DCS-Mirror-parfait-ayanou_dic_col_text

Bhɔ̃lèda 1

¹ Pôlo , Jésus ôh apotro Lagôh ôh pôssa , ya Timothée anowli , ² nowlihoua gboguiola Lagôh zah ya nowlihoua kolèla Chrissi ni ni wa kola Colosses . Ʃanzéni nili ya Lagôh ôh poupoué agnaza . ³ Abhalè Lagôh , agna Clouégnon Jésus-Chrissi ôh To , abhoubhié kôkô agnaza . ⁴ Anou agna pôtètè akala Jésus-Chrissi ni èwèlé ya ahonhoua wa walo akala ni ogboguiolèlèla Lagôh ni , ⁵ koli gboguiola agnaza lgôdouani . Anouassé tèkèda ilopiola nouawlè lopéléliani , nouwèlia , ⁶ iyililagni loh , ni ibhèléla youyi ni ih gnrougoléla poponi koh , lègbassè agni niclo , lègbassè apolayô tèkazélia noukoui ni aplèla Lagôh ôh yibhéléli ilila ʃanzéni nili ôh noiawlèani . ⁷ Lègbassè anouliliyi Ephrassi ʃlouh , lobholianilè ayro , ôléla ayro Chrissi nilè goglouagnon . ⁸ Ôh solouagni walo akala wougôni . ⁹ Dalè waloaza , dafin yréko anoula ni wa lopéla agnaza , abhouhbié kôkô agnaza ni ayralè gba ôh yibhélé déga wougôa koagnini ya ôh ninouli ilila saniliani . ¹⁰ Abhoubhié sèh akana Clouégnon ni nôhoulè inanélèô yoclui , agna lia namlèla yunanou nonogbinanini ni amlélèla Lagôh ôh yibélélini cluiko . ¹¹ Abhoubié sè aka soliôa bhoa ilila tètia ôh clouagbani kpliôlè iyilagni kluiko falè ya koliani . ¹² Abhoubhié sèh dalèlia kah niôh sè abhalèla djakani Toha , ôh gbala ni ayila djaa nimli ah gboguiola ôza . ¹³ Ôh dilèagni titikpa clouagbani kpô ni ôh faagni ôh wawayoua ôh clouagbani . ¹⁴ Ôh yoani , aka droufliôli ya gnégni viôli . ¹⁵ Yoa ôh léh liô ôh anéla yokou Lagôh anila yokou . Oh kaliô baabhoa za tin . ¹⁶ Massè ôni , baabhoa kaliôlè , akola lagôni ya akola dodoco , bah ah aniéla yokou ni ah anila yokou . Ina lilimli clouéda ani kozilida , ani govlada , ani clouéhoua , ôh wlia dalè baa ni ôh zah . ¹⁷ Ôh kobhassé baabhoa za tin , ni ôni baabhoa kola glôssa . ¹⁸ Ôh léh palozôlè yèkèa êh bhoubho . Ôli clouélia bhoa îh wlolèdani , ôlé têkaliô bhola kwuéni koh , sè ôh kana kôkô baabhoani tèka kpoa kougbê . ¹⁹ Massè Lagôh wama gba baabhoa lélé ôh na ; ²⁰ sè ôh kah yoani baabhoa wli wlialè . Lagôh nèbha dalèlia dèh ôh nèala poupoué ôh youwli ôh dolouani dabhlassoua yri , iléla dodoako ani lagôani . ²¹ Ni agné clo , alébha éssôko , lowié Lagîh déli ni ôh léha agna zôbhlèlegnon agna wègougouéni ni agna toutou nonogbiani anèlayi . ²² Ma ôplèni , Lagôh sroulié séagni Chrissi ôh koukou yêkêani koh , sè ôh kagni palia gba akplô , agnalia kplôsséla ôh yiga kluiko . ²³ Dalèlia niô sè aka pôtètèni kolè sè atébhô dalè nouwèlia anoulaa tromalê ni iniôla lagôtapèni zô ; nouwèli ahoun , Pôlo , iléléla cluégnon . ²⁴ Zékani , plèko mènèlèhoun cluibhliani agnaza , ni iyé na yêkêa Chrissi ôh cluibhialiani koh ôh walo yèkê kola paloa zôh . ²⁵ Inè Lagôh lobholi gniôlahoun kôh agnaza , sè ika gani Lagôh ôh nouwèléa lopéla. