DCS-Mirror-parfait-ayanou_dic_col_text

Bhɔ̃lèda 2

¹ Inanègba ayibéléssa agnà titiôlia ikala à gnazania tê, Laodicé nê wlan yà; iya ô môa boutoukpà wa lahou yi. ² Sê poléa blòa ka têtê, wlouwlalèli, iya walô yéli iya nani à blòa iwlaléla Lagô ô gougouli kadi nédi, ilila Chrisica. ³ Ô ni bló digali kadi bhòa zizulà. ⁴ Isòlé agnini, sê gnôkpô tiagni kplàkplà wèlini gbia. ⁵ Ini agní yêkêni yokou kò bhlî, ma ikou àgni yokou wougôhani. Djaka yéléhou, sê inialagni yokou, à, ákla kpan Chrisi ô popo tètèani. ⁶ A nohoulê klignon Jesucrisi à nilê sè áya mon srolélà. ⁷ Akò là kpalinni. Pôpôté tchalià ma á koléni sê à kólà ibhlélilini. ⁸ Azõlè polèkò, gnôkpô na tcha agni kapa kapa wougô nà gbassè, ila bénikòni ilélá yêkèni ni gougouli, ni ĩkólá gnigni pòpò ninè nònògbí, ma iní yréyré Chrisi ô dignliyi bhéli linĩ. ⁹ Massa Lagô ô sa bhoà kóhô yêkéani. ¹⁰ Ôni nánili î bhoà, ô plilà kwlélia iyá tétia bhoà kô. ¹¹ Ô ni Lagô di agnákò, inikà gnêkpa wlênínì kôdili, mà gnigni nounougbi ninè Lagô ô kôdili, Chrisi ôko diliàni. ¹² Aya mô ziziõ gnouwlizũ lianí, ní àyamô wlè kwéni, Lagô ô tèti pôtètèani. Tètili sálá Chrisi kwéni. ¹³ Godo-godoá à kouléà á gnignianĩ ĩya sê anilà yêkê kôdioàza . Ôlà gnímoyà popókó, ni ôva agni gnignia bhoa. ¹⁴ Ô sada gnigni gbakôa ô kõàla agnikô, èya gbakô li í blêlia là djréma ô si bhloàdà ní ô nêyi dablasú kwli. ¹⁵ Ô sá gavla iyá kwléklwé wan dôni, ni ô sréwa djlé kpata-kpata kô, ô zôhi ô têti kalilià za ô dablàsou kô ni sràkàni. ¹⁶ Izani, agna tàli gnôkpô gni, sê ôna plà ô gna lililí èya á guá gnoumlali itité. Hanni fêtri wêli, hanni tcha lihà, hanni gnêpê yri kô. ¹⁷ Nônôgbini, li zũzũni nônôgbia, ma Chrisi noawlèa. ¹⁸ Aná tali gnôkpô gni sê ôna yli ágna djôli kaléli, ôna plilê kplákpla yi dôkôla lélini èya bladréwan wa gôgloilélini. Wougô gnégnan yélé sênê whanní, ni toutoulé yéléwa sakô iya yêkê ninè nisálô. ¹⁹ Ô ni Chrisi ô liléa boubôa ô digali yi. Ni ô ninin yêkê lili, ni télia boa gnlôgolélaò dogo doú, nisê yêkêa poêlà, sê Lagô gniéli. ²⁰ Aya Chrisika pôpôni kô nêgnignia nònògbi ni kouli ni à tamalè pôpôni kòni saòkô lini, inêla gnigbê, ²¹ à na plàkô, à ná yra gnrau, à ná klàlèkô, ²² ilà djréma iya tôhà li í mlólà, wakikoù nòhoulê. ²³ Sani djréma ni paliàli yêkêninè digrli, ilílà gnôkpô titi ô palô, gbiágbía yi dòkò lalí, iléla kpôkpà ô kpan klali mani walini kòlê sêwàkà wahinê pôsànô.