¹ O niyissa ma Zozi ngon Croissí a o kou Lago mou, lé o ní wa tout a, o wassa youo o vaa. ² Ímí mou ā yíbhlíssa ma ā wa Lago a you, tagnín mou ā wa Lago lé ā ngouin ou o loho à. ³ Lago a wawou ngon ma guígla o loho. Lé o loho ni moutè. ⁴ O valo Lago a mlí an sía ko lé Ā douitata ama sía ko. ⁵ O ngon o sía ko, èní o'yíbhlíèssa ma Zozi ngon Lago a you à. ⁶ Bhoaní Zozi é omon o ya gnou lé dolou si yi, èni gnou a mouo gnon, ma o ya gnou lé dolou si. ⁷ Á ngon ngonníssí gnoan ta ā tchié o wolíè a : ⁸ zouzou, gnou lé dolou, í a taha nounolé. ⁹ Ā níyè ngoníssígnon , Lago ngoníssilè zikou. Ní ngon touh a ngoníssílè í ngon o you a ngoníssílè o nía. ¹⁰ O ní yíblí Lago a you a o kalé Bhouaní ngoníssílè koho mou kou. O níní Lago yíbhlí kpokpognoan man o ní Lago a ngoníssílè o ní o you mon yíblí. ¹¹ Lé ngoníssílè gba ngon ma Lago gnin koho ou ní bhíadaka, lé Bhouaní ko ní bhíadaka o you mou. ¹² O ní la you à o ka koho , lé ngon níní Lago a you ka o ní koho ka. ¹³ wolíè lía dídjra ámon lé à ka sayíbhlí man ā ka koho ou ní bhíadaka āmon too Lago you a grin douô. ¹⁴ Wolíè mou ā tolodouô , niélé ā ní yralo lèmou a o pouè āmon gnoukouli. ¹⁵ À ní yíssa'ma o poué āmon gnoukouli, píèfíè ā yralo mou o yí āmon mí gnin. Íza ā yïssa ma ā ka líèfíè ā yralo. ¹⁶ Gnon ní yè o níayou lé o níní gnoumo gbí íní foho kouímon , o ka lé o ko wrou bhibhié lé Lago ko poupouè gnin. Í ngonssa ngon ko gnoumoé ní fa kouí mou. gnoumoé anin kouhou lé èní fa kouímon, éní Bhouaní gnoumoé a za ngon ma na ní ā bhíbhíé. ¹⁷ Nínígbíèfíè ngon gnoumoé, ma gnoumoé anin kouhou lé èní fa kouímon. ¹⁸ Gnon ngon Lago a youa ní ní gnoumo gbí;lé ngon Lago waa o wralo dévrou goua, lé dévrou ní mi lé o ko gbo. ¹⁹ Āïssa man â ngon Lago a youô lé zíkpaa kou dévrou a loho zo. ²⁰ Aïssa ma Lago a you íyi , lé o yí āmon fiké gnin lé aka tchítchassa yíblí lé ā kou Zozi-croissí tchítchassa mlí. O ngon poplo Lago lé o kā koho ní bhíadaka. ²¹ Loubouyouôgní à wrou zrí goa.