¹ Dibuku di bukulu mu Djésu christ, mwane kage David, na mwane Abraham. ² Abraham ama bura Isaac, mbana Isaac amaba tadji Jacob, mba Jacob tadji Juda na bana ba tadjiandi. ³ Judas amaba tadji Pharès na zara, mbana ngudjuogu Thamar. pharès amaba tadji Esrom. Esrom amaba tadji aram. ⁴ Aram amaba tadji Aminabad, Aminabad amaba tadji Naasson . Naasson amaba tadji Salmon. ⁵ Salmon na mugatsiandi Rahab ausamaba mivisi Israèla, jogu abama bura Boaz. Boaz amaba tadji Obed, nnguji Obed amaba Ruth, mugetu mosi agu samaba mivisi Israèl. Obed amaba taji Jesse. ⁶ Jesse amaba tadji kaga David, David amaba tadji salomon. nguji Salomon ô maleba mugatsi Urie. ⁷ Salomon amaba tadji Roboam, Roboam akaba tadji Abia, Abia tadji Asa. ⁸ Asa tadji Josaphat, Josaphat tadji Joram. Joram kagulila Ozias. ⁹ Ozias amabura Joatham. Joatham amaba tadji Achaz, Achaz amaba tadji Ezechias, ¹⁰ Ezechias tadji Manassé , Manassé tadji Amon, Amon tadji Josias. ¹¹ Josias amaba kaghe Jechonias na bana ba tadji bandi. Bamaba va temu aji bagora ba Babylone béyile Israël ôbuvighe ô bulongu bu Babylone. ¹² Banobégu ô buvighe ô Babylone, Jechonias amabure tadji Salathiel, Salathiel tadji Zorobabel, ¹³ Zorobabel tadji Abiud, Abiud tadji Eliakim, Eliakim tadji Azor, ¹⁴ Azor amaba tadji Sadok, Sadok tadji Achim, Achim taji Eliud, ¹⁵ Eliud amabure Eleazar. Eleazar amabura Mattan, Mattan amabure Jacob. ¹⁶ Jacob amabure Joseph. Joseph adji mabe mulumi marie, ngudji Djésu, Djésu adji nengulu Christ. Nyirangi bagulu ba Djésu : ¹⁷ Digumi na bane mutemu Abraham, abraham tena temu ji kaghe David vamabe digumi na bane . Mutemu David tena tému bisi Israèl bama bégulu ô Babylone mbana digumi na bane ubamdila temuéni, téna temu duburu du Christ. ¹⁸ Labanu a ma ma vioghe ne Djésu Christ ake buru. nguji andi Marie amakumu na Joseph, mbebaka welene, Marie ama jaba yiri aka ne dimi adi ma ruyile mu mangolu ma yinyinyi yisiema. ¹⁹ Joseph oma mukume, amaba mutu agu magobisange migaghe mi Nsambi amaba na nsala ubusa umuwela. Tumba asa ma ronda u mu veghe yisogni va gari batu. Va djulu vane a ma ghane ukakane nandi ô musueghe. ²⁰ A notasanghe nana, yianse yi Fumu yima murule o ndosi no mutsingule rie, joseph mwana David, uyaba na keri mubonge Marie nana mugatsi agu, mumbari mwana aguvu nandi wiruyili ombu yinyunyi yisiema. ²¹ Obura mwana dibaala, duke mu lugha Djésu, mu mbari jandi ô gugobula mukute andi mu masumu mandi. ²² Motsu mana mamalabenine mudugusu adi Fumu ama ruma mubiyitsi Esaie va tému kala. ²³ gulu "Tsiemi obe na dimi na obure mwane dibaala. Bo mulughe Emmanuele divindugulu rié Nsambi aji netu." ²⁴ Joseph ano tsagumughe otsi yilu, ama dugusu dio yansa yi Fumu a ma murume na amabonghe Marie mughatsiandi. ²⁵ Tumbe asamawè mawèle nandi tena ama bura mwane udibaale. Na amamulughe Djésu.