DCS-Mirror-parfait-ayanou_dic_eph_text

Bhɔ̃lèda 2

¹ Agné , akoubha agna gnégni zah , ² akobha gôgôbhladani lègbassè lia wazala clalè ni kwé lébha agnada agnalia djiala poupou nilè lagôh ko , poupoloua nilè cluégnon , dalè wougô kola gnèkpa bhlahoua ni . ³ Akobhassa , agnébhoa clo , ni aclaala ayi agna yèkèanilè gougoussa , anèbha agna yèkèa êh pôssa ya agna gougouli , ni gbogblè lébha agnda lêh gbassè yigadahoua ⁴ Ma Lagôh nanilè kpagni hanzéni niliné , iléla walo kado zah ôh walagni , ⁵ éza acuala agna gnégnia zah , ôh lalagni poupouko Chrissi aya , anzéné nili zah assiôla gboné . ⁶ Ôh sagné kwéni dogodu ni gbiagni sokodu lagoduani doko , Jésus-Chrissi ni , ⁷ sè ôkagni dalè tagnini kala yia ôh gnèbhèlia palia Jésus-Chrissi ni . ⁸ Anzéni nili zah , éza assiôla gbini , ilila pôtètèa ni . Dalèlia wlolèagnini , Lagôh ôh pôssa mon . ⁹ Dalèlia wlolè lobolini , sèh gnonkpo té ôyi ʃloufia . ¹⁰ Massè Lagôh noagni , akaliôlè Jésus-Chrissi ni ilila Lagôh loboli nani niôsséla dafin sèh akayi konôhounlè . ¹¹ Ayibhélé gba anébha yressôako yèkè nilè juifuhouan léh , wa niala kodiô ni wakola kodiôhoua nédi ni wakèlassa yèkèani ni wa kolèla yalé kôli , ¹² anibha dalè tagniani Chrissi ni kolè , waniala Israèli lêh djrémani kolè , lébha lowié bhouboni zouliani , sèko ni ini Lagôh ni . ¹³ Mah ôplèni Jésus-Chrissi ni , agnihoua tohala bho éssôko Lagôh , amèsséhoun yokou , Chrissi ôh dolouni . ¹⁴ Ôh léh agna poupoué , ônola ni juifuhouan ya wanila juifuhoua li léssila bhlo , ôliô gnoumola nédiôlè diòlè doudoukplouani , ilila nonogbiani . ¹⁵ Ôh salè sèko juifuhoua wa djréma koh ya wa kalili ni wa igniôlawa . Ôh nèbha agni nédi poupoué ¹⁶ ni ôh waliabhagni dèh ôh kouliala dabhlassoua yri , sè ôh bhlala zôbhlèzoa . ¹⁷ Jésus yissa ôh kah lopi , lègbassè dinané , poupoué , ah atromalèala bhôh ya poupoué wa mèalahoun yokou , ¹⁸ ôh ni , éza , akalèkalè ayini To Lagôh wougôh wa tèlèla plèko za . ¹⁹ Ezani , anissi lowié léh ani lowlini kohoua , ma alé kplôkplô yalé , Lagôh srénilè yali . ²⁰ Asriôlè apotrohoua ya prophèhoua ni , Jésus-Chrissi léla cotio kolè tchènon . ²¹ Ôh ni srali naniabhoa bholiolaco ,Clouégnon ni ,kplôkplô dah . ²² Ôh ni agnimaclo , asraliôla dogodou sèh aca Lagôh nékolèhoua lélé , wougôni .