi bibiva anotsingulu yiri Jesus adji vava, amaruga nokutema va makulu mandi. ²⁴ Mugetu amaba mu greque, muisi syro −phénicie. Amamulenda musiantsa binyunyi bibi bimaba mu dunyuru du muana andi umugetu. ²⁷ Amamutsingula rie : " lesila baana udji , mumbari diga diwelemina ubonga bigudji bibaana nobibuaga ombu baana babamondi." ²⁸ Tumba amamuwuagula nomutsingula rie : " Yina Fumu, nesi baana babamondi abavu otsi metsa bedji bikuku bibaana. ²⁹ Aketsingula mugetu : " Ava umadivosa : wenda na polu muana agu umugetu amadjegusu." ³⁰ Amawenda, na amarasuna muana nandi amaba abundema va tangi, yinyunyi ibi yimapala. ³¹ Akenewenda o musiengi Tyr mbana akegabuyila adu Sidon o yari yimubu o Galilée notambanga bulongu budecapole. ³² Bamamubegila dibaba na bamamulembiga yiri akemusakiga makaka. ³³ Akemubonga va mugula o mbura djivengema na yinombu, akemuvaga milembu o gari matudji na amabemba dulimi duandi naburanga. ³⁴ Akegengila udjulu, akebakuga novosa rie : "Ephphata" diwendili buandiri " udibula" ³⁵ Jesus akependula matudji mandi, udjegisa dulimi duandi novosa naburanga buotsu ³⁷ Akebagandias yiri baketsingula mutu dioni, tumba akebatsingula mudikelisa na musiga ne nana bamamuvosilanga. ³⁶ Bamaba tindi bakambul novosanga yiri ; " Atsi vaga mambu maboti. Atsi gulusu madiba na atsi vosisa dibaba.