Sura 11

1 2 /v1 Alboro fo go kaŋ se i ga ne lazare kaŋ sinda baani. Betania boro no, kwaara kaŋ ra Marta nda kayno Mariama go. /v 2 Mariama no na turaare caadante soogu Rabbi boŋo ga, ka nga boŋ hamno dan ga a cawey tuusu. 3 Wayme hinka no donton ga ne i ma ci Yeesu se kaŋ bora kaŋ a ga ba gumo sinda baani. 4 Kaŋ Yeesu ma sanno, a ne : " Doori wone manti buuyaŋ se no, amma Irikoy ma bangay, nda a wane iwo mayo ma to nda darza se no". 5 Yeesu mo, a ga Marta nda Mariama nda Lazare hala manti moso. 6 Kulu waato kaŋ a ma Lazare sinda baani, a ye ga te jirbi hinka nango kaŋ baaro ka a do. 7 Wodin banda, a ne nga taalibey se :" Iri ma ye Yahudia laabo ra koyne". 8 Talibey ne a se :" Rabbi a mana gay kaŋ Yahudancey go ga ceeci ngey ma ni catu ga wi, kulu ni ga ye nodin?" 9 Yeesu tu ga ne i se : Manti guuru way cindi hinka no go zaaro se, nda boro fo ga dira zaari ra a si karhaŋ zama a go ga di andunɲa kaaro. 10 Amma da a go ga dira ciini kubay ra, a ga karhaŋ zama kaaro si a ra." 11 Kaŋ a na sanney din salan ga ban kulu a ne :" Iri cora Lazare go ga jirbi no, amma ay ga koy ga a tunandi." 12 Kulu taalibey ne a se : "Da a go ga jirbi no, kulu a ga du baani." 13 Yeesu wo go ga salaŋ Lazare buuyaŋo boŋ amma ngey ga miila a go salaŋ fulanzamay jirbi ga. 14 Abinde Yeesu ci i se taray kwaaray kaŋ Lazare bu no. 15 "Koyne, araŋ sabbay se kaŋ ga nan araŋ ma cimandi, ay ga farhaŋ kaŋ ay si nodin. Amma iri ma koy a do." 16 Toma kaŋ se i ga Didimus ne taalibi cindey se :" Iri ma koy iri mo ma bu a banda." 17 Waato kaŋ Yeesu to nodin, a gar kaŋ Lazare te jirbi taaci kaŋ i na a dan Saara ra. 18 Betani si mooru Urusalima kilo hinza maanante. 19 Yahudance boobo ka Marta nda Mariama do ga ka ga i kunfa. 20 Kulu Mariama, waato kaŋ a ma Yeesu go no ga ka, a koy ga a kubay. Marta wo goro fu. 21 A binde ne Yeesu se: "Rabbi, Don da ni go ne no, ay arme si bu. Kulu nda, ba sohoŋ, ay ga gay kaŋ hay kulu kaŋ ni hã̃̃̃ Irikoy ga, kulu a ga a te ni se." 22 Yeeu ne a se:" Ni arme ga tunu." 23 Marta ne :" Ay ga bay kaŋ a ga ye ga tunu alaahara zaari kokoranta hane. 24 Yeesu ne a se :" Ay ga ti tunuyaŋ, boro kaŋ cimandi ay ga ga funa ba da a bu. 25 Boro kulu mo kaŋ ga funa, nda a bu, da day a ga cimandi ay ga kulu ga funa. 26 Boro kaŋ ga funa ga cimandi ay ga si bu hala abada, ni ga cimandi wodin ga wala? 27 A ne a se:"Oho, Rabbi, ay ga cimandi kaŋ ni ga ti Almasihu, Irikoy izo kaŋ hima ga ka andunɲa ra". 28 Kaŋ a salaŋ ga ban, a dira. Kulu a na Mariama kayno ce tuguray ra, a ne:" Rabbi go ne, a go ga ni hã". 