Sura 2

1 Woodin se no a ga hima iri ma laakal ye ka tonton gumo hayey kan iri maa gaa, zama iri ma si daray i gaa. 2 Zama za kan sanno kan malaykey ci tabbat, asariya daaruyan da wangu-ka-ganayan mo kulu du alhakku kan saba i se, 3 mate no iri ga te ka yana, iri mo, d'iri na faaba beero wo cine muray? Faaba wo Rabbi sintin k'a baaro ci. Waato din gaa no i n'a tabbatandi iri se borey kan maa r'a do. 4 Irikoy mo n'a seeda dan i banda da alaamayan da dambari hariyan da dabari goy waani-waani yan da biya hanno nooyaney kan biya hanna zaban Irikoy miila bon. 5 Zama ndunnyankan ga kaa, kan ciine iri goono ga te, Irikoy man'a dan malaykey mayra ra. 6 Amma boro fo seeda sanni fo ra ka ne: «adam-ize ya ifo no binde kan ni ga fongu a gaa, wala ifo no boro izo kan ni g'a kunfa? 7 Ni n'a gazandi malaykey gaa kayna, ni n'a didiji nda darza nda beeray mo. 8 [Ni n'a dan a ma mayray te ni kambe goyey bon. Ni na hay kulu dan a cey cire.» Zama za kan Irikoy na hay kulu dan a cire, a mana hay kulu cindi kan manti a cire n'a go. Amma sohon iri si ga di kan hay kulu go a mayra ra jina. 9 Amma iri goono ga di Yesu didijante nda darza nda beeray mo buuyan taabey kan a han din sabbay. Zama Yesu gaze kayna malaykey gaa hal Irikoy gomno do a ma buuyan taba boro kulu gurbi ra. 10 Zama a ga hagu a se, nga kan hay kulu go no a sabbay se, a do mo no hay kulu bara, nga kan go ga kande ize boobo darza, a m'i faaba jine bora toonandi gurzugay do. 11 Yaadin gaa, nga kan ga borey hanandi, da borey mo kan yan a hanandi, ikulu baaba follonka do no i fun. Woodin sabbay se no, hawi s'a di a ma ne i se nya-izeyan. 12 A ne: «Ay ga ni maa fe ay nya-izey se, jama binde ra no ay ga ni sifa.» 13 A ne koyne: «Ay ga naanay a gaa.» Da mo koyne: «Guna in da zankey kan Irikoy n'ay no neeya.» 14 Abinde, za kan zankey gonda baa kuro da baso ra, yaadin no nga bumbo mo margu nda woodin yan, hala buuyan do a ma buuyan dabarikoyo, kan ga ti Ibilisi, ciya yaamo. 15 Borey kulu kan yan buuyan humburkumay se no i go tamtaray ra hala ngey fundey me, a m'i fansa mo. 16 Zama sikka si manti manti malaykey se no a kande gaakasinay bo, amma Ibrahim banda se no a kande gaakasinay. 17 Woodin sabbay se no a tilas a se nga nya-izey cine hay kulu ra, hal a ma ciya alfaga beeri suujikoy da naanaykoy mo, Irikoy goyo ra ka ciya sasabandiyan sargay borey zunubey se mo. 18 Zama za kan nga bumbo taabi siyan ra, a gonda dabari mo a ma borey kan yan go siyan ra gaakasinay.