1 Gaakasina kan i go ga margu hannantey se ciine ra, nga neeya: 2 kala aran ma te mate kan ay na lordi no Almasihu margey se kan go galatiya laabo ra: jirbi iyye kulu zaari sintina ra, kal aran boro kulu ma kaa nga wano ra waani ka dan jisiro ra, da mate kan Irikoy na bora albarkandi, a ma si te kala waati kan ay kaa no aran ga nooru margu. 3 D'ay kaa mo, borey kan yan gaa aran yadda, ay g'i donnton da tiraya, i ma konda arn nooyaney urusalima. 4 D'a ga hima ay mo ma koy,kal i m'ay duma ka koy. 5 Ay ga kaa aran do waati kan ay na masidonia kattu ka bisa, zama ay ga gana ka bisa masidonia laabu. 6 Amma hambara ay ga goro aran do,wala baa ay ma jawo te noodin, hal aran m'ay gaakasinay da hindoonay kan ga kond'ay nangu kan ay ga koy hino. 7 Zama ay si ba ay ma kabay ka di aran bisayan bon. Ay gonda beeje ay te jirbiyan aran banda, da Rabbi ba. 8 Amma ay ga goro ne afasos hala pantakot bato, 9 zama me beeri fo feeri ay se, goy wane kan gonda nafa boobo, yanjakaarey ga baa mo. 10 Da timiyios kaa, wa te mate kan ga nan a ma goro aran do humburkumay si, zama Rabbi goyo no a go ga te, danga ay cine. 11 Yaadin gaa boro kulu ma si dond'a, amma aran m'a gaakasinay da hindoonay kan ga kand'a baani kal ay do, zama ay go g'a hangan, nganda nya-izey. 12 Amma iri nya-izo abolos ciine ra, ay n'a yaamar da himma a ma kaa aran do nya-izey banda, amma a mana yadda baa kayna nga ma kaa sohon. Waati kan a du daama no a ga kaa. 13 Aran ma batu, aran ma kay da gaabi cimbeeri ra, w'aran bon te alboroyan, aran ma te gaabi. 14 Hay kulu kan aran ga te, w'a te da baakasinay. 15 Aran ga bay kan istifana kwaara borey ga ti sintina kan yan cimandi akaya laabo ra. I na ngey bon ciya saajawkoyan hanantey se mo. 16 Sohon, nya-izey, ay g'aran gwaaray aran m'aran bon ye ganda borey din dumiyan se, ngey nda borey kulu kan go ga taabi care banda goyo ra. 17 Ay farhan kan istifana nda fortunatos da akayos kaa, zama aran faajo kan n'ay di, ngey wo n'a kaa. 18 I n'ay bina yeenandi, da aran woney mo. Aran ma boro woone yan dumi beeray di. 19 Almasihu margey kan go aziya laabo ra go g'aran fo. Akila nda birisila g'aran fo gumo Rabbi ra, ngey nda Almasihu marga kan ga margu i windo ra. Nya-izey kulu go g'aran fo. 20 Aran ma care fo da baakasinay garbe sunsumyan hanna. 21 Ay, bulos no ka fooyan wo hantum d'ay bumbo kamba. 22 Boro kulu kan si ba Rabbi, bora din koy ma ciya laali hari. 23 Ya iri Rabbo, ma kaa. Rabbi Yesu gomno ma bara aran banda. 24 Ay baakasina go aran kulu banda Almasihu Yesu ra.