¹ Ay no bulos Irikoy n'ay ce nga miila bon ay ma ciya Almasihu Yesu diya. ² Iri nya-izo sostano go ay banda. Iri go ga Irikoy marga fo kan go Korint Kwaara ngey kan yan ciya hananteyan. Iri go g'i fo ngey nda borey kulu mo kan yan goono g'iri Rabbo Yesu Almasihu maa ce nangu kulu kan i go. ³ Nga ga ti i Rabbo d"iri wana mo. Gomni nda laakal Kanay ma bara ma bara aran banda kan yan ga fun iri Baabo Irikoy da Rabbi Yesu Almasihu do. ⁴ Ay ga Irikoy saabu waati kulu aran se d'a gomno kan a n'aran no Almasihu Yesu ra sabbey se. ⁵ Hay kulu ra a n'aran arzakandi Amasihu do aran sanno d'aran bayra kulu ra. ⁶ Irkoy na seeda kan iri te Almasihu bon tabbatandi aran game ra. ⁷ hal aran mana jan nooyan kulu waati kan aran goono g'iri Rabbi Yesu Almasihu bangandiyano batu . ⁸ Nga no g'aran tabbatandi hala bananta hal aran ma bara boroyan kan sinda taali iri Rabbi Yesu Almasihu zaaro ra. ⁹ Irikoy ya Naanaykoy no nga kan n'aran ce hal aran ma furo nga Izo kan ga ti iri Rabbo Yesu Almasihu markasina ra. ¹⁰ Soho binde ay nya-izey ay g'aran yaamar iri Rabbi Yesu Almasihu maa gaa: aran boro kulu ma te sanni follon. Fay-fayyan ma si bara aran game ra amma aran ma bara margante care banda laakal follon da saaware follon ra. ¹¹ Zama Kuluwe windi borey do ay maa aran baaro ay nya-izey kan i ne: canda-canda gono aran game ra. ¹² Han kan se ay na woodin ci ga ti aran boro fo kulu gonda nga kambe sanni. Afo ga ne : «Ay wo Bulos boro no.» Afo mo ga ne: «Ay ya Abolos wane no.» Afo ga ne: Ay ya Kefas wane no.» Afo mo ga ne: «Ay wo Almasihu wane no.» ¹³ Day mate nooya? Almasihu wo fay-fayante no? Wala i na Bulos Kanji aran sabbay se no? E! I te aran se baptisma Bulos maa ra no? ¹⁴ Ay ga Irikoy saabu kan ay mana baptisma te aran boro kulu se kala day Kirisbos da Gayos zama ¹⁵ boro kulu ma si ne aran du baptisma ay maa ra ! ¹⁶ (Amma ay na baptisma te boro fo se.) ¹⁸ Zama kanjiyan bundo sanno ya saamotaray no borey kan yan goono ga halaci se amma iri kan goono ga du faaba se Irikoy dabaro no. ¹⁹ Zama i n'a hantum ka ne: «Ay ga laakalkooney laakaley halaci fahamantey fahama mo ay g'a ganandi.» ²⁰ Man laakalkooni ? Man hantumko ? Man zamana wo kakawko ? Manti Irikoy na ndunnya wo laakalo himandi saamotaray no ? ²¹ Zama za kan Irikoy laakalo ra a te hala ndunnya mana Irikoy bay ngey laakaley do a kaan Irikoy se nga ma cimandikoy faaba «saamotaray» Waazo do . ²² Zama Yahudancey ga alaamayan ha. Garekey mo ga fahamay ceeci amma iri wo iri goono ga Almasihu kan i kanji waazo te. ²³ Sanno wo ciya katiyan hari Yahudancey se saamotaray mo no dumi cindey se . ²⁴ Amma borey kan yan Irikoy ce da Yahudancey no wala Garekey no i se Almasihu ya Irikoy dabaro no da Irikoy laakalo mo . ²⁵ Zama Irikoy laakal-jana bisa borey laakal. Irikoy londibuuna mo bisa borey gaabi. ²⁶ Ay nya-izey wa fongu da mate kan aran go kan Irikoy n'aran ce. A mana ndunnya wo laakalkooni boobo wala dabarikooni boobo wala darzante boobo ce. ²⁷ Amma Irikoy na ndunnya saamotaray harey suuban hal a ma gaabikooney haawandi. ²⁸ Ndunnya kayna hayey da hayey kan yan i ga donda mo Irikoy n'i suuban. ²⁹ Oho mo hala baa hayey kan yan si no a n'i suuban zama a ma hayey kan yan go no ciya yaamo. Zama boro kulu ma si fooma Irikoy gaa. ³⁰ Amma Irikoy no k'aran dan Almasihu Yesu ra nga kan Irikoy do a te iri se laakal da adilitaray da hananyan da fansa. ³¹ Hal a ma bara mate kan i n'a hantum ka ne: «boro kan goono ga fooma ma fooma Rabbi ra.»