1 Babilona bado Nebukanesa n den cuo yaaba ti yonbidi ki gedini Babilona diema nni siiga boncianla den goa ki kuni Jelusalema leni Juda Diema nni. Yua kuli den kuni o denpo. 2 Yaaba n den gobidi ba den tie Solobabeli, Josue, Nehemie, Selaja, Malidoke, Bilisani, Misipali, Bigifayi, Lehumi leni Baana. Isalele yaaba buoli leni bi coali nne: 3 Peleyosi buolu yaaba den tie tudalie n kobiga n piilele n jaba lie (2172). 4 Sefatia buolu yaaba: Kobita n piilele n jaba lie. 5 Alaki buolu yaaba: kobilele n piilele n jaba muu. 6 Pasati-Moabi buolu yaaba, bani Josue leni Joabi yaa bila: Tudalie n kobinii n piiga n jaba lie. 7 Elami buolu yaaba: tudili n kobilie n piimu n jaba naa (1254). 8 Satu buolu yaaba: kobiyia n piinaa n jaba muu. 9 Sakayi buolu yaaba: kobilele jaba piiluoba. 10 Bani buolu yaaba: kobiluoba n piina jaba lie. 11 Bebayi buolu yaaba: kobiluoba n piilie n jaba taa. 12 Asigadi buolu yaaba: tudili n kobilie n piilie n jaba lie (1222). 13 Adonikami buolu yaaba: kobiluoba n piiluoba n jaba luoba. 14 Begifaji buolu yaaba: tudalie n piimuu n jaba luoba (2056). 15 Adini buolu yaaba: kobiluoba n piimuu n jaba naa. 16 Esekiasi buolu yaaba: piiyia n jaba nii. 17 Betisayi buolu yaaba: kobitaa n piilie n jaba taa. 18 Joda buolu yaaba: kobiga n piiga n jaba lie. 19 Hasumi buolu yaaba: kobilie n piilie n jaba taa. 20 Gibali buolu yaaba: piiyia n jaba muu. 21 Betelema dogu yaaba: kobiga n piilie n jaba taa. 22 Netota dogu yaaba: piimuu n jaba luoba. 23 Anatoti dogu yaaba: kobiga n piilie n jaba nii. 24 Asimafeti dogu yaaba piinaa n jaba lie. 25 Kilijati-Alima leni kefila leni beeloti dogu yaaba: kobilele n piinaa n jaba taa. 26 Lama leni Geba dogu yaaba: Kobiluoba n piilie n jayendo. 27 Mikimasi dogu yaaba: kobiga n piilie n jaba lie. 28 Betela leni Ayi dogi yaaba: Kobilie n piilie n jaba taa. 29 Nebo dogu yaaba: piimuu n jaba lie. 30 Magabisi dogu yaaba: kobiga n piimuu n jaba luoba. 31 Elami toa buolu yaaba: tudili n kobilie n piimuu n jaba naa (1254). 32 Halimi buolu yaaba: kolbitaa n jaba piilie: 33 Lodi leni Hadidi dogi leni Ono yaaba: kobilee n piilie n jaba muu. 34 Jeliko dogu yaaba: kobitaa n piinaa n jaba muu. 35 Sena dogu yaaba: tudataa n kobiluoba n jaba piitaa (3630). 36 Bi kopadicianba den tie Jedayeja buolu yaaba, bani Josue yaa bila: kobiyia n piilele n jaba taa. 37 Imeli buolu yaaba: tudili n piimuu n jaba lie (1052). 38 Pasuli buolu yaaba: tudili n kobilie n piinaa n jaba lele (1247). 39 Halimi buolu yaaba: tudili n piiga n jaba lele (1017). 40 Lefi yaaba den tie Josue leni Kadimieli buolu yaaba, bani Hodafia yaa bila: piilele n jaba naa. 41 U Tienu diegu yanyanba den tie Asafi buolu yaaba: kobiga n piilie n jaba nii. 42 A buliñoaguuda den tie Salumi buolu yaaba, Ateli buolu yaaba, Talimona buolu yaaba, Akubi buolu yaaba, Hatita buolu yaaba leni Sobayi buolu yaaba. Bi kuli den taani ki tie kobiga n piitaa n niba yia. 43 U Tienu diegu naacenba den tie Tisisa buolu yaaba, Hasufa buolu yaaba leni Tabaoti