29 Za Marima ma wodin, a hamay ga tunu ga koy a do. 30 Zama Yeesu mana furo kwaara ra jina, amma a go nango kaŋ Marta kubay nda a. 31 Yahudancey mo kaŋ go Mariama banda fu, ga i kunfa, kaŋ i di a, i tunu ga a gana. i go no ga ne :" A go ga goy saara do ga hẽ no bo." 32 Waato kaŋ Mariama ka ga to Yeesu do, nango kaŋ a go, kulu a gurfa cawey do ga ne:" Rabbo da ni go no doŋ ay arme si bu" 33 Waato kaŋ Yeesu di a heeno, nda Yahudancey kaŋ yaŋ go a banda go ga hẽ, a bina sara gumo-gumo wone, a lakkalo kulu tun. 34 A ne :" Man ga no araŋ na a gisi?" I ne a se: "Rabbi ka ga di." 35 Yeesu hẽ ̃. 36 Kulu Yahudancey ne :" Wa guna mata kaŋ cine a ba Lazare." 37 Amma boro jarey mo ne:" Boro wo kaŋ na danawo moyizey feeri, a si hini ga nan koyne boro wo ma bu?" 38 Yeesu bina ye ga sara ga tonton koyne, A koy sara do kaŋ i te nda guusu ga daabu nda tondi. 39 Yeesu ne:" Wa tondo ka!" Marta Lazare waymo ne Yeesu se:" Sohon cine, a sintin ga te haw, zama a te jirbi taaci nda buuyaŋ." 40 Yeesu ne a se: Ay mana ci ni se kaŋ nda ni cimandi, ni ga di ikoy darza?" 41 A binde i na tondo ganandi ga ka. Yeesu na nga moyey sambu beene ga ne :" Baaba, ay go ga ni sabu kaŋ ni ma ay se. 42 Ay ga bay kaŋ wati kulu ni ga hangan ay se. Ay go ga wone ci kaŋ ga nan borey kaŋ yaŋ go ne wo ma du ga cimandi kaŋ ni ga ay dondon." 43 Waato kaŋ a na wone salaŋ a kuuwa nda jinda beeri ga ne:"Lazare, fatta!" 44 Buukwa tunu ga fatta kambey nda cawey mo, i ni haw nda zaara yaŋ, moyduma mo go didijante nda zaara. Waato din ga Yeesu ne i se:" Wa a feeri ga taŋ a ma sobay." 45 A binde Yahudancey kaŋ yaŋ ka Mariama do ga di haŋ ka Yeesu te cimandi a ga. 46 Amma boro cindey ye farisi fondo borey do ga ci i se hayey kaŋ Yeesu te. 47 Farisi fondo borey nda alfagey jine funey na care margu ga ne :" Mate no iri ga te, boro wo go ga misa boobo te. 48 Nda iri fayda yadin boro boobo ga cimandi a ga, Romancey mo ga ka ga iri nangey sambu nda iri laabo mo." 49 Waato din ga, alboro fo kaŋ se i ga ne Kayfa, kaŋ jiiro din ra alfaga beeri no, ne i se:" Araŋ si hay kulu bay. 50 Araŋ si lasaabu kaŋ a gonda iri se nafa boro folloŋ ma bu jama se, a ga bisa laabo kulu ma halaci." 51 gar a si ga wodin ci nga bayra ra. Zama jiiro din ra, a go alfaga beeri, a na annabitaray te mo kaŋ Yeesu hima ga bu jama se. 52 Manti laabo se hinne bo, zama se mo a ma Irikoy izey kaŋ yaŋ say-say margu i ma ciya affoloŋ. 53 Za hano din no i na sijiri te ka bay mate kaŋ ngey ga te ga a wi. 54 Yeesu si no ga windi koyne Yahudancey game ra kaŋ i ga di a. Amma a ye tanera laabo ra kaŋ se i ga Efrahimu, nga nda nga talibey. 55 Yahudancey Paska ka ga to, nan kaŋ boro boobo ziji ga koy Urusalima kwaara kulu ra, ga koy ga ngey boŋ hanandi hala Paska ga to. 56 I go no ga Yeesu ceeci, i go no ga care hã jingara me ga ne:"̃̃Ifo no araŋ ga miila, kaŋ a si ye ga ka bato do" 57 Alfagey jina funa nda farisi fonda borey na fondo no kaŋ boro kulu kaŋ di nan kaŋ Yeesu go i ma borey ka baary i ma du ga a di.