¹ Zézu a gée o lɛ̀ɛ : «Wã̀nãwɔ̃ kpokpo lɛ m gèe ka lɛ̀ɛ : Mia dò o ka ɓà zée òó lo gãa kɛ ó tiã́n Wala zi dɔ̀ la gɛ̀ɛ a nù yikɛ gãayi . ² Yé ɲɛ̃́nɛ̀ saladó e diéa, Zezu Piɛɛ, Zaakè to Zã́ã si e lo o ká tɔ̃̀u wĩĩ. to à wɛlɛ mɛ́ e vɔ̀ɔ o wɛlɛ mɔ̀. ³ To à mɔ́ɔ̀ áà fèlè sélétété o gèe bɛ̃̀ɛ̃ sɔ pɛ́lɛ́ lɛ mì nɔ̃̀ɔ̃fé lɛ̀ɛ́ bɛ̀i kɛ̀i à mɔ̀ a pɛlɛ́ kili ⁴ Ye e kɛ kilia Eli wà Moyizè o ɓíé o là, à Zezu ni wáà o wṹ dɔ̀. ⁵ Lɛ̀ e kɛ kilia Piɛɛ a gèe Zezu lɛ̀ɛ kelɛ̀« Pɛzɔ̃̀ɔ̃mì lɛ sɛ̀ ko nu kɛ kó tó zèe, wéè a mɔ̀ kɛ ko gbùlù yààka dɔ. I zì dóo, Moyizè zì dóo to Eli zì» ⁶ ɓii Piɛɛ lɛ̀ɛ́ gbaa kɛ à yidɔ pɛ̀lɛ̀ mɛɛ wɔ̃̀ lɛ́ e kɛ à mɔ̀ á gèe, ɓii o kɛ tuò pɛ̀lɛ̀ ⁷ Lúo lúo e nu, é o mɛ́ kpíní kũ. Lɛ̀ e kɛ kilia wè dò e go lúo lúo yaa yi áà gèe: Mi tɛ́ yaa m̀ lɔ̀ɔkɛ̀á nɛ̀ lɛ kà ká tóó dɔ́ á mɔ̀. ⁸ Nɔ̃́ zá lea, o ɲɛ̃̀ɛ̃ wa taa o sɔ̃́nɔ̃ɔ òó gbaa midò gɛ̃̀ e kã́ Zézu mɔ̀. ⁹ Lɛ̀ o kɛ gopɛ̀lɛ̀ tɔ̃̀ũ wĩi wáà yɔ̀lòa, Zezu a gèe o lɛ̀ɛ ye kɛ̀ ka à yiɓo mi gbɛɛ lɛ̀ɛ e toa kili Zezu e wɛ̀lɛ̀ ga kɛ̀lɛ̀. ¹⁰ Wè lɛ e kilia kpɔ́ o zò pie wáà wɛ̃́ĩlɔ̀ɔ ɓɔ̀ɔ o kie kɛ̀lɛ̀: Wɛ̀lɛ̀ ga kɛ̀lɛ̀ yiɓɔ̀a yi lɛ mɛɛká. ¹¹ Sɛ́ɓɛ̀ dɔmìa o kɛ a gèe pɛ̀lɛ̀ mɛɛwɔ̃̀ wɛ̃́ī lɛ́ lɛ sɛ̀ kɛ Eli é nu bèĩzɛ̀, ¹² e à gèe o lɛ̀ɛ kélɛ̀ lɛ́ à mɔ̀ Eli é nu bèĩzɛ̀ kɛ e wɔ̃́ séĩ ya e kpàka mɔ̀. Kɛɛ mɛɛ wɛ̃́ĩ lɛ́ lɛ à mɔ̀ sɛ̀ kɛ Gɔ̃ gbe e wàà ɓèlè wɔ̃́ séĩ wɛ̃́ĩ. To o à kṹ lɛ̀ mii lɛ à ɓɛ̀lɛ̀ wɔ́ a mɔ̀ɔ lɛ ɓe? ¹³ Kɛɛ ḿm̀ gée ka lɛ̀ɛ Eli é nu, wa kṹ o zòmɔ̀ wɔ̃̀ kɛ̀á lɛ̀ zí lɛ́ sɛ́ɓɛ̀ e à gèea. ¹⁴ Ye o go tòapie mìa fiã̀ o nuã, o mia gbũ gbùò yaa gɛ̃̀ o sɔ̃́nɔ̃. To wà Wálà sɛ̀ɓɛ̀ dɔ́ mìà wáà tèé dà. ¹⁵ Ye nɔ̃́ o Zezu gɛ̃̀ áà nua, gbũ yaa séĩ gé e li o balasí wáá nu wéà à ba. ¹⁶ O wɛ̃́ilɔ̀ɔkɛ là tòa pie mià kɛ̀lɛ̀:« mɛɛ wɔ̃̀ lɛ́ kà ye ni kà tèé dà à là ?»