Esidilasi Diani 1

1 Pelisa diema bado silusa bali binkpiali binli U tienu den jagi ke o ba tieni wan den teni teni ke o sawalipualo Jelemi yedi yaala. Li miali Diedo den fundi Pelisa diema bado Silusa yantiali ,ke o ñani li ñoabonli ki go diani Li ki soani o diema kuli nni ki yedi: 2 Pelisa diema bado Silusa yedi ya maama n tie ne: Li miali Diedo U tienu yua n die tanpoli, puni nni ŋanduna diema kuli ke n diema. o puogi nni min maa o diegu Jelusalema dogu yu n ye Juda duema nni 3 Yi siiga nni ŋme tie O nilo? ke o tienu n yaa yeleni o, n fii ki gedi Jelusalema Juda diema nni ki ban maa Li miali Diedo diegu, Isalele tienu! wani bi tienu yua n ye Jelusalema. 4 Li miali Diedo niba n ye naankani kuli, li kani yaaba n todi ba ki paba ŋalinjifa, wula, tiatoadi, ti yandi, ki go pa yanbuama paabu U tienu diegu yaagu n ye Jelusalema po. 5 Juda buolu yudanba leni Benjamina buolu yudanba ,leni bi kopadicianbaleni Lefi buolu yaaba siiga, U tienu n den fundi yaaba yaa yantiana kuli den fii ki gedi Jelusalema ki baan ma Li miali Diedo diegu. 6 Ban den ye yaaba ya siiga kuli den puni ba ya tiadi n te ŋlinjifa, leni wula leni tiatoadi yaadi n pia mayuli leni ti yandi kaa ta leni yanuama paadi. 7 Nebukanesa n den fie ya tadimu U tienu diegu nni ki ñani mu Jelusalema ki gedi ki ban kuani mu o budueli nni yeni ,o bado Silusa den taa mu ki goa guani mu. 8 Pelisa bado Silusa den teni ke midiema ŋalimankubido Metiledati ñani mu o bulo dieli nni ki teni Juda diema badijaba Sesibati-Sadi. 9 Mu coali den tie: wula taditi bondi piita, ŋalinjifa taditi bondi tudili, mu jugimu piilie n bonmu yia, 10 Wula tadikuamu bonmu piita, ya ŋalinjifa tadiñokaamu n ŋani nani muliemu bonmu kobi naa n piiga, leni tiatoadi bondi tudili. 11 Ya tiadi n den tie wula leni ŋalinjifa coali den tie tudamu n kobi naa. Sesibati-sadi leni o yonbilieba n den ña ti yonbidi ki ba kuni Jelusalema o den ta laa tiadi kuli ki guani Jelusalema.