¹ ama botuga vana ake yenda o mu paka andi, Badukitsi bandi bake muduke. ² sabbat dji marula, ake lonzanga o ndagu bi bengunu, batu ba puela aba ma mugulungu ba suta no vosange rié: Aguka mambu me mana me muruguli? Ka mune du djabu duma muvegu, ka tsiéni kaliti bi manga bi vagulu na makaka mandi? ³ musalitsi tsimbi, mwana marie, mwana tadji Jacques, Joses, Jude na simon, bana bataji bandi ba bagetu baga va gari étu ? a keba mu djogu nana mutu agu bamalenzange. ⁴ Jésus a ma batsingule rié : mubigitsi élenzu o bulongu buandi, vagari bi buru biandi, no ndagu andi. ⁵ asa mavaga né imange y mosi vana, ama tsabiga mua bibedu makaka noba bélusa. ⁶ ama kambulungu na kuaru mirime miogu, Jésus amene gendange mu misiengi mimbu mi maba mu migule a kene lonzange ⁷ Ake nengila digumi naba bedji, ake banda gubasindiga babedji babedji, no bavega musuga mu binyunyi bibiva ⁸ Ake batsingule rié duya bonga kala yima mu mulingu bu nguangu, dugoba na dipa, na sac, na mbongu mu dilungu. ⁹ dugo duana ba pondu, noba na bidjungi bi bedji. ¹⁰ Mbana ake batsingula, mu mandagu ame dukota tsananu vane dédè nave duwendile. ¹¹ Pa vadji batu, aba geduwaki, no dugululu, rambugalu vana, Mbanana gubulanu difufundu di ma kulu menu, dikeba nana bumbedji mu djogu. ¹² Ba mawenda na ba masamuna du fungulu du masumu. ¹³ Ba masiange, puela binyunyi bibiva, na ba ma tsatsange matsi mu bibedu bi puela, bake ba bélusange. ¹⁴ kaga herode oke gulu uvosa mu Jésus agu dina Mbe dikevu na diduma, ake vosa atsi murima, Jean-Baptiste amarambuge ô dufu, dibandu évali bimange bi puela. ¹⁵ Bana bake vosange rié: djandi la Eli, bana bake vosange: mubigitsi nana umosi vagary ba bigitsi. ¹⁶ ava Herode ama gululungu moni ake vosa : Jean agunzi tabula kingu, djandi a marabuga. ¹⁷ Herode djabegni a ma gangusu Jean, ake mu kapise au tsugu dibandu Herodias mugatsi Phillipe mwana tadji andi, Mba djandi ama mugéle. ¹⁸ Jean ake muvosilange, diga diboti giri ubonga mugatsi mwana tadji agu. ¹⁹ Herodias ake gangila Jean kabu, ake ronda umuboka. ²⁰ asa marungulange Mba Herode ama dumange Jean, ama mudjabanga nana mutu usungema, no siema, ake mu wamusanga, ava ama maninange umugululu asama muedjabanga adi évagi, ake mugululugu na Nzangu. ²¹ Vaka ruga ilumbu ayi Herode amasayilanga dubure duandi, ake vaga mulambu uneni, ake nengila bivunda bimaniange, bivunda bibagore, na banange ba galilée. ²² Mwana mu getu u Herodias ake kota vana ake gina, herode na beni bandi bake ronda. Kage ake vaga mwane tsuna biotsu abi yirondi nyu uvega. ²³ ake leva diotsu abi utsuna ni uvega, né yasi yi bulongu duami. ²⁴ Ava amapalila ake vosa na ngudjandi, yi nyutsune Ngudjandi ake wagula : Muru Jean-Baptiste. ²⁵ ake lenga no kota ombu kaga no mutsuna yiri ni nondi vava tuvu muru Jean-Baptiste mu ipèle. ²⁶ Kaga ake vola manyuru, tumba dibandu mulevu andi na béni aba maba vana asa ronda ubusa. ²⁷ Ake tinde vana van agora adji mu kelisi na musuga ugubega muru Jean-Baptiste. ²⁸ Gora adji mu kelisi ake tabula Jean o tsugu ake bega muru mu ipèle ake uwakisa mwana mugetu, mwana mugetu ake uwakisa ngudjandi. ²⁹ Ba dukitsi ba Jean, ba no digulu baki bonga nfumbi bake tsiga. ³⁰ Bi lumbi bi no gungene va mugule Jésus boke mutsingula biotsu abi mavaga na abi ba malonza. ³¹ Jésus amavosa nogu : ruganu mugula va mbura adji sigema, vumanu mua pesu. Mba uwenda no gabuga umaba uviolile, ba samata ne na temu djulila. ³² Ba mawenda mu buatu, muba va mugula ô mbura adji sigma. ³³ Batu ba puela bamabalabe uwenda no badjabe, mu mavule motsu bakelengesne uwenda no ba reyila ô mbura adji ba mawendange. ³⁴ Ava amapalila mu buatu, Jesus ake laba mugungi, ake basa na ingebe yneni mu djogu Mba ba maba nana bindombu abi gana mukelitsi ake balonsa mambu mapuela. ³⁵ diweru mbe dike vala, ba dukitsi bandi ba mabambena nandi no mutsingule rié : Mbura adjidji djigana isalu Mbanana diweru di mavioga. ³⁶ Ba gabusi, bake wenda mu minmbu na misiengi mivu mu mugula. Bake sumba agi bodji. ³⁷ Ba veyanu djenubeni Bigudji tumba bake mutsingule rié. Tuyésumba mapa na magumi mana mafura, no bavega bigudji? ³⁸ Ake bawagule rié. Mapa kuéni mavu nenu? Yélabanu bake gengila no wagula rié mapa maranu na niama bedji tsi mambe. ³⁹ Ake bava rié tsananu muna maguki mu kobu. ⁴⁰ Bake tsana mu maguki ma kama na mu maguki ma magumi maranu. ⁴¹ Ake banga mapa maranu na mama bedji ake nangula misu o djulu no gabusila diboti ake tabula mapa ake mavega ba dukitsi bak e ma gaba na mugungi ake gabila botsu baniame. ⁴² Botsu ba madji, bake gukuru. ⁴³ Bake bega diguni na Ponzi bedji tsi bi buku bi mapa na baniame aba masiala. ⁴⁴ aba madji mapa bamaba magumi maranu ma kama tsi batu. ⁴⁵ Vana vagusu, ake vaga badukitsi bake nangema mu buatu no reyila a disimu di mosi o yari yi bethsaïda, ava djabeni o gabusila mukuta. ⁴⁶ Ava ma mugabusila ake wenda adjulu mu kongu mu yésambila. ⁴⁷ Va tsisiga, buatu bum aba va gari mubu, Jésus amaba pinza va disimu. ⁴⁸ Ake laba yiri bamaba na digéru mu duga, mba punga djimaba djiviakna nogu, va dibandu di matebugulu ma yisi, amagenda va djulu mamba ma mubu a yari yogu, amaronda ubavioga. ⁴⁹ Ava ba mamulabila uwenda mu mubu, bake tasa yiri ditengu, bake buaga migamu. ⁵⁰ Mba ba mamulabange djabotsu na ba maba mu digungisa. Vana Jésus ake bavosile rié, waranu duyaba na goma menu. ⁵¹ Amanangeme mu buatu amu badukitsi ba maba. Mungudi uma sikema, djobotsuba samamuéba na diambu di uvosa na ba ma sutu. ⁵² Mba basamagulu imanga yi mapa, Mba mirima miogu mi maba migala. ⁵³ Ba nosabuge mubu ba matsiekema o inanga yi Génésareth. ⁵⁴ Ava amapalila mubuatu, batu bakesunge no mudjabe. ⁵⁵ Bake wenda mu mbure tsiotsu, batu bake beganga bi bedu mu matangi Mbura tsitsu atsi bamagulungu yiri adji ⁵⁶ Mu mambura ame Jésus a mène tolanga, mu mimbu, mu mavula, mu misiéngi. Bake sunzanga bi bedu mu bangande, bake mulendanga yiri tusisi ubemba buandi mungongu yi linga yagu. Botsu aba mamubembanga bake belugange.