Sura 2

1 Yaadin gaa aran ma laala kulu, da gulinci kulu, da munaficitaray, da canse, da ciinay kulu nan. 2 Danga hay tajiyan, aran m a ba sanno din wa hananta, zama a do no aran ga beeri ka koy jina faaba ra, 3 za kan aran taba ka maa kan Rabbi ya gomnikoy no. 4 Aran goono ga kaa Rabbi do kan ga ti tondi fundikoono, nga kan daahir borey wang'a, amma suubanante no, darza koy mo no Irikoy do. 5 Aran mo, danga tondi fundikooniyan no, gono garan cina ka te fu , danga biya ra wane nooyan , zama aran ma ciya alfaga jama hannante. Zama aran ma sargey yan salle, kan ga ti biya ra wane, kan yan Irkoy ga ta Yesu Almasihu ma ra. 6 Zama a go Irkoy tire hanna ra , ka ne. Guna ay go ga tondi sinji siyono ra. Cinaro bonjara no, suubananta, datzanta, bora kan ga cimandi mo si haaw. 7 Yaadin gaa, aran kan cimandi , aran se no a gonda darza. Amyma borey kan wongu ka cimandi. Tondo kan cinakoy wangu , nga no ciya cinaro bono. 8 Koyne i ne: Katiyan tondo nda hartayan daliilo tondi daari mo no . I goono ga kati a gaa zama i mana sanno guna i ni waadun mo no woodin gaa. 9 Amma aran wo kunda kunda suubanante no koybero alfagayan. Dumi hanante Irikoy bumbo jama, zama aran ma borey kabarandi nda booro. Nga no karan ce aran ma fun kubey ra ka fun a kaaro kan ga dambarandi ra. 10 Aran kan waato manti boro kulu jama no. Amma soho aran ciya Irkoy jama waato aran mana du suuji amma soho aran du suuji. 11 Ay baakoy, ay goono garan nwaarey, aran kan go danga yaw yan kan zumbu alwaati kayna ndunnya wo ra. 12 Aran ma si yardda bine ibaay laaley se, ngey kan yan ga kande fundi gaa wongu. Wa bara nda gorey hanno dumi cindey game , zama han kan ra i garan ciney danga hari laalo teekoy yan, i ma di aran goy hanney ka Irkoy beerandi a kunfa zaaro ra. 13 Waran bon ye ganda ine kulu kan i dan Adam-ize game ra se Rabbi sabbey se , 14 da bonkooni beeri no kan go hay kulu bon; Wala mo dabari koyey se, danga a dontonkoy nooya, 15 zama i ma goy laaley teekoy bana ka ihanno teekoy saabu. 16 Zama wone gati Irkoy miila : Aran ma saamey janka beyra sanney dangandi goy hanno teeyan do, wa aran gorey te danga burkcini yan , amma aran ma si goy daran burcinitara ka laala daabu nda, amma wa goro danga Irkoy banya yan. 17 Aran ma boro kulu beerandi, aran ma ba nya- izye, wa humburu wa laabo bonkooney beerandi. 18 Aran mo, goy-izey, aran maran bon ye ganda aran albeerey se humburukumey ra. wa te manti borey kan yan ga bori kan yan gonda bine baani mo hinne se bo, amma baa borey kan yan alhaali ga gaabu se. 19 Zama woodin yadda hari no, daranga maa doori taabi se kan aran mana to ra bine lasaabu hanno kan aran gonda Irikoy do harey sabbay se. 20 Zama man gaa saabu yan go daran suuru nda kutubo yan aran taali teeyan se ? Amma daran gono ga ma taabi i hanno teeyan se ka suuru a ra mo, woodin ga ti yadda hari Irikoy do. 21 Zama woodin se no Irikoy naran ce. Zama Almasihu mo ma taabi aran se. A ma deedandi yan hari nan aran se, zama aran ma nga citankey gana. 22 Nga kan mana zunubi kulu te i mana maa gulunci sanni kulu ma fun a meyo ra mo. 23 Nga kan i na wow, a mana wow ka bana. Nga kan i na taabandi , a mana kaseeti, amma a na nga bon talfi Irikoy gaa , Irikoy gaa kan ga cimi ciiti te, 24 Nga bumbo no kiri zunubey sambu ka kondey nga gaahamo ra waato kan i na sarku bundo gaa, zama iri ma bu zunubey se ka funna mo adilitarey se. Aran du baani mo Almasihu burbundey do. 25 Zama waato aran go danga feeji yan kan yan gono ga dira daran yan ra, amma soho aran ye kurukwa daran fundey batukwa do.