¹ U tienu den maadi hali yogu leni ti yajanba bi sawalipuaba ñoana nni yaa yogini n kaa wa leni mabuolu boncianla . ² Moala a dan juodi kaana nni O maadi len ti O bijua ñoabu nni . O den bili ke wan diedi li bonli kuli ; leni wane ke , O go tagi li ŋandunli . ³ Wani bijua n tie O kpiagidi nannanli , U tienu wani O yaaba yaa maalima . O kubi ŋanduna leni O maama yaama n pia u paciamu . wani n den ŋuudi ki ñani ti tuonbiadi ki den kali tanpoli joma ti kpiagidi tienu jienu . ⁴ Wan bijua , o den tua yua pia ti kpiagidi ki cie Makinba kelima Wan ba yaa yeli n pia ti kpiagidi ki cieba yeni yaapo . ⁵ Olee Maleki yo ke U tienu yedi : a tie n bijua ; N mali ŋa dinla . be yogunu yo ke O go yedi : N baa tie o ba , o mo baa tien bijua . ⁶ wan den soani O bijakpiaga ŋanduna nni O go den yedi : U tienu Malekinba kuli n kpiagi O . ⁷ O go den maadi Malekinba po ki yedi : O teni ke O Malekinba tie nani u faalu yeni O naacenba mo tie nani u mupienu . ⁸ Ama O bijua po , O den yedi : Fini Utienu , A bali kalikaanu baa ye hali o yogunu kuli . A badigbianu mo tie mi teginma gbianu . ⁹ A bua miteginma , ki nani ti tuonbiadi . lan yaapo Utienu , ŋa Tienu gandi ŋa , ki wuli ŋa po li pamanli kpama , ki teni ke ŋa pia ti kpiagidi ki cie a lieba kuli . ¹⁰ O go yedi : O Diedo , hali mi cilima Fini n tagi ki tinga . Tanpoli mo tie A nu n soani yaa tuonli . ¹¹ Lan kuli baa bodi ama , Fini wani baa ye hali o yogunu kuli ; li kuli baa kpeligi nani li liadili yeni , ¹² A ba kokoli lan kuli nani ku liadigu yeni , ke li kuli ba lebidi ; ama fini wani baa tie ŋan tie maama hali ya yogunu kuli . ŋA bina mo , ki pia gbenma . ¹³ O lee Maleki yo ke Utienu yedo : kali n najienu hali min baa teni ŋa yibalinba n tua ŋa taaŋma kaanu . naani Malekinba ki tie fuoma kaa ? yaaba n tuuni U tienu po . ¹⁴ Wan tuuni yaaba ke ban soani yaaba n baa ba mi tindima faali yaapo .