¹ Lagôh noh iboa agna zah ini Juifouhoua wah,ahoun Pôlou,ékolanbôni paloni Jésus Chrissi zah. ² énihi Yokou gbah ayissa gbah Lagôh sahoun yridji nîh ôh kpafialèhoun lobi ômèco agna nan zah. ³ Ôh gnèhoun loboliani kôh èzah îh ziélagni pèpè, ⁴ daih acala vèni èzah îh ziélagni pèpèani,ayi Yokou nîh gbah Ahoun onou nouawlèa zôh Ôléla Chrissi bobodoukou. ⁵ Gôgôgladani,gnonkpô blogbi niba dinani kahala yia yi,massè izouzouliba gnôkpô gah mah,ôplèni,Lagôh paliassé dinania ôh apotrohoua ya profètihoua wah wougôha gboguihola sah wakala Lagôh gogloua. ⁶ Dalai nouwèli zouzoula légba wanila Juifouhoua léh aya wah léla Juifouhoua dénié Lagôh ôh gnèbèli wougôha,ni walili Lagôh ôh yali bloh nîh wahiclo bahaboa dénié ah Lagôh cala wah gnêh,massè wah wliôlè Jésus-Christ nîh wli_ha wéla nouwèlia. ⁷ Eléssi ôplèni Lagôh ôh gouglouagnon sah écassi dinani dénié,loboli ini fata gbah inola,mah Lagôh gnèhoun dêh énèla loboliani ôh tètia. ⁸ Éna lilimli yètékéliô Lagôh ôh yalia nédini,Lagôh gnèhoun nîh imino ôh namaliani ya ôh waloa ni sah éka dinania wanéla Juifouhoua léh sah ni îh Chrissi nila agnaza,îh yrila kpagni,îh gnôkpô Zala bôh palia. ⁹ Nan loboli légba éssa gnôkpô gnôkpô sah Lagôh Zola doco zôh,bêh Lagôh cloula koh ôh zizila dafin,dafin tagni nîh ôh kala baha boha. ¹⁰ Éh Lagôh Zola dégassa doco,ôh palia mliclo yi hannia lêh nitama bladrihoua ilila yali lalèlagni yé Chrissi ni tchri. ¹¹ Îh Lagôh Zola côh ya côh dafin doco,îh ôh nila Jésus-Christ agnan gbossagnon ôh loboliani. ¹² Sani ôplèni dêh ah boubiélani,ayi mini nîh ayi Lagôh yili plècotènô nîh ya sêh hannon téh agni blah,massè atèlè Jésus plèco,ôh nèla sah Lagôh Zola doco. ¹³ Eza éh yralèagni gbah Yokou nan yôlèagni baha boutoukpa zah cluîh bialè lahoun bôh paloni agnaza,ayélagni clalè nîh ayéla cluico mlih glèlia Yokou. ¹⁴ Massè Lagôh noyi agnaza,ikouê kokodigbi koh nîh éboubié Lagôh ha Toh. ¹⁵ Ôh léh liôh léla Wabo kola bôh hanni nîh watèlè layi plèco ôplèni wah Toh ni wah kola maclo dodo koh,ni ôh léla Wabo kola wah noun noun gnon. ¹⁶ Îh boubié gba ôh tèti kadiani,Lagôh gnèagni tèti ya ôh kplîoagna wougôha ôh wougô kolagni ni. ¹⁷ Îh boubié gba Chrissi koh agnan pôliani massè ah tèlèyô plèco,sah alili lègbassè souh ouh téli kola kpagni gluîh ya sralèdoliô sraliôla tchènô koh, ¹⁸ sah akagni mini akayini nouh,aya Wabo zoliôla gbogbôko koh Lagôh zah,é ssa wloco,troh,troco, ya troni Chrissi ôh waloa môh. ¹⁹ Massè dalè waloa yrî kpagni zah ah mini akahou ni nouh,mah dalè waloa zah,îh boubié sah Lagôh kagni ôh yoha coyé. ²⁰ Lagôh yî mini nîh ôyé kpagni noun bah ah ayralèla anni agougoula,ôh tètia îh nôhou lèlagni niaza. ²¹ Clouagba gnéni yôh ya wloufiali gnèkpa wliada ya gnèkpa wliada.Ecossè.