1 Kala ay di bora kaŋ go ga goro karga boŋ kambe ŋwaaro ra tira kukunante fo. Hantum go a ra haray nda banda ga, i na haw mo nda kawatimandi iyye. 2 Ay di Malayka gaabikooni fo kaŋ go no ga fe nda jinda beri ga ne : « May no to a ma kawatimandi iyyey wo ceeri ga tira kukunanto wo feeri ? » 3 Boro kulu sino beena ra, nda andunɲa bon, wala andunɲa cire, kaŋ hini ga tira kukunanta feeri, wala ga a caw. 4 Ay hẽe nda bine-saray laalo zama i mana boro kulu gar kaŋ to a ma tira kukunanta feeri, wala ga hini ga a caw. 5 Amma Arkusey ra a fo ne ay se : « Ma si hẽe! Gune, Yahuda Kunda wana Muusu Beero, Dawuda kaajo zaama. A ga hini ga tira kukunanta nda a kawatimandi iyya feeri. » 6 Karga nda takari baafuna taaca, nda arkusey game, ay na feejiize fonnay kaŋ go no ga kay nodin. A ga hima nda han kaŋ i wi, a gonda hilli iyye nda mo iyye kaŋ yaŋ ga ti Irikoy biya iyya kaŋ yaŋ i samba andunɲa laabo kulu ra. 7 A maanu ga tira kukunanta ta bora kaŋ go karga boŋ kambe ŋwaaro gaa. 8 Kaŋ feejo izo na tira ta, takari baafuna taaca nda Arkusu waranka cindi taaca sombu a jine. I afo kulu gonda moolo nda wura gaasiya kaŋ to nda dugu, kaŋ yaŋ ga ti cimandikoyey adduwey. 9 I na baytu taji te ga ne : « Ni to ni ma tira kukunanta sambu ga kawatimandey ceeri, zama i na ni wi. Nda ni kuro mo ni du Irikoy se boro yaŋ kunda kulu ra, ciiney kulu ra, laabey kulu nda dumey kulu ra. » 10 Ni na i te diina jine boro yaŋ, i ma may Irikoy se, i ga may mo. 11 Sohoŋ kay, ay guna kala ay ma Malayka jinde boobo karga windanta, hala nda takari bafuna taaca nda Arkusey. I baayaŋo ga to iway-way kala zambar nda zambar. 12 I go no ga ne ne nda jinde beeri : « Feeji izo kaŋ i wi to a ma du hini gaabo, arzaka, lakkal, beeray, darza nda kukuyaŋ. » 13 Ay ma takahari kulu kaŋ yaŋ go beene nda ganda, laabo cire nda teeko boŋ (nda hay kulu kaŋ go a ra), i go ga ne : « beeray, darza, kuku yaŋ nda hini ma bara bora kaŋ go karga boŋ se, feeji izo no hala abada. » 14 Kala takari taaca ne : « AMIIIN! » Arkusey sombu ga sujudu.