¹ Alfaga beero ne : hayey ya cine no i bara? ² Etienne ne. alborey nya izey da baabey, wa hangan ka maa. irkoy draza koyo ibrahim se waato kan a go mesopotamiya laalo ra za a mana gao haran kwara ra a na a se. ³ Ma fatta ni laalo da ni dumey ra, ka koey laaho kan ay ga cale ni se ra . ⁴ Gao na a fatta kaldancey laabora ka kao ka gao charran. waato ga a baabo bu yono banda, irkoy kanda ne laabu wone ra, nan kan aran go da gorey. ⁵ A ma na tubu yan hari no a se a ra, bao sanda ce tocamuyan fo cine. amma irkoy na alkawli sambu a se ka ne nga ga laabo no a se a ma a wane, da dumo kan ga kao a banda wane. wato din mo ibrahim sinda ize jina ⁶ yao na irkoy ci mo: a banda ga yawtaray goray te mebaraw yan laala ra I gi dan tamtarey moki taalandi jiiri zangu taci. Dumo kan se i ga mey din mo, ay da ciiti. ⁷ wodin banda no i ga fun ka kaa ka sududu ay se nanga wo ra.yaadin no irkoy ci. ⁸ A na ibrahim no danbangu yan sappa mo.yaadin no, kan ibrahime na isaka hay a na dan bangu zaari ahakkanta hane.Isaka na yakuba hay ka dan bangu, yakuba mo na kaayey baaba way cindi hinka hay ki dan bangu. ⁹ Kaayey baabey mo canse yusufu ga. i na neera baa fa yan se i na kanda misira laabu. ammo irkoy go a banda. ¹⁰ Ka faha a gurzuga kulu ra. a na no ga kusi da laakal firawuna jine, ka gati misira laalo koyo, hala a na yusufu dan misira laabo nda nga winda kulu se dahari ko. ¹¹ Amma harey fo te misiri laabo da ranana laabo kulu ra, kan te kankami banbata, hal iri koyey mana du han kan ga ngey bon nwayandinda ¹² Yakula maa i ne ntaasu go misira, a nini kaayey donton saro sintina ¹³ Da sara hinkanta alwaato ra no yusufu na nga bon bangandi nga babaysey se. firawuna mo du ka yusufu dumo bay. ¹⁴ Ga no yusufu donton ka nga baaba yakuba ce, nga da nga du nga dumey kulu, ngey baa wayye cindi gu no. ¹⁵ Yakuba mo koy misiri ra. nga bumbo bu nodin, d'iri kayey mo. ¹⁶ I kandey sichem laabu ki dan sarayey ra kan ibrahim day da nzzarfu hema izey ga sichen ra. ¹⁷ Alkawlo kan irikoy te ibrahim se alwaato maan. ¹⁸ Alwaato din jama soobay ka tonton ka baa gumo missira ra, Hala bonkooni fo furo missira laabo koytara ra kan si yusufa bay. ¹⁹ Bonkono din binde niri dumey hiila kiri kaayey gurzugandi. A ni tilasandi i ma ngey ize attaciriyey furu, zama i ma si du ka funa. ²⁰ Alwaato din ra no i na musa hay, nga mo zanka kan ga sogo no irikoy jine. I na biiri mo handu hinza nga baaba windo ra. ²¹ Waato kan i na furu mo, firawuna ize wandiya di ya ka sambu. ka biiri danga nga bumbo ize. ²² I na Musa dondonandi misira bayray kulu a te boro beeri mo nga sanney da nga goyey ra. ²³ Amma waato kan a to jiiri waytaaci a ma koy ka nga nya-izey kan ti Israyla izey kunfa furo a bina ra. ²⁴ Waato kan a di nga nya-izey ra i goono ga boro fo toonye a furo ka faasa bora kan i goono ga toonye din se ka Misiranca wi. ²⁵ A ho hala nga nya-izey ga faham kan Irkoy gi faaba Musa kamba do amma i mana faham. ²⁶ A wane suba mo a kaa ka Israyla ize fooyan gar kan yan goono ga yanje. Musa ga ba nga mi sasabandi. A ne i se: Ya alborey aran ya care nya-izeyan no. Ifo se no aran gono ga care toonye ? ²⁷ Amma bora kan goono ga nga hangasino toonye din na Musa tuti ka ne: May ka ni dan koy da ciitiko iri bon ? ²⁸ Wala ni ga ba ni ma ay mo wi mate kan ni na Misiranca wi bi ? ²⁹ Musa binde zuru sanno din sabbay se. A koy yawtaray Midiyan laabo ra ka goro. Nodin no a na ize hinka hay. ³⁰ Waato kan a te jiiri waytaaci noodin malayka fo bangay a se sinayi tondo do ganjo ra danji beele ra gumbi fo ra. ³¹ Waato kan Musa di a kulu a na danbarandi . A maan zama nga ma guna kala a ma irkoy jinde kan ne: ³² Ay