Sura 4

1 Za kan almasihu di gursugay gaaham ra aran mo kal aran ma anniya din haw aran ga. Zama boro kan di gursugay gaaham ra ma zunubi nan. 2 hal a gaahamo fundi jirbey kan cindi a se ra a ma si ye ka borey ibaay laaley gana koyne amma a ma funa ka Irikoy miila gana. 3 Zama jirbey kan bisa ga wasa aran se da dumi cindey miila teeyan. aran dira furkutarey ra ibaay laaley da baji han ka buguyan da annasuwa da baji han yan da tooru ganayan ra kan ga ti fanta hari. 4 Soho binde i goono ga dambara zama aran si ga zuru i banda ka margu ndey i furkutarey gorey laaley ra. Woodin se no i gono garan wow. 5 Amma tilas kal i ma konda ngey tegoyey Irikoy gine nga kan sola nga ma fundikooney da buukoy ciiti. 6 Zama woone se mo no i na baaru hanna waazu waato borey se kan yan soho i bu hal Irikoy mi ciiti gaham ra danga mate kan a ga borey kulu hala i ma funa mo Irikoy jine biya ra. 7 Hay kulu bananta maan. Woodin sabbay se wa te laakal ka hin aran bon adduwa teeyan se. 8 Hay kulu jine wa bara nda bakassiney gumo aran da care game ra zama bakassiney ga zunubi boobo daabu. 9 Aran ma te aran da care se yaw gaay koyan kan manti nda guunu-guunuyan mo. 10 Aran bora fo kulu ma care saajaw da gomni nooyano kan a du irikoy do, danga irikoy gomni waani wanni jine funa hanno yan. 11 Da boro fo go ga salan,sanno ma hima wo kan fun irikoy do.Da boro go ga saajow,a ma te da gaabo kan irikoy ga no, zama hay kulu ra i ma irikoy beerandi yesus almasihu do.Beeray da koytaray ma bara a se hal abada abadin.Amin! 12 Ay baakoy, wa si dambara nda gurzugay konna kan go aran gamo ra, kan zumbu aran bon zama a m'aran gosi, hal aran ma ne dambara hari fo no ka du aran. 13 Amma wa farha kan aran goona ga margu almasihu gurzuga ra, hal a darza bangandiyano alwaato mo, aran ma farha da farha beeri. 14 Zamma aran ya albarkanteyan no di goono garan jance almasihu maa sabbay se. Zama darza biya kan ga ti irikoy biya goono ga goro aran bon. 15 Amma aran ra boro kulu ma si taadi han danga boro-wi, wala zay,wala goy laalo teeko,wala kawlante boro fo muraadu ra. 16 Amma da boro fo goono ga taabi han zamma nga ya almasihu ganako no, haawi ma sa di,amma a ma irikoy beerandi maa kan go agaa din sabbay se. 17 Zama alwaato to kan ciito ga sintin irikoy jama gaa. Amma diri do no a ga sintin, borey kan siino ga ga irikoy baaru hanna gana, mate no i kokora ga ciya da? 18 Da mo almasihu ganako adilante ga du faaba nda cat, mate no boro kan wangu irkoy nda zunubikooni mogo ciya? 19 Woodi sabbay se binde, borey kan goono ga taabi han irikoy miila sabbay se, i ma ngey fundey talfi takako naanay koyo gaa goy hanno teeyan ra.