DCS-Mirror-parfait-ayanou_dic_php_text

Bhɔ̃lèda 2

¹ Chrissi nile ̀ lali câh dèzaco , walo nile ̀ tèti zouh limlo , wougô nilè yokou koulimlo , walo bônon mlo ya anzi nili , ² eza anèna nan djaka coh sèh ah colèani naco . Akale ́ walou mlo , pôlè mlo , abatêh wliwlialè mlo , ³ ana colè louhozo mlougbi nîh , sècolè clouagba , ma , doucolalini , acozé ahonhouan côh lègbassè wazililagni coh . ⁴ Gnôkpô nan wlé ôyi mlogbi , ma ôh onhoua clou . ⁵ Anohoun lèssa ahyini coh , lègbasse ̀ anèli Jésus Chrissi îh : ⁶ ôgnô léla lagôni lèli ziôlada , ôni côcozi lègbassè mlèh èya Lagôh ônè cala wlole ̀. ⁷ Ma ôtah ôyi côh , ôliô nola ôyi goglouagnon saco , ôlilila yalé saco , ni , ôyibéliéla gnôkpô saco , ⁸ ôla ôyi douco , ôzou toun coucoudani , damlassouha yri lèh cuîha . ⁹ Eza Lagôh bolô gnêbèlé saco coh ni ôgnèlô wlî zila wlia boaco , ¹⁰ sah Jésus wliaco coucowlia boa ka sasriô , lagôni , doudouni ya doudouzo ̂, ¹¹ ya miaboa ka nogba Clouégnon , Jésus Chrissi mon , toh Lagôh ôh gnèbèli douani . ¹² Eza , nan wawa wouhogni , agnihouan zoula côh ya côh , acossa ini ahoun cluicou mlougbi , ma cluico clou ôplèni , ini daco , annon ya titrèlèlini , anoulè agna gbouni siôliza loubia , ¹³ massè Lagôh ônoule ̀ lagnini ya ayiwli ya anoulli ôpôssa naniani. ¹⁴ oulèlli ini ayi plècou ani yôlèlini , ¹⁵ sah watiagni wèli mlogbi yokou falè ya thacalè limlougbini , Lagôh ôh kplôkplo ̂ wouho yibélé ya toutou dônoun nédi , dêh awlilèla kpata lègbassè lièli poupouni , ¹⁶ agnihouan bèléla poupouacolè nouwèli : na clouagba mon élila Chrissi ôh yri , massè ini sèco gouh ani sèco wîh . ¹⁷ Ya nan dolou nah sromlissa ilila pèlouzoliani ya agnan pôtètè nounougbia , éwah , ni plèco mènèhoun éyagni boa , ¹⁸ soliômloa , agnima clou , awama sah plèco mènèhagni ayahoun . ¹⁹ Itèlè Clouégnon Jésus nîh plècou gba ôyiagni Timothée namlikéyi , sèh éca néhi tèti zouh icolagni yocouha zah . ²⁰ Massè inida gnôkpô kah ôwala nan wawassa , sèh icana tchri pôlèni wèlé coulagni côcouzi , ²¹ waboa , eza wabatê wayiga wa nan , ma ini kah Jésus Chrissi ônan. ²² Ayissa gba ôfiôlè gbini yra dani,ôliô yahoun nèla nouwèlinani lobolia,lègbassè you ya ôh toh. ²³ igougou icagni mon lah dêh inilila gani nan wloulèda. ²⁴ Ni ica dalè plècoutènon Clouégnôni gba éyi néhiga mlikéhi. ²⁵ Iwamanan gba icagni nan nowli Epaphroditi namli,nan loubinilè nôhoungno ya guilini,ôh anamli lèlahoun ihigatèla. ²⁶ Massè ôbatè ôcagni boa yokouni,ni ôtama yibélélini gba ayibéléssa gba anou ôgoumlali. ²⁷ Gouh mla yô,éza écou cuîh yokou mihi,ma Lagôh niyô anzini,ma ini ôza mlogbi,ma ahoun zah clou,sah it anzi ya anzi nih. ²⁸ Elobouyô counohounlè nôhoun lèlini sah plècocagni mènè ,massè aniyô yocouza,sè éca níyiga anzilili. ²⁹ acla yô Clouégnon ni djaca cadani,sè azou salè yalia cluikpani. ³⁰ Massè Chrissi ônono loboliaza cuicolô yocou,ôzola ôh popo pèlou sèh ôca boubié dêh anilada coh loboli agnèlahoun côhani.