buolu yaaba, 44 Kelosi buolu yaaba, Siaha buolu yaala, Pasoni buolu yaaba, 45 Lebena buolu yaaba, Hagabi buolu yaaba, Akubi buolu yaaba, 46 Hagabi buolu yaaba, Samilayi buolu yaaba, Hamani buolu yaaba, 47 Gideli buolu yaaba, Gahali buoli yaaba, Leyaja buolu yaaba, 48 Letisimi buolu yaaba, Nekoda buolu yaaba, Gasami buolu yaaba, 49 Usa buolu yaaba, Peseyaki buolu yaaba, Besayi buolu yaaba, 50 Asina buolu, Mehunimi buolu yaaba, Nefusimi buolu yaaba, 51 Bakibuki buolu yaaba, Hakufa buolu yaaba, Haluli buolu yaaba, 52 Batisiluti buolu yaaba, Mehida buolu yaaba, Halisa buolu yaaba, Batisiluti buolu yaaba, Halisa buolu yaaba, 53 Balikosi buolu yaaba, Sisela buolu yaaba, Tamaki buolu yaaba, 54 Netisiaki buolu yaaba leni Hatifa buolu yaaba. 55 Salimono naacenba puoliŋuani den tie Sotayi buolu yaala, Sofeleti buolu yaaba, Peluda buolu yaaba, 56 Jaala buolu yaaba, Dalikoni buolu yaaba, Gideli buolu yaaba, 57 Sefatia buolu yaaba, Hatili buolu yaaba, Pokeleti-Hatisebayimi buolu yaaba leni Ami buolu yaaba. 58 U Tienu diegu naacenba leni Salimono naacenba puoliŋuani kuli den taani ki tie kobitaa n piiyia n jaba lie. 59 Yaaba n den ñani Teli-Melaki leni Leni Teli-Halisa leni Kulebi-Adani ki kuni ki naa fidi ki doagidi ban tie ya cuuna yaaba ki doagidi ke bi tie Isalele buolu yaaba n tie ne: 60 Delaya buolu yaaba, Tobija buolu yaaba leni Nekoda buolu yaaba. Bi kuli den tie kobiluoba n piimu n jaba lie. 61 Bi kopadicianba siiga moko den pia yaaba n ki fidi ki doagidi ban tie ya cuuna yaaba. Li den tie Habaja buolu yaaba, Hakotisi buolu yaaba, Balisilayi buolu yaaba. Wani Basilayi yeni den yi yeni kelima o den taa Galaadi yua Balisidayi bisiaba siiga yendo. 62 Bi den lingi a coada tila nni, baa laa bi yaajanba yela. Bi den ñani ba li padili tuonli nni. 63 Gufeneeli den yedi ke ban da je ya jiema n gagidi boncianla hali kopadiciamoba n diidi bipo Ulima leni Tumima ki le wan baa jagi maama. 64 Isalele yaaba, yaaba n den ñani ti yonbidi nni kuli den tie piinaa n tudalie n kobitaa n niba piiluoba (42360). 65 Kaa taani bi naacenba leni bi potuada yaaba n den tie tudalele kobitaa n piitaa n niba lele. Bi yanyanba mo den tie kobilie, bi jaba leni bi puoba. 66 Bi den pia i taami kobilele n piita n bonbiluoba, i buomi kobilie n piinaa n bonbi muu, 67 ti yuoyuodi kobinaa n piitaa n bonbi muu leni i ŋunbi tudaluoba n kobilele bonba piilie (6720). 68 Ban den pundi Jelusalema U Tienu diegu n ye ya dogu nni, bi diedantianba den puni U Tienu diegu po bi yama po bu paapu ke ban goa ki maa gu kun den kpa ye naani. 69 Bi den puni ban fidi yaa banlu ku diegu yeni tuonli po. Ban den puni yaala den taani ki tie wula bontana piiluoba n tudiyenli (61000), ŋanjilifa kilo tudalie n kobinii (2800) Leni a kopadicianliada bona kobiga. 70 Bi kopadicianba, Lefi buolu yaaba leni ku niligu siiga toaba leni bi yanyanba leni a buliñoaguuda, leni U Tienu diegu naacenba den kakali ban boagidiba ya dogi nni. Isalele yaaba, yaaba n cieni den kakali bi dandogi nni.