Sura 5

1 Yaadin gaa,ay goono ga arkusey kan go aran game ra yaamar,ay kan ga ti arkusu danga ngey cine.ay ya almasihu gurzugandiyan seeda no, ay gonda baa mo darza kan ga aniya ka bangay ra. 2 Aran ma irikoy kuro kan go aran kambe ra kuru.manti nda tilas, amma da bine yaddayan irikoy miila bon . Manti riiba ziibosabey se bo,amma da bine feerante. 3 Wa sihin cabe borey kan i dan aran kanbey ra se , amma aran ma ciya deedandiyan hari kuro 4 se. Waati kan kuruko beeri ga bangay mo, aran ga du bontobey kan gonda darza kan si halaci mo. 5 Yaadin no aran mo kan gati arwasey, wa aran bon ye ganda arkusey se. Oho aran kulu ma lalabu fa ka aran gaa aran da cara game ra, zama irikoy ga wongu bonbeerey koy amma a ga no lalabukoy se, 6 Wa aran bon kaynandi irikoy kambe dabarikoono cire zama a m'aran beerandi alwaati kan ga hagu ra. 7 Wa aran karha kulu da ke a bon, zama a laakolo go aran ga. 8 Wa laakal dan wa batu mo zama aran yanjekaaro ka ceeciboro kan nga nwa. Aran ma kay ka gaaba nd'a, wa bara tabbatanteyan mo aran cimbeero 9 ra. Zama aran ga bay kan aran nya-izey kan yan go ndunnya ra goono g'aran taabey din dumo han. 10 Irikoy kan ga ti gomni kulu koyo n'aran ce aran ma furo nga darza kan ga duumi ra almasihu ra. Waati kan aran taabi alwaati kayna woodin banda nga bumbo g'aran tonandi,a garan daahirandi k'aran no gaabi karan sinjinmo. 11 Mayray ma bara a se hal abada abadin. Amin! 12 sila n'ay gaakanimay ay ma tira kayno wo huntum aran se, nga kan ay ga lasabu nya-ize naaneykoy no. Ay goono garan yaamar, ay goono ga seeda mo ka ne: woone ga ti irkoy gomni cimi cimo. Aran ma kay a bon da gaabi. 13 Marga suubananta kan go babila ra, kan irikoy n.' aran dey suuban, goono garan fo yadin mo no ay izo markos. 14 Aran ma care fo da baakasi nay garbe sunsumyan. Laakal kanay ma bara aran kulu banda kan go almasihu ra.