¹ Polou ya Timothée , Jésus Chrissi ôh goglouahoua , Jésus Chrissi nilê nôhouhoua wacola Philipou , pahatouhouan ya ôcluikoukohoua , ² agni gnoupalê ato ôwliani ya Clouégnon Jésus Chrissi. ³ Ifia nan Lagôh wlou , tagniaboani igougoulilagni coh , ⁴ ignrougou , nan boubiéa boani agniboaza , iboubié djaka ya , ⁵ ilila nouwèli nani acozièla kôh dafin tèka yria cokôh tum ni ôplèni . ⁶ Itèlèplèko gba ôbôlèlagni dalè loboli nania ni ôdjilagnico tum Jésus Chrissi ôyriakou . ⁷ Ilissatchri gba ikagniboa agna walo tchri , massè ikalèagni boa nan pôlèani , ni nan paloupagnon ililaza lègbassè agnawlikou toutoualini ya nowèlinania îh nolianini, ayahoun sôh kah gnoupalènania mlo . ⁸ Lagôh léh nan danounfwè gba iwagbè iyagnissô kah soliôa mloa koh lègbassè iwalagniboa , lègbassè Chrissi walagni . ⁹ iyralèla nan boubiénini , légba agna waloa mlilèmlilèkôh yibéléliani ya digali yibéléliani , ¹⁰ ikakolègbassè aka ikalila gbou yibéléni , sa agniboa kakoguiglalè ya aka pliko Chrissi ôh yriako , ¹¹ sa aka nouawle ̀ youako yié iwloulèla Jésus Chrissi ni , clouagba ya Jésus Chrissi ôh nouawlè ni . ¹² Nan tchrilè gbakama wouhogni , iwagba ayibélé cluibiôaboa gnénilahoun nihoun gah kassiale ̀ sah iti nouwèli nania yali sah . ¹³ bobodoukou , bôni Rômou lèh srodjahoua ya trikpèdouanilè yigadahoua yibéle ́ ôplèni gba ili paloni pagnon massè illumine nouwèli nania voilà Chrissi bobodoukou . ¹⁴ Yaclou , yigadahoua mlomlo kala pôtète ̀ bôni loupissi ôple ̀ Chrissi ôh nouwèli nania waya mapli ya têti , sa hannon tiwa mlah massè wah Lagôh nilè pôtètèa tèni . Wah lopili Jésus yokou massè wani Clouégnon ôliôh clalèlahoun bôni palouani nouwèlia . ¹⁵ Ômoiza , tchrimô , wanèyi wamassako ya louhozouni . Ma yigadahoua nèyi wougô nanouni . ¹⁶ Ômoi nèyi Chrissi ôh waloni , ya lègbasse ̀ wawala gba wakalayi dénié waya wanila Chrissi yi . ¹⁷ Ma wassala Chrissi wayikô wagougoulini nih , wanounougbi ni kplôh . Wagougou sah wakahoun kpagni gbogne ̀. ¹⁸ Ma sanibèle ́! Yali sah dinania Chrissi bobodoukou ya ni ina lilimli yènani ani yègnégni , iwa massè Chrissi ôh nouwèlia mlilè mlilè côh ni iyiklou wamalini kôh mlile . ̀ ¹⁹ Iwa massè iyissa gba Lagôh yihoun palounissa . Ôyi dalèlia noun masse ̀ iyissa gba aboubie ́ naza ni Jésus Chrissi ôh koukou wougôha kohou koh . ²⁰ Itèlè satchri plècou gba iza dalè nan nounoun lobolia fah . Daiza , iyi ôplèni tèti nîh lègbassè inili gôgômladani . ²¹ Ahoun mlouka koni , iko sèh ika Chrissi wloufia ôléla nan popo ni kuî lénan nili . ²² Mah ikako lagbèssè éka bôh doukoni koh nan yêkèani koni , iyibô Chrissi goglouale ̀. Iniyi gba iyissi wama . ²³ Iwayi gba ika mli sah ika Chrissi yokouko , iyi kpagni nama, ²⁴ ma agnaza , ifatagba ikolè yèkêani . ²⁵ Cloni , itèlèplèco ni iyissa gba iyiagni yokouko , sah ika gba aka cluiko mlilè ya aka kpagni Chrissi plèko tèle .̀ ²⁶ Sahani , ayihoun plèko tèlè dai écala yi Jésus Chrissi ôh poupouéani . ²⁷ Ano popou nanoun Chrissi ôh nowèli naniani , sah , ikayi ikagni yokouni ahni hum hum , ika wama naliô nouila gba atèmalè wougôha mlouani . ²⁸ Anan talé ayini sa agnan yokou noulèhoua nan liliéagni wli ̂. Agna tèti yiwa palia gba Lagôh yiwa mla mah ôyiagni gbouni sah . ²⁹ Masse ̀ Lagôh niagni hanzéni , yigba ni clui yiagni Chrissi zah bîha ni ayiyô plèco tèlè . ³⁰ Atamani wamlilèla nouwèli nania loh zah walia yagni guila toha mlo anilahoun yokou ni îguila , ni iguilala cloh .