¹ I kulu tuune ga kaaye ga Yesu booye ga koonda Pilatos jiine. I soobey ga kaalima ga ne: " ² Booro wo, ni na gaare no, a goono ga fiitina daŋ iri laabo ra, a goono ga boorey gaanji i ma jaangale baana laabu koyo se, kulu nda, a go ga nga bon himandi kan nga no ga ti Bonkoono da Faabakuwa." ³ Bilatos na haaŋ ka ne: " Ni ya Yahudancey Bonkoono no?" Yesu tu ka ne a se: "Ni ka ci." ⁴ Bilatos ne Alfagey jiine boora da jaama se: "Aye man di booro wo ga taali fo kulu kan too i ma citi." ⁵ Amma i go ga kaakamandi ka ne: "A goono ga jaama tuurandi nda ciawuyan Yahuudia laabo kulu ra ga kaa ga to kale Galilli, noon go kan a siintini nda. ⁶ Waato kan Bilatos maa saaney wo, a haaŋ haala booro wo Galilli booro no. ⁷ Kan a baye kan Herodus koyatara ra no ngey go, kulu a na Yesu samba a do, zaama jiirbey din ra a go Ursalima ra. ⁸ Waato kan Herodus di Yesu, a ma kaani gumo, zama, za geeyan a go ga ceeci nga ma diia haayey kulu kan ŋga go ga maa a bon, haala a ma du ga daambara haari te nga ma di. ⁹ A na haaŋ yan boobo te a se, amma Yesu mana tu a se. ¹⁰ Asaria beerey kooney nda Alfagey jiina booro beerey goono ga Yesu kalima gumo wone. ¹¹ Herodus nda nga soogey soobey ka doŋda Yesu, ga soobey ga woowu. I na bankarey haano daŋ a gaa haala i ga yaanda Bilatos do. ¹² Haano din, ibaari taara kan go Herodus da Bilatos game ra baan, i te coroyan. ¹³ Bilatos na Alfagey nda ciity koye da kuwara boorey kulu maargu ga ne i se: ¹⁴ "Aran kaande aye do booro wo ga ne, a go ga laabizey turaandi no, Amma aye haaŋyaŋey kulu kan a te a se aran jiine, aye maana di haye kulu kan aran goono ga kalima nda. ¹⁵ Herodus buunbo, zama a ye ga yeeti iri se. woodin se no booro wo maana taali kulu te kan ga to a se buuyan ga. ¹⁶ Aye ga baarzu ga ye ga tan. ¹⁷ Baatu kulu ga, a hima nda a ma kasiize fo taan. ¹⁸ I kulu saaba ga kuuwa ka ne: "Boora din wi iri se, ni ma Barrabas taan iri se." ¹⁹ Barrabas maanti kala booro kan i di kaasu, turre nda booro wiyan baanda ga. ²⁰ Bilatos saalan i se koyne, nga ma du ga Yesu taan se. ²¹ Amma i kuwa ga ne: "A kaanji, A kaanji." Bilatos ye ga saalan i se sorro hinzanta ka ne: ²² "Taali fo no a te wo? aye maana di haye kulu kan to a se i ma wi. Aye ga baarzu, day aye ma taan. ²³ Kulu nda, i goono ga himma daŋ ga kuwa nda jinde beeri ga haaŋ ka ne i ma kaangi. Kulu nganda Alfaga beerey jiina borey zaama Bilatos bon. ²⁴ Bilatos yaada ga te i se wo kan i han a ga. ²⁵ A na boora kan i dan kaasu tuure nda booro wiyan se taan maata kan i na haaŋ da, ga Yesu no i se maata kan cine i ga ba da. ²⁶ Waato kan cine i go ga koonda, i na booro fo kan se i ga ne Siman kerrius booro no kan goono ga fuunu faari, i na Yesu kaanji yan buundo daake a bon a ma gaana nda. ²⁷ Jaama boobo goono ga gaana nda wueyborayan, kan yan goono ga ngey gaandey kaare ga hẽ ka barey a bon. ²⁸ Yesu bare ka ni guna ga ne i se: "Ursalima wayborey, wa si hẽ ay bon, amma aran ma hẽ aran da aran izey bon. ²⁹ Zama guna, jirbiyan ga hani ga ka, kaŋ i ga ne, Albarkanteyan no wayguney, albarkantayan no gundey kaŋ yan mana bay ga hay ce fo, da fafey kaŋ yan mana bay ga nanandi cefo. ³⁰ Wato dinga i ga sintin ga ne tondi kuukey se," wa kaŋ iri boŋ!" da tondi daruye mo se, "wa iri daabu!" ³¹ Zama n'di goono ga wone yan te tuuri tayo se, tuuri koga, mata cine no nga wo ga baranda." ³² I kande zambante hinka fo kaŋ yan i hima ga wi care bande nda Yesu. ³³ Waato kaŋ cine i ka ga to nongo kaŋ se i ga ne bonkurbo do, i na kanji nodin, nganda zambante hinka, afo a kambe ŋwaro, afa mo a kambe woa gaa. ³⁴ Yesu ne: " Baaba, mi yaafa, zama i bay hay kaŋ ngey goono ga te no." I na goon te Yesu bankaareyey boŋ ka ni fay ngey game ra. ³⁵ Borey goono ga key ka guna waatin kaŋ se cine citikoyey goono ga doonda, ka ne: " A na boro fooyan faaba. Da Irkoy ka suuban, nga ya a Almasihu no, a ma nga boŋ faabe me." ³⁶ Soojey mo sobey ga donda, ga maana a jeere ga,ka haari mooro salle a se, ³⁷ I goono ga ne a se: " Da ni ya Yahudancey bonkoono no, ni ma ni boŋ faaba." ³⁸ Hantum fo goono boŋo boŋ bene kaŋ ga ne:"Boro wone wo Yahudancey bonkoono no." ³⁹ Zambantey ra afa kaŋ i kanji, na Yesu saani yamo ka ne: "Manti ni ya Almasihu no?" ⁴⁰ Ni boŋ faaba me ni boŋ se," day ni ma iri faabe me." Kulu afa tu ka ne a se, "Ni si hamburu Irkoy, ni kaŋ go ciiti fonlonkara a banda?" ⁴¹ "Iri wo se, a ga hagu, zama maata kaŋ iri ciito zumbu iri boŋ da noya. amma, boro wo mana taali fo kulu te". ⁴² Kulu a ne Yesu se: "Ma fongu ay ga, waatin kaŋ se ni furo ni koytara ra." ⁴³ Yesu tu a se ka ne: "haakika ay ga ne ni se, hunkuna niga koye ay banda Alzana ra." ⁴⁴ Zaaro guuru way cindi hinka cine, kubay na laabo kulu daabu kala wiciri kambo guuru hinza. ⁴⁵ Wayna baare ga te youmay, Irkoy fuwo meeyo daablua korttu ihinka bindo ra. ⁴⁶ Yesu kuwa nda jinde beeri ka ne: "Baaba, ay na goono ga biya taalfi ni ga." Kaŋ a saano din salan, kulu fundo kaŋ. ⁴⁷ Waato kaŋ soojey jine funa di hay kaŋ te, kulu a na Irkoy beerandi ga ne: "Daahir, boro wo adili no" ⁴⁸ Borey kaŋ yan na care margu ka gomdo mo, wato kaŋ i di ay kaŋ te, i ye ga bare ga sobey ga ngey gandey kaar nda bina sarey. ⁴⁹ Borey kulu kaŋ ga Yesu bay, da wayborey kaŋ yan na gana za Galili, goono ga kay nangu mooro ka guna. ⁵⁰ Guna, boro fo goono kan ma Yusufu, adilante no, ⁵¹ Yahudancey kuwara kaŋ se i ga ne Arimantiya boro no, kan a mana yadda da wokaŋ boor cindo te, a goono mo ga Irkoy koytara baatu. ⁵² Bora din koy ga di Bilatos, ga haŋ Yesu gaahamo. ⁵³ A na zumandi ga ka kanji yan bundo ga, ka diidigi nda kooko kwarey, ga koy ga jisi saarey fo ra kaŋ i te tondi gusu fo ra noŋgu kaŋ i mana bay ga boro kulu daŋ. ⁵⁴ 56 Baato soolayaŋ zaaro hanne no, assibti zaaro mo ka sintin. ⁵⁵ Wayborey kaŋ yan na Yesu gaana ga fun Galili mo na Yusufu dum, i di Yesu sara da mata kaŋ cine a gaahamo goono saale nda. ⁵⁶ I baare ga ye fu ga koy ka yaaziyan nda tuurareyan soola. Asibto zaaro hane, i fulanzam mata kaŋ cine asariya na ci nda.