¹ Monhon, tchiaa wolìè kou Lago djrama mlin. ² Srou koglègnoan ma à na bha liè i yi à goplia, à kèti, à ngouhou, à ni digassa pì fìè, à plo douitata, wawou lé glaglou a mlin. ³ í srouè zoubo wran ma ha nâmli kplokplossa, à kalé à ka nikalè gou. À ni kalé à ka divin mlamlou ka, ⁴ ma à ka lé à ka woliè nan tchia, í mi na kani lé zopki ngran yi ha lo bissako ni, I ka lé kaa zouzou ngou bhé ha ka ah gnitié ya ha you so wa. ⁵ Ha ka tchitchassa ya kplokplou so ka, ha vadi koubli, ha ka lé ha ka ha gnitié dré sacrouilo i tagnin Lago woliè ni ka bhoussoulo. ⁶ Í à mouo a mlin pa zokpaa doh bhé à ka tchítchassa mon bha. ⁷ Kaa poupa bhé à ka na nama ninifassí dida, Kā kplokplo tchiatchou, í gbalè cloumouan, kplokplo niwolíè í ni bhlalè ka. ⁸ Pla tchitcha niwolíè í ní djíssassou ka, í tagníen zouhou yí gnoumozouzou bhla lé ou ní ka niwolíè ka. ⁹ Guéyouo ka lé à ka á kagnoan oungon píè fíè a mlí. Á ní kalé á ka o klou oussama ma à ka à ninifassí mou á wawou momouon. ¹⁰ À ka lé à ka yri ma à toi à douitata í tagníen íyí ā kagno a djrama mon gba. ¹¹ Mā Lago a bloblou hou saou gnoifiè néa ngrí gnouan fíè kou. ¹² Í tchíalè à mon ma à wrou sísí gbí a mlí, zikpazo a gnoumo píè bhé à ka fikéssa, tchítchassassa lé kpokplossa zikpa mlí namlí. ¹³ Tágníenmou ā galè bhou ā gla gnoupa wolíè Lago kadou, ā kagnon Zozi-croissi na ka amon la. ¹⁴ Zozi mon monglou gnin o gnokou ā za lé o ka gnoumoé a lolofíè a wrou pè, o ka o gnokou lowia a kpro Lago wolía mlí ni. ¹⁵ Tchi lé ngou zouzou í za. Sri píèfíè sa n'a kamalè a mlí. Gnon n'a flima mon kou.