¹ Yilumbu iduvumu du bajuif, vo matebugulu mawisi muyilumbu itega yitsona, Marie djimuisi Magdala na Marie djisusu bamawenda o ngila. ² Navana butamba bumasisena puela na yiandsa yimosi yifumu yimasunduga o djulu, yimaruga mubugesana dimanyi na yimatsana va djulu dionyi. ³ Idimu yandi yimakadmanga na bikutu biandi bimaba bivema ve. ⁴ Bagora bamaregema na goma na bamaba nana bafumbi. ⁵ Yiantsa yimavosa nabagetu nobatsingula rie : " Duaba na keri" mumbari nyidjabi oduirombi, Jesus o magomunu. ⁶ Agatsi , tumba amarambuga, nana amavosila. Ruganu tianu na tsunanu mbura adji Fumu amaba asilugu. ⁷ Agavava, tumba amarambung nana amavosila. Wendanu masuasu muetsingula badukitsi bandi yiri : amarambuga va gari abafu, na labanu o durelila o Galilée. Aguna dumulabila. "Lanu nyimadutsingula dionyi. ⁸ Navana bagetu bamagusuga mbangu o ngila, ne bamaba na goma tumba bamaba na tsangu. ⁹ Bakenewanda mbangu na tsala guyetsingula adimavioga. ¹⁰ Ava bamenewendilanga Jesus akebengunu nogu novasa rie : "Duvotsu ombu guenu" na bamabambena no bemba matambi mandi nomugitsa. Tumaba Jesus amabatsingula rie : " Duyaba na goma" Yetsingulanu baana batadji bawendi o Galilée. Aguna bundabila ¹¹ Ava bagetu bamewendilanga bamabengunu na bagora abe bagelisa ngila bamawenda ombu bivunda bivagulitsi bapagu muyebatsingula nana bamalabila. ¹² Avana milontsi, na bivunda bibulongu banokikula dionyi, bamavega mbongu tsi puela. No batsingula rie : " vosanu rie : ¹³ "badukitsi baJesus bamaruga mukolu muyidaga dunyuru duandi ava bamabila yilu. ¹⁴ Pa diambu dimatola ombu murumitsi bulongu, tumugulusu, nokaksena uotsu mukilu mu djenu. ¹⁵ Na bagora bamabonga mbongu bakevaga nana bamabatsingulila. Dionyi disamasuema va gari bajuif te na yilumbu yeyiyi. ¹⁶ Tumba digumi na mudukitsi umosi bakenewenda o Galilée o djulu mukongu agu Jesus amabalontsa. ¹⁷ Ava bamamulabila, bamamuyitsa tumba bana bamaba na kemi. ¹⁸ Jesus anobambena nogu, amabatsingula rie : "musuga uotsu umapegu o djulu na vava tsi. ¹⁹ Wendanu vaganu bulongu buotsu badukitsi bami, na babatisianu mu diina diTadji, diMuana na Yinyunyi Yisiama.