¹ Wawa níayo gní , à n'a toho zizié fíè douo ma à doudo namassa lé à ka Lago níè yíblí man profètígnoan (prophète) ya koho amlí zoumo. ² Í niélé á yí sayíblí man Lago lā Zozi. lé tché divrou a zouzouo niéa. Ouh yiyiè à noulè ā ya nou ma ouh ya ko cloui. Zizié fíè ni yíblí Zozi-croissí Lago a you monhan tchilé yèkè à mlin. ³ Oumou dévrou zouzou ou kou wolí à ya nou , ouh yíé lé ouh kou tagníen lía koho à mlí ⁴ Koho amlí à zizi kou, koho amlí yéli itchhié íza koa gnoan pouagnoucli Lago ní gnoan ā ngon, ôh yí Lago oh noué amon íza ā yi tchítcha zouzou lé kplokplo zouzou. ⁵ Á'kou kohoko a mlí íza wolíè fíè á tchié à ā poua gnoukouli. ⁶ Amon à kou Lago mou, Gnoan fíè ā yí Lago pour amon gnoukouli man'o níní Lago yia na pour amon gnoukouli. Í ní mou ā n'a ka kpokpla zizi lé tchítcha zizi yíblí. ⁷ Wawa níayo gní ā wāwā; Lago ngon wawou, wawou níkou'mon mou a í yi tchítchassa Lago. ⁸ O ni wawou kaa o ni Lago yi, Lago ngon wawou. ⁹ Lago a wawou kangrí lé o lo you a mouo koo à mlí lé omon mou ā ka poupoué yè. ¹⁰ Ā yè Bhouaní wawou kou, í íngon ma āmon wa Lago ma Lago o wa āmon , o gnin o youo lé á soudjí ā gnoumoé a za. ¹¹ Wawa Youo gní, tché Lago walè āmon a kalé ā Wawa sa. ¹² Gnon ní a za Lago yé , ā ni wawa a Lago a wawou kou a gní mouh lé Bhouaní wawou kplo. ¹³ Í Sassou mou ā yïssa ma ā kou mon, lé ā kou amon mou man o gnin āmon o zouzou. ¹⁴ í za ā yè , lé ayïssa ma Lago la o youo bhé ā koho ka ou néwrou. ¹⁵ Gnon tchié ma Zozi ngon Lago a you a, Lago Kou o mou lé o kou Lago mou. ¹⁶ Ā yí lé ā toh wawou Lago ka zāa , Lago ngon wawou, ngon wawou koumou a o kou Lago mou lé Lago kou o mou. ¹⁷ Doudou wawouho kou amon mou, tché ou kploa, ā ka Bhouaní a tchítchassa ; o títí a bíkou plo yrouô kou o, tché o koua, títè ā kou ko a mlí. ¹⁸ Gougoué ní wawou a mlí Kou. kploklpo wawou goulé djílè gougoué man gougoué la ploplou. Í za gnon goué o wawou o ni kplo. ¹⁹ Lago tètè wa āmon íza ā wa. Gnon ni tchima o wa Lago a, lé o ni o níayo waa míongnon ko. ²⁰ Í níayouo íyèkou a níní o waa tchébha í yí Lago ní yèkou waa. ²¹ O gnin āmon o djrama a mouo : Ní wa Lago a wassa í níayou.