¹ Louô là ma à l'amélioration à ka logo lékamagnoan zokou , à ngouhouma lé à yrílí nama nonnonhon fíè a za. ² Gnoan gnoumossa na tchilo, koko, koko a tchitchié nan, à ka nama di lé à kouikloulossa gnoan fíè a dré. ³ Ā sèfouo ā ní wa filé, ā ni ngouwaou gnoan, ā ya sa youo, píèfíè ngon gnoumo gbí a, zèzè à mlí ā kouwa. Ā ní la wagnon ka lé wawou ngídí la. ⁴ Mā, tgníen mou néoussagnon Lago a namin a mlin lé o gnikpo wawou tchèlokou . ⁵ O saou ā mon né, èní ā nama nonnonhon a na ka zría za ngon, ma o wawou ou tchiélé a za, gnoupalè ya kplokplo Zouzou a ngrinmon. ⁶ Ā néoussagnon Zozi-croissi a za Lago la amon kplokplo Zouzou, ⁷ lé o ploplo bloblou a ngrín mon ā yí kèzo djalignoan plí kohoko a za. ⁸ Bhouaní tchitchiwolí ngon tchítchassassa. Lé í yra lé' à tchi bhouhaní woliè, lé a too lè Lago douo ka yrílí ploplo nonnonhon a za. Bhoaní poplo wolíè ka ngoan kou fa. ⁹ Topou dïbhla bhlalè lé wolí yíblílè, líkpí, loho a koubhlalè. Í ngon wolí í gnou lé í ní píou mlin ka. ¹⁰ Í ka lé ka taga lé so tabâ gnindaa, a dilé gnoan datrouman. ¹¹ Yíblí ma gnon o ya naman gnízo kouwroua lé o nié gnoumoé a, o ngouin o gnokou djí. ¹² Tagníen mou ní faamon Artémasí a í za Tichikí, fio yi í ngrin mon ní kou Nicopolissí , ma mòmon n'a ka wotro tagníen zi. ¹³ Fiokou lamon Zénassí, loho yíblígnon lé Apolossou á ya gnoan fière á yra sa. ¹⁴ Ā gnoan ka lé nama nonnonhon zrílo lè á kou tchia lé a ka á gnokou koubhla, lé á ní ka ouh boo flè. ¹⁵ Gnoan fiè koumongo pa mon youo . Pa gnoan fiè á wamon douitata mlí a. Lago a bloblou kou à monfiè djí. Í kou sa.