no ga ti ni kaayey irkoyo ibrahim da Isaka nda yakuba Irkoyo. Musa mo jiijiri a ma na ta nga ma guna koyne ³³ Rabi ne a se: Ma ni taamey ka ni cey gaa zama nongo kan ni gono ga kay din nangu hanante no. ³⁴ Haakika ay di ay borey kan go Misira laabo ra kankamo ay ma i duayyaney mo. ay zumbu zama ay mi faaba se. Soho binde koy ay ga ni donton Misira laabu. ³⁵ Musa wo kan i wang'a ka ne a se: may ka ni dan koy da ciitiko iri bon)? nga no irkoy donton koy da faabako Malayka kambe do kan bangay a se gumbo ra. ³⁶ Bora din no k'i kaa taray, kan a na dambara hariyan da alaamayan misira da teeku cira ra, da ganjo ra mo jiiri waytaci. ³⁷ Nga gati Musa din kan ne Israyla izey se: Irkoy ga annabi fo tunandi aran se aran nya-izey game ra, dan ga ay cine. ³⁸ Woone ga ti bora kan go jama ra ganjo ra iri kaayey banda nda malayka kan salan d'a sinayi tondo ra banda. A na sanni fundikooney ta mo ka no iri se. ³⁹ Amma iri kaayey si ba ngey m'a gana, hal i wang'a ka ngey biney bare ngey ma ye misira do haray. I ne Haruna se: ⁴⁰ Ma tooruyan te iri se kan yan ga furo iri jine. Zama Musa wo,bora kan n'iri ka misira laabo ra, iri si bay han kan du a. ⁴¹ Jirbey din ra mo i na handayze tooru fo te ka kande tooro se sargay. I go no ga farha ngey kambey goyo se. ⁴² Amma Irikoy bare k'i nooyandi i ma sududu beene marga se, mate kan i hantum annabey tira ra ka ne: Ya israyla dumo, jiiri waytaaci ganjo ra,manti ay se no aran goono ga kande almanyan da sargayyan k'i sarga bo. ⁴³ Aran na tooro kan se i ga ne molok hukumo sambu, da ranfan tooru handariya,himandi-himandey kan aran te zama aran ma sombu i se. Ay mo g'aran dagu ka konda aran babila se ya haray. ⁴⁴ Iri kaayey gonda seeda hukumo ganjo ra, mate kan Irikoy kan salan Musa se lordi ka ne a m'a te deedando kan a di din bon. Iri kaayey du hukumo din ngey alwaato ra. ⁴⁵ I kand'a Yasuwa banda waato kan i na dumi cindey koytaray gwa kan yan Irikoy gaarey iri kaayey jine. Hukumo go no mo kal a ma koy to Dawda jiirbey gaa. Dawda wo du gaakuri Irikoy jine. ⁴⁶ A na Irikoy gwaaray mo nga ma du ka nangoray cina Yakuba Irikoyo se. ⁴⁷ Amma Suleymanu no ka windo cina a se. ⁴⁸ Amma Beeraykoyo si ga goro fuwey ra kan i te da kambey bo, ⁴⁹ mate kan annabi ci ka ne: beene ya ay karga no, ganda mo ay ce furkange no. Irikoy ne: Fu woofo dumi no aran ga cina ay se? Walaman ga no ga ti ay fulanzamyan do? ⁵⁰ Manti ay kamba no na hayey wo kulu te? ⁵¹ Aran bon sandey,aran kan aran biney d'aran hangey mana du danbanguyan, duumi aran goono ga gaaba nda Biya hanna. ⁵² Danga mate kan cine aran kaayey te din, yaadin no aran mo goono ga te. Annabi woofo no kaa kan aran kaayey man'a gurzugandi? Annabey kan yan kande adilitaraykoyo kaayano baaro mo, i n'i wi. ⁵³ Soho aran ciya a nooyandikoyan d'a wiikoyan. Aran na tawratu ta kan Irikoy samba malayka kambe ra, amma aran man'a gana. ⁵⁴ Waato kan i maa hayey din,sanno n'i biney dooru. I na ngey hinjey kaama a gaa. ⁵⁵ Amma Astifanos to da Biya hanna. A na nga moy basu beene, a di Irikoy darza, a di Yeesu mo gono ga kay Irikoy kambe gwaaro gaa. ⁵⁶ A ne: guna Ay goono ga di beena feerante da boro Izo kan goono ga kay Irikoy kambe gwaaro gaa. ⁵⁷ Gaa no i wurru da jinde beeri ka ngey hangey daabu. I zuru ka kan a bon ce follon. I n'a jindaw birno banda, ⁵⁸ k'a catu ka wi da tondiyan. Seedey mo na ngey bankaarayey jisi arwasu fo do kan se i ga ne Sawulu. ⁵⁹ Waati kan i go no ga Istifanos catu ka wi da tondiyan, a goono ga Rabbi ce ka ne: ya Rabbi Yeesu m'ay fundo ta. ⁶⁰ A gurfa ganda mo ka ce da jinde beeri ka ne: ya Rabbi ma si zunubi woone lasaabu i se. Waato kan a na wodin ci,a kani.