Dianpiiga 10

1 Esidilasi den laabi U Tienu diegu nintuali ki buudi, ki jaandi ki miadi bi tuonbiadi sugili, Isalele yaaba boncianla, bi jaba leni bi puoba leni bila den cua o kani ki buudi boncianla. 2 Lanyaapo Elani buolu yua Jehieli bijua Sekania den yedi Esidilasi: Tieni ti tuonbiadi Tienu po ki taa bi nilanpuoba mi naa diema nilanbuoli siiga. Ama baa yeni tinba Isalele yaaba ti baa pia mi suginma 3 Moala baa tieni uñoanianu leni ti U Tienu ke ti baa ñani bi nilanpuoba yeni leni bi bila kuli nani fini n daano han laa maama leni yaaba n taa leni a ki fangi U Tienu n sua ke li dagidi maama, ti baa tieni yeni kubi li bali maama n bili yaala. 4 Fii li tie a ya maame. ti baa yegi leni a lieni. Paagi a ba ki tieni la. 5 Lanyaapo Esidilasi den fii ki teni ke bi kopadicianba yudanba leni Lefi buolu yaaba yudanba leni Isalese yudanba poli ke bi baa tieni Sekania n yedi maama , bi den poli. 6 Li yaa puoli Esidilasi den ñani U T ienu diegu nintuali kani ki ban kua Eliasibi bijua Yohanana dieli nni, ama o den yie waa dini waa ñuni kelima opali n den biidi maama, Isalele yaaba yaaba n ñani ti yonbidi ki kpeni tuonbiadi po. 7 Bi den kpaani Juda diema nni leni Jelusalema diema nni kuli, ki yedi ke yaaba n den ñani ti yonbidi kuli n taani Jelusalema. 8 Bi yudanba leni anikpela den taani ki bili ke danata siiga yua n kaa cua bi baa fie opiama kuli ki go ñani o, yaaba n ñani ti yonbidi siiga. 9 Juda buolu yaa jaba leni benjamina buolu yaa jaba kuli den taani Jelusalema danata yeni siiga. Li den tie o hmayialo danpiilieli daali. Bi niba kuli den se U Tienu diegu luolu nni ke ki taaga mii. Bi kuli den digibi kelima mi maama yeni po leni ki taaga po. 10 O kopadiciamo Esidilasi den yedi ba: Yin ta binilanpuoba yeni, yi tieni ti tuonbiadi yi go pugini Isalele yaaba tagili. 11 Moala yin tuo mani yi tagili li miali Diedo yi yaajanba Tienu nintuali ki tieni wan bua yaala. Yin paadi mani leni mi diema ne nilanbuoli leni bi nilanpuoba. 12 Li nitaanli kuli den taani ki kpaani ki yedi: Li dagidi ti po ti ba tieni nani han yed maama. 13 Ama bi niba yaba ki taaga mo mii, ti kan fidi ki ya se niini. Lani bebe ka, kelima laa bi tie danyenli bi danalie tuonli ka, kelima ti siiga yaaba n tieni laa tuonbiad yaba. 14 Ti yudanba n sedi li nitaanli kuli po. Ti dogu nni yaaba n taa bi nilanpuoba kuli baa cua ban bili yaa yogunu. Yua kuli baa cua leni o dogu nikpelila leni ubujiaba. Ti ba tieni yeni hali ti Tienu pabiencianli n kagidi tipo. 15 Asayeli bijua jonatan leni tikifa bijua jakasia leni yaaba n den todi ba, Mesulami leni Lefi buolu yua sabitayi bebe n den yie laa jagili. 16 Yaaba sieni kuli den tuo, bi den gandi, o kopadiciamo Esidilasi ki go gandi buolu kuli nni bi diedanba ki taa bi yela. Laa niba den kali cipiiga dankpiali ki cili mi maama yeni buudi. 17 Bi den buni leni yaa jaba n taa bi nilanpuoba kuli ki kadi mi maama, ki gbeni li binlieli hmakpialo ya dankpiali daali. 18 Bi kopadicianba siiga den pia yaaba n taa bi nilanpuoba. Li den tie Josue leni wani Josue waamu ya bijaba. Maaseja, Elieseli, Jabili leni Gedalia. 19 Bi den tuo ke bi baa ñani bi puoba, ki go padi petonli ki mia bi tuonbiadi sugili. 20 Imeli buolu nni li den pia Hanani leni Sebadia, 21 Halimi buolu nni, Maaseja, Elia, Semayeja leni Osiasi. 22 Pasuli buolu nni: Eliyonayi, Netaneeli, Josabadi leni Eleasa. 23 Lefi buolu yaaba siiga nni, Josabadi, Simeyi, Kelaja, bikelita, Petaya, Juda leni Elieseli. 24 Bi yanyanba siiga Eliasibi. U Tienu diegu buliñoaguuda siiga, Salumi, Telema leni Uli. 25 Isalele yaaba, yaaba n sieni siiga li den pia Paleyosi buolu yaaba: Lama, Jisija, Malikiya, Mijamini, Eliyasala, Malikiya leni Benaya, 26 Elami buolu nni, Matania, Sakali, Jehieli, Abidi, Jelemoti leni Elia. 27 Satu buolu nni, Eliyonayi, Eliasibi, matania, Jelemoti Sabadi leni Asisa. 28 Bebayi buolu nni, Yohanana, Sabayi, leni Alitayi. 29 Bani buolu nni, Mesulami, Maluki, Adaya, Jasubi, Seyali leni Lamoti. 30 Pasati Moabi buolu nni: Adina, Kelali, Benaya, Maaseja, Matania, Betisaleeli, Binuyi leni Manase. 31 Halimi buolu nni: Elieseli, Yisia, Malikiya, Semayeja leni Simeyono. 32 Benjamina, Maluki leni Samalia. 33 Hasumi buolu nni: Matinayi, Jelemayi, Manase leniSimeyi. 34 Bani buolu nni : Maadayi, Amilama, Uyeli. 35 Bennaya, Bedia, Keluhu, 36 Fania, Melemoti, Eliasibi. 37 Matania, Matinayi,Jasayi, 38 Bani, Binuyi, Simeyi, 39 Selemia, Natan, Adaya 40 Makinadibayi, Sasayi, Salayi, 41 Asaleeli, selemia, semalia, 42 Salumi, Amalia leni Josefi. 43 Nebo buolu nni: Jeyeli, Matitia Sabadi, Sebina, Jadayi, Joeli leni Benaya. 44 Laa niba kuli den taa bi nilanpuoba bi siiga boncianla den baa a bila.