DCS-Mirror-parfait-ayanou_dic_col_text

Bhɔ̃lèda 3

¹ Dèza Lagôh kagni gania ôya Chrissi,abatè hanni lè bah,bôh Chrissi gbèlèla Lagôh liliclôko. ² Agnan wègougoué koh ikola hanniko koh,inika ikola dodoni koh, ³ massè akoba ni Lagôh zouh agna popoa Chrissi nîh. ⁴ Dai Chrissi kala yini,daidani ayamô yi yî agnalia nomlèla ôh clouagba. ⁵ Eza,amlia agna dodo nikolè wamalia élila:toutoutou,inilakplô,wamali,toutou wamali,gnèkpamlali,ilila goglouabah. ⁶ Ilila dalè nounougbia ilalèla Lagôh ôgbougblè wouhoa ilila inila zouliniko yokou. ⁷ Awlé sakola yrissôako ayiga dai ayamoa kolèalako. ⁸ Ma ôplèni atromaliassi ayi toutou bah boa:mlamka gouh,gbogblè,toutou wamali,yokou pali,élila ziéh,ya toutou wècliliô nah wloulè agni wlouh. ⁹ Ana wlélé ayini kplakpla yiokou,massè assalè ayi gôgômla nounougbi yokou, ¹⁰ ni agni abèlissi agna wèléli,iniôssila yèlélikou iyamô wloulèla,ôliô nola agna yèkè léléa. ¹¹ Dalè iwloulèlia nînǐ,Grèkignon ni joufougnon,anni ôdiôlako,anni ônila kodiô,gnèba mlagnon,ôyila docoda,gbôglèlignon,ôyokou wôtôla,ma dèza Jésus Chrissi léh boh ya baboa. ¹² Saza,wa kpôla ni Lagôh cozila kôh ni ôh wamalâ,apla hanzi pôpa palini,wali,doukolali,pôwôtè,ya kolini. ¹³ Akolèkolè gouko.Akalé ayini hanzi,gnokpôka ôyro ôh takouli kah,ava soliôa mlo sèh Clouégnon valagni. ¹⁴ Iboa iwliko mialèlianini,akali walo,ilila yènania iyokou koli. ¹⁵ Chrissi ôh poupouéa koagni pôlini.Dalè poupouéni alaliôlèla ilila yèkèa mloani. ¹⁶ Chrissi ôlopi wèlia ya gnèbèlia boa koagni nîh.Coguiglalèlia boaya,atcha ya azolè zolè ayini tèti Psomouhoua ya,lamléli ya,ni wougô nilè lîh ya,sah ablélè Lagôh yibélé pôlini. ¹⁷ Ya ibo anoulèla lopiwèlini aya agna nounou gbini,anoulè yi Clouégnon Jésus Chrissi ôh wliani sa abali Toh Lagôh ôza. ¹⁸ Séliwlingni,azou agnitié,lègbassè ikouziôlèla Clouégnon ni kôh. ¹⁹ Oudiégni,awama agna wlin,sa ana gnoumani waza. ²⁰ Wouhogni,ala ayi atohoua cluiko doco massè inanilè Clouégnon nîh. ²¹ Tohouagni,ana vokalè agnan wouho sa yôlou tiwa kla. ²² Gbôglèlihouagni,azo agna tchahoua sèh yèkèa gbala baboani,inika dèh wah yia kolagni koh lègbassè yalé nèla sah wakawa wama,ma pônanè guila Lagôh gah. ²³ ibo anèla,anoulèyi pônanè nih lègbassè anèlayi Clouégnon yokou ya inika yali yokou. ²⁴ Ayissa gba ih akala djakouli yi Clouégnon ni wlolè.Ako Clouégnon Jésus Chrissi ôloboli nîh. ²⁵ Massè gnokpôliô yéla gnégni noh yi idrou fliôh,massè Lagôh totoua gnokpô mlogbi koh.