1 Ma hantum Sardes kunda wana malayka se ga ne: sanno kaŋ a ci neeya, nga kaŋ gonda Irikoy biya hanna iyya nda andaria-ize iyya: Ay ga ni goyey bay. Ay ga bay kaŋ ni go ga ni boŋ cabe danga fundi koy, a gar ni bu. 2 Ma ni boŋ batu, ga cindo mo gaabandi kaŋ maanu buyaŋ; zama ay mana ni goyey gar toonante ay koyo Jine. 3 Yadin ga ma fongu mata kaŋ cine ni du ga maa, ma gaayi ga tuubi mo. Da ni si ni boŋ batu ay ga kaa danga zay cine, ni si bay mo alwaato kaŋ ay ga zumbu ni boŋ mo. 4 Kulu nda ni gonda alboro gur-gur yaŋ Sardes, kaŋ mana ngey bankaarayey ziibandi; I ga dira mo ay banda bankaaray kwaaray ra, zama I to ra no. 5 Bora kaŋ ga zama, yadin no I ga bankaaray kwaaray dan a ga, ay si a mayo tuusu fundi tira ra, ay ga a mayo mo tabatandi ay baabo nda malaykey jine. 6 Boro kaŋ gonda hanga ma maa wo kaŋ biya hanna go ga ci Almasihu margey se. 7 Ma hantum Filadelfa marga wana malayka se ga ne : wo ne no hanananta ci, cimi-koyo, bora kaŋ gonda Dawuda safa, bora kaŋ da fiti kulu boro kulu si daabu, wala mo da a daabu, boro kulu si fiti: 8 Ay ga ni goyey bay, zama kaŋ ni gonda gaabi kayna, da kaŋ ni na ay saano gaayi, ni mana ay mayo furu, ay na fu me feerante dan ni jine kaŋ boro kulu si hini ga a daabu. 9 gune, ay na ni no Saytan borey wana jingara wano, kaŋ yaŋg a ne ngey boŋ se Yahudance yaŋ, manti yadin mo no, I go ga taari no. Gune, ay ga te sabili I ma ka ga sombu ni cawey jine, I ma bay mo kaŋ ay ban nin. 10 za kaŋ ni na suuru sanno gaayi ga goro ay baayo ra, ay mo ga ni gaayi siiyaŋ alwaato kaŋ ga kaa andunnya ra, ga andunnya borey kulu gurzugandi. 11 A si gay kaŋ ay ga ka, ma wo kaŋ go ni se gaayii, boro fo ma si ka ga ni koytaara fuulla sambu 12 Bora kaŋ zaama ay te ganji a Irikoyo sujudu fuwo se, a si ye ga fatta koyne. Ay ga ay Irikoyo mayo hantum a gaa, nda ay Irikoyo gallo mayo, Urusalima tajo kaŋ ga funu beene ay Irikoyo do, hala nda ay maa tajo. 13 Boro kaŋ gonda hanga ma maa wo kaŋ biya go no ga ci Almasifu marga egliziyey se 14 Ma hantum Laodise egliziya wane malayka se : wo ne ga ti wo kaŋ Amen, seedakoy adilanta nda cimi koyo, nga kaŋ na Irikoy andunɲa harey kulu taka : 15 Ay ga ni goyey bay. Ay ga bay kaŋ ni yay, ni si mo zargante cine. Da ba ni ga yay wala ni go zargante no ! 16 Yadin ga, za kaŋ ni go ihinka game, ni si yay, ni si zargante cine, ay mo ga ni yeeri. 17 Oho, ni ga ne ni boŋ se : ay wo arzakaŋte no, ay te arzaka, ay si laami nda hay kulu, a gar kaŋ ni si bay, kaŋ ni sinda farhaŋ, ni go taabante, talka, danaw nda ga-koonu. 18 Yadin ga, ay ga ni yaamar ni ma day ay do wura kaŋ I hananandi nda danji, kaŋ ga ni te arzakaŋte cimi-cimi, ma bar anda bankaaray kwaaray kaŋ ni ga daŋ, i ma si du ga ni ga-koonu haawo. Ni ma du mo safari kaŋ ni ga daŋ ni muwa ra ni ma du ga di a ma boori. 19 Ay wo ay ga ka, ay ga yamar mo borey kaŋ ay ga ba. Yadin ga, ma kay ga ni boŋ yaamar ! 20 Gune, ay go ga kay fu meyo ga, ga kar-kar. Da boro fo ma ay jinda ga fu meyo feeri , ay mo ga furo a kwaara, ay ga hawru a banda, nga mo ay banda. 21 bora kaŋ zaama, ay ga a gorandi ay banda koytaray karga boŋ, danga mata kaŋ cine ay mo zaama, ay go ga goro ay baabo do, a wana koytara karga boŋ. 22 Boro kaŋ gonda hanga ma hangan wo kaŋ biya hanna go ga tonandi Egliziyey do.»