¹ Woodin se, ay nya-izey, ay baakoy, kal aran ma kay da gaabi Rabbi ra. Ay gonda aran faaji. ² Aran ciya ay farha hari d'ay bontoba,ya ay baakoy. Ay goono ga afodiya yaamar, ay goono ga sintici mo yaamar, i ma goro da laakal follon Rabbi ra. ³ Oho, nin mo, ay goy hangasin naanaykoyo, ay goono ga ni gwaaray ni ma wayborey din gaa. Zama i taabi ay banda baaru hanna goyo ra, ngey nda kilimandos, d'ay goy hangasin cindey mo kan yan maa go fundi tera ra. ⁴ Aran ma farha Rabbi ra waati kulu! Ay ga ye k'a ci koyne: aran ma farha! ⁵ Aran bine-baano ma bangay boro kulu se. A go, Rabbi maan. ⁶ Aran ma si karha da hay kulu, amma hay kulu ra aran ma nan Irikoy ma bay aran gwaarayyaney gaa. ⁷ Aran ma adduwa nda gwaarayyano wo te mo da saabuyan. Irikoy laakal kana mo, kan bisa fahamay kulu g'aran biney d'aran fonguyaney batu Almasihu Yesu ra. ⁸ Bananta ra mo, nya-izey aran ma hlaakal da hay kulu kan ga ti cimi wane,da han kan gonda beeray, da han han kan gonda adilitaray, da han kan ga hanan, da han kan ga hima nda baakasinay,da han kan gonda seeda hanno mo. da hayey din gonda booriyan wala saabuyan kal aran laakal ye i gaa. ⁹ Hayey kan aran dondon, da han kan aran ta, da han kan aran maa, da han kan aran di ay do, kal aran ma hayey din te. Irikoy kan ga laakal kanay no mo ga bara aran banda. ¹⁰ Amma ay goono ga farha gumo Rabbi ra zama aran ye k'aran fonguyan cabe ay se. Baa waato din aran fongu, amma aran mana du daama. ¹¹ Ay si ga hayey din ci zama ay ga laami hay fo bo, zama ay jin ka woone dondon: goray kulu kan dumi ra ay go, ay fundo ma maa a kaani. ¹² Ay ga waani janay goray, ay ga waani duri goray mo. Nangu kulu hay kulu ra ay dondon ay ma kungu, ay dondon ay ma maa haray mo. Ay dondon ay ma bara nda iboobo, ay dondon ay ma bara nda kayna mo. ¹³ Ay ga hin ka hay kulu tae ay gaabandikwa do. ¹⁴ Kulu nda yaadin, aran te han kan ga boori kan aran n'ay gaakasinay ay kankamo ra. ¹⁵ Filibi borey, aran bumbey ga bay kan za aran sintin ka baaru hanna bay, waato kan ay fun masidoniya laabu, Almasihu marga kulu man'ay gaakasinay noyan da tayan ciine ra kala aran hinne. ¹⁶ Zama waato kan ay to tassalonika kwaara, aran donton sorro hinka ay laamo se. ¹⁷ ay siinoga nooyan ceeci, amma albarka no ay goono ga ceeci kan ga nan aran arzaka kan go beena ra jisante ma tonton. ¹⁸ Amma ay du hay kulu nda yulwa. Ay kungu nda wo kan ay du, gomno kan aran na abafaroditos donton d'a. A ciya haw kaano salleyan hari, sargay kan Irikoy ga yadda nd'a, kan ga kaanu a se. ¹⁹ Ay Irikoyo mo g'aran laamey kulu bana nga arzaka bon darza ra, Almasihu Yesu ra. ²⁰ Darza ma bara iri Baabo Irikoy se hal abada abdin! Amin. ²¹ Aran ma Almasihu Yesu ra hanantey kulu fo. Nya-izey kan go ay banda mo g'aran fo. ²² Hanantey kulu go g'aran fo, sanku fa binde ngey kan ga ti kaysar windi waney. ²³ Rabbi Yesu Almasihu gomno ma bara aran biya banda.