¹ Eki m'ebanighi (sabè le wighi, è sabè lemoni omusi, lè kési, ndjiala è bisi ètili.) ² O bari lè bighi. Le bighi lè djadji, bisi sè le moni, le tosi le bighi lè mbumbu. Lèki bla tara, l'èdjadji bla sabè. ³ Le sabè lè moni lè yughi. Bisi lè dugha bè lo, mo sabè lè ka mvuru omo. sabè le ka evunighi è mo bla tara tara na muana, Jesus Krist. ⁴ Bisi sè lè tendé bè mami ma osuèrè o sabè è ka yemighi. ⁵ Mono mbari è basi lè yughi ondè bisi le toso bè: ndjiami o yolala lèmpibi o ndè ognagha. ⁶ sabè odugha mbiri lè li bla ndè mvuru omo gha sabè lè lana o ntsa lempibi, ⁷ sabè lè dugha èkini asisièlè o sabè ognagha ngha sabè olana ntsa oyalala mva ndè ali ntsa o yalala, sabè na sabè mvuru sè omo, toghi è muana ndè Jesus è tchuka sabè m'ambini aso. ⁸ Sabè o dugha mbari lèka siagha mbiri, sabè lèkisa agnuru'a sabè, asisièlè o sabè kali. ⁹ Gha sabè o komboso a mbini a sabè, ndè li telè m'obologho ambini a sabè na lè tchuka lè sabè o mami mabi. ¹⁰ Sabè odugha mbiri lè kini os mbini ni, sabè lè dugha mbiri ndè ngha osami, mbari ndè o sabè ognagha.