¹ Ina ɔgbin siman kikon iŋusiŋan cə ni aŋinrin duwa ba. ² Iŋusi ɔli səda sisima ŋan fɔba, aŋanŋinbaŋan kpara ɔli ɔcɛ di afɔ di ɔnɔrɔ ba. ³ ŋuni jɔ ami sisin n'ri m'man kikili rirə əsi sidifu rirə n'di kikɔ dəm, afɔ titɔ əsi dəba ̧Teophile. ⁴ Mbisi ni ɔma tchimi di kikɔ əsi n'fuɛ ba. ⁵ Ni igbaɛ Herode sa cə ɔla di Judee, Ɔsa warɛ ɔlɔcɛ dɔ ɔnoɔrɔ ni ankpə ɔni Zakari, ɔgbin di ɔlɔcɛ dɔ ɔnɔrɔ sa cə di Abia. aya sa cə bibi di Aaron, isiɔrukɔdɔ jɛ Elisabeth. ⁶ miji diŋ'an man nuju di ɔnɔrɔ; ansa gbɔ mara dɔnɔrɔ ŋan gbugbo n'dɛ cimi. ⁷ Aman akanin manni sɛdɛ Elisabeth kasace ɔlibibi ba,nɛ mijidɛŋan sɛ gbo da. ⁸ Ɔjɔ ɛsɛ Zakari wari n'cɛ ɔcɛ dɛ ɔnɔrɔ ba, satɛ dɛ ɔgbin dɔ nɛto nɛ kuce. ⁹ Nɛnon dɛ ɔcɛ dɛ ɔlɛ ɛnan dɔnɔrɔ ba ɔnɔrɔ n'anw niridudɔndu nɛ kufi tularɛ nile dɔnɔrɔ. ¹⁰ ɔgbin gbugbo sawa nɛ ɔnɔrɔ ririsoko satɛ dɛ tularɛ fifi yɛ. ¹¹ ɔli na dɔ nɔrɔ wa basu, ɔduro nani kpukpana dilə di tulare. ¹² ɔli ɔcɛ dɔnɔrɔ Zakari riu ba ni idɔ daou. ¹³ ɔnin dɔnɔrɔ fɔ fuuni, idɔ kuma dɛ Zakari ɔnɔrɔ gba tutossidɛ. Ayɛ Elisabeth n'wa bi fɛ ni mani. ¹⁴ do fu nɔroko di Jean da ikɛ dɔ ɔgbin kututu. ¹⁵ Mani yɛ n'cə onogbo basi ɔnɔrɔ kan wa mon oti,ni ami mima n'wa wasu do ninon di iti. ¹⁶ ɔba mani ɔgbin di Israel balɔfu ɔnɔrɔ dɩŋa. ¹⁷ N'rin nɩ ju n'dɩ mimassi dɔnɔrɔ n'di ami m'ma n'di iko di Elie, da n'ba idɔ di baduan basi mandiɲɲa ni ɔba ikuya ŋa barin kakə girima dɔ ɔlɩ cimiŋan da katugo kakɔ ina ŋɩsiŋan cə duŋan ba. ¹⁹ Zakari kafu ɔli ina dɔnɔrɔ ni: «kəni cə mima də ni ?»domi n'gbo ni ayam sisin warɩ gbo.» ¹⁸ ɔli ina jɛfu ni: « amɩ ni Gabriel,isi duro ni ju dɔnɔrɔ ba. ana wani n'wa kan fɛ ni afɔ rirə. ²⁰ ɔsaŋan,wonditi ɔkan tugo ɔfɔ kɔsɩ alɩ ojɔsi kə bɛ ni kuwacə sidɩ ɔkagba afɔ dəm ŋinsiŋan ni kuwacə ni satiyɛ.» ²¹ Ɔgbin duro n'də Zakari n'edɩ biti ni ɔyafra nilə dɔnɔrɔ wa yaa. ²² Igbasi ɔfra waba kan sin n'fɔ kɔsi nina ri amanɩ ori nilə dɔnɔrɔ oŋusi ni kuwa cə ba.n'cə yasi ŋa ɔbɔ kan tugo n'fɔ. ²³ igbasi ɔcɛ dɔ tra ba ɔsin ni dɔ. ²⁶ ninɔ di ocikpa mɛfa di inɔn du, ɔnorɔ na ɔnɛ du Gabriel wa ni ilu di Galilə isi ɔrukɔ du n'jɛ Naʒareth ba. ²⁷ bisi mani igira, isi ka ma ɔkirin ba isi jɛ alǝ fu ɔkirin isi an kpəu ni Josɛf ni nɔn di ilǝ di David. mani igira yɛ an kpǝu ni Mari. ²⁸ Ɔli ina wǝlǝ bisiɔ ni ofɔfu ni ikɛ dɛ kututu. wo isi kǝ ɔnɔrɔ dɛ ɔdɛ ba, ala dɔa ɔwa nanɔi dɛ. ²⁹ Ɔgbɔ afɔ yɛ ba, ocǝu ni biti ni n'bi arɔni basi ni kǝ bɛ jǝ ni. ³⁰ ɔlina di ɔnonrɔ kanfɔni : magbɔ ojo Mari, ɔri iri didon basi ɔnonrɔ. ³¹ Won wari inon dɔ wabi mani da ɔrɔ kɔ duni Jesus. ³² n'wa kpɔ daka kpǝu ni mandi ɔlalaku. ɔnɔrɔ ɔla laku n'wa fu ɔla jijɛ di David batị. ³³ Ɔni kɔjɛ ɔla caa ni kpasi di Jacob da ɔla jijɛ du kan nin ikpəku. ³⁴ Mari kanfu ɔli na dɔnɔron ni basini bɛ ńtugo kucəni kubɔ ńka man ɔkinrin ni ? ³⁵ Ɔlinan dɔnonron Jɛfu ni:«ami miman ń wa sɛ da ipka di Ɔla laku ńbosi ajijidu sɛ. Sidibɛ manisi ɔnɔbiba ńman. An wa kpəuni mandi ɔnɔron. ³⁶ Wori Elisabeti, bibidɛ, sisin ńdi inon ni wati di arigbotɛrɛ du, ɔwani ɔcikpa irikɛfwa ŋu isi an sakpeni agbrabi ba. ³⁷ Domi ɔnɔrɔ kabeku afuka. ³⁸ Mari fɔni ŋuni ɔlɔcɛ dɔnɔrɔ. Gbubgokuwarɛfunkǝbasi ɔfɔba ni ɔlina dɔnɔrɔ frasu. ³⁹ satɛsi Mari lɔni aŋinrindi oluaka bɛgutawarɛba ni olusi ankpeni Juda ba. ⁴⁰ owelenipkasi di Zakari ni ori Elisabeth soko. ⁴¹ Tansi Elisabeth gbɔ iku di Mari ba mani toto ni inondu ami mima weleni Elisabeth. ⁴² ɔlasi nonfɔ nɛ ɔnɔrɔ dɛ na ŋinrin dɩ ibrin ŋan gbugbo,dani ɔda ɔma dɩ inon dɛ. ⁴³ ami ni sɩɩ da iti ala duwa kuwa basɩ'm ni? ⁴⁴ domi tansi m'gbɔ oŋu di ikɛ dɛ ba mani yɔli ni inon dəm. ⁴⁵ didɔn ni fu ɔbrin isi gbɔ fu ba,domi iŋu isi ɔnɔrɔ safɔ fu ba n'wacə bɛ. ⁴⁶ ni Mari fɔni ɔya dəm ŋɛ ɔnɔrɔ. ⁴⁷ ni ɔdon fu ɔya dəm si ɔnɔrɔ,ɔli gbigba dəm. ⁴⁸ domi owo ɔlɔcɛ dɔ. Hin ɔli safu tuton ŋan wa kpəŋ nɩ ɔlɩ ikɛ tu tutu, ⁴⁹ Domi ɔlalaku cə ɩn'an ɔkpin fum miman nɩ ɔrukɔ du. ⁵⁰ arə gbugbɔ du fu ɩsɩ ŋan saw ba nto safu tuton tuton dɩŋan ŋan. ⁵¹ ɔmu ɩkpa dɩ ɔwɔ du ɔba fansi ŋɩnsɩ ŋan ŋan ariŋan ba. ⁵² ɔba ɔli ɩkpa ŋan ba jira sɩ ɔla tɛrɛ dɩŋan, nɩ ɔba ɩnan rirəŋan ba gun. ⁵³ oyo ɔli ibi ŋan ndɩ arizik,olowo ŋan ba ɔgbiki ŋan ɔwɔ ɩcan ⁵⁴ ɔwa gbələ Israël ɔlɔcɛ dɔ,ni ɔtɔsi si arə gbɔgbɔ di badu waŋan. ⁵⁵ kakə ɔba kuan ABRAHAM n'di ɔla n'i duŋan ba tansi ba.» ⁵⁶ Mari n'di Elisabeth joko ɔcikpa mɛta, na n'i di bɛ ni ɔsin basa arɔ. ⁵⁷ sati si Elisabeth ni kubi ba to, nobi mani ɔkrin. ⁵⁸ bibi du ŋan n'dɩ ŋin duŋan agbɔ ni ɔlalaku ocə ɔnin tɛrɛ fɔ Elisabeth ni ɔdon fɔ gbugbo diŋa. ⁵⁹ ni ɔjɔ irikɛjɔ, anwa ni ka dafɔ mani yɛ. asa bisi ni kafu mani yɛ nɔrɔkɔ di bati dɔ Zakari. ⁶⁰ ama iti fɔni : « aawo, ka kpəu ni Jean.» ⁶¹ na fɔfu ni ɔnaka kosi ni bibi dɛ ɔnin ɔrɔkɔ yɛ. ⁶² n'cə yasɩ ŋan fɔ batɩ da kuri kuma ɔrɔkɔ isɩ ɔni kufu ba. ⁶³ otosi wala (tablette) nɔ kon ɩma dafɔ dɔŋan: «ɔrɔkɔ dɔ ni Jean. »nɔ cə ŋan ni biti. ⁶⁴ igba yɛ nɔ da nanɔn du nɩ ɩŋa dɔ ka lɔkrɩ kɔsɩ.n'fɔ m'ba ŋin ɔnɔrɔ. ⁶⁵ da nɩ ŋinsɩ ŋan wa naŋinrin yɛ ba ocə ŋan ni biti.danɩ nakpala dɩ guta dɩ Judə yɛ afɔ dɩ bɛ caa nan fɔ. ⁶⁶ ɩna ŋinsɩ ŋan gbugbo gbɔ ba sisi nɩ ɩdɔ dɩŋan danɩ anfɔ nɩ: kənɩ manɩ yɛ nɩ kuwa kpara bɛ nɩ? ɔwɔ dɔnɔrɔ wasɔ. ⁶⁷ Zakari bati dɔ ɔkɔn n'dɩ ami miman(st esprit) nɩ cə wazu nɩ: ⁶⁸ aŋin ala dɔwa, ɔnɔrɔ dɩ Izrayɛl,domi ɔwa ri zama(ɔgbin) dɔ danɩ ɔda ŋan. ⁶⁹ ɔfua nɩ ɩkpa mima fɔ bibi dɩ David,ɔlɔ cɛ dɔ. ⁷⁰ ɩŋun sɩ ɔsa fɔ n'dɩ anon dɩ andəbi dɔ ŋan, doo ba. ⁷¹ gbɩgba sɩ n'daa n'dɩ ɩkɔya dɔwa ŋan n'dɩ ŋin sɩ ŋan kabisa ba. ⁷⁴ ɔŋan arə gbugbɔ dɔ fɔ badɔwa ŋan danɩ ɔtɔsi iŋun sɩ sa yosɩ ɲan ba. ⁷³ sɩ afɔ sɩ ɔsa gbɩlɛ fɔ baduwa Abraham ba n'fɔa. ⁷² Nan'i dɩ ɔgba nɩ ɔwɔ dɩ ɩkɔya dɔwa ŋan ba,da ka tugo ka ri ɩkpa kan riu soko ɩdɔ kan daa. ⁷⁵ nɩ mima n'dɩ nɩ cimi dɩ wuwo dɔ nɩ dunia dɔwa. ⁷⁶ da wɔ man dəm anwa kpəɛ nɩ andebi onogbo,domi wɔn wa rin nɩ oju dɩ ala dɔwa dɔ cicərə wɩwa dɔ. ⁷⁷ da kɔ fu zama dɔ nɩ mɩma dɩ gbigba(salut) n'dɩ dɩda (pardon) dɩ alahaci ŋan. ⁷⁸ ɔnɔrɔ dɔwa n'wa daa nɩ ɩnɔn dɩ arə gbɩgbɔ dɔ,nɩ arə gbɩgbɔ yɛ n'wawa kɔjɔ kə onunu n'dəwa ba. ⁷⁹ da kun tan sɩ ɩgbiri wa. m'wa mafɔ ɩna ŋin sɩ ŋan wa nɩ ikuku n'dɩ na jiji dɩ iku da kɔ ŋan nɩ kpana dɩ mimi.»