¹ Paul, odjodji a Ndjiami, oluoni a Jesus mo tari a bari a Ndjiami a suoli na èdjiabighi m'asisièlè na mè ka le télè. ² Djo oléghè lila ma lè bighi lè mbumbu lè Ndjiami, ali y dugha osami ni, ndaghi è ndè a lèghi m'antini a kala. ³ Ntini ma to, ndè o laghi mbari ngha ndè mpi m m'otoso. Mè saghi osa mo ngir é Ndjiami ovasighi sabè. ⁴ O Tite, muana djadja o tari è sabè aso. O pulha na odusa ma lèngulu lè Ndjiami tara Jesus Krist ovusighi a sabè. ⁵ Mo vua, mè ma gnagha wè o Crète, m'oyèsé momi ma kini o mona ni na lè tusa l'Akuru ntsa ègundu m'osumbu a mé èdugha. ⁶ Okuru ové oki télé okari omo tu, na bana sè ovè aki télè bari y buna o banagha bo ndi bo abi na olibhi. ⁷ Ovè, o djadji Ndjiami ali levusu oki tèlè. Ndè y ka na kha ndè y sa mami otsotsa ni. Nde y ka na nkala ni, ndè y gnua mali ni nde y djuana anguru ni, i sa ndjala adoro ni. ⁸ Ovè ndé ki mvuru a yamba bari, ndè dihi asi ma le vè. Ovè ndè ki mvuru o mono nkérighi abugha, tèlè opendè i bira nkala otstsa ni. ⁹ Ovè ndè i labalagha na mbari è Ndjiami è djadja m'osumbu m'ayisighi ni, ndè ya a buna o mpa abugha mpari na èyisighi m'evè ndè ya abuna dagha bo ndjila è mvè. ¹⁰ Bari mali ignima ni vulavula a Kritiens. Bari è bo otsa. Bo n'asa obi na le thasa l'abugha. ¹¹ Ovè bè lè lighi bo. y ma djondja ni. bo ma yisagha mami m'otsa m'obagha adoro m'abi ma djè na otsala ankuono m'athina. ¹² Omo ompanighi è bo, mvuru a li na ntsimi odugha ndi:" bari a Crète a ngo osami, bo a bi n'odjili, n'onkari". ¹³ Dja yi aisièlè, o ngha wè bié na bo na nkala èso ba a basagha tari è tsètsè. ¹⁴ Bè lè ka yugha mami a sabè a kala ni si kala angri a bari m'alabagha n'asisièlè ni. ¹⁵ Obari mali tsètsè, mami aso tsètsè; ndja è tsètsè o bari mali na mbini na étima onono ognagha etsimini è bo na oyeri' obo eli ntsa mbini. ¹⁶ Bo ma lagha ndi bo a djiabi Ndjiami, okorogho mami a bo m'asa okma. Bo mami abi bo ègnimighi kali. Bo y buna osa dja è mvè ni.