¹ Ngha wè, dugha mami a télè. ² Ekubu è bari ovè èki na odugu, n'ognima, na lè wobo lè yemighi, oka ntsa tari è djadja, ntsa dia nankomogho ³ Ngha o vua akuru m'akasi ovè bo aki n'ognimi, ontisha kali. Bo y ka oyigha a mali ni. Bo oyisagha mami m'avè; ⁴ m'oyisagha èndjambu m'akasi mo dia Alumi na bana a bo. ⁵ Ovè bo ayisighi bo èwobighi mè vè, m'oka tsètsè, bo ayisighi bo m'osèièghè ndjo, m'ognima Alumi a bo ankulu. Pvè ba ashi mami ma moma bari y ma bésé mbari è ndjiami ni. ⁶ Ovè sè, wè pi édjambu mpari ma owobo yémighi. ⁷ O mami asho, ovè wè ki lèyèghé lé vé o misi a bo, ntini è wè ayisagha lagho bo osumbu ovè na èkighi è tèlè. ⁸ Toso mbari opèndè è bari mali y buna ok-méné ni mpini mvuru a sa èkèmi ndè moni okuru, moma ndè dja e'mbi è ndè odugha o sabè ognagha. ⁹ Ayigha ovè bo ognimi ankumu a bo o mami asho. Bo ashi bo ovè bo y djuana na bo ni. ¹⁰ Bo y djiba kiba ni. ngha, bo ashi mami ma vè, ovè bo ognimi èyisighi è sabè mo Ndjiami ovusighi sabè ¹¹ Poha Ndjiami è si o bari asho. ¹² E tuma sabè m'obisa mbini na momi mabi a yula ntsiè-esa sabè moka m'osumbu ovè, télé n'op"ndé m'antini a lobhi ¹³ o ntini è sabè le djila lila è ndoso, ewasighi ma l'ekuma lè Ndjiami sabè omoni na ovusighi sabè Jesus Krist. ¹⁴ Jesus o mpi gnuru è ndè anku o sabè, m'ovusagha sabè o mami mabi asho m'okala, o ndè anku bari a kuru ndè mali na ndjala mami mavè. ¹⁵ Dugha o mpa mpari o mami ma. Wobo na mpari esho. Mpini mvuru y nèsé wè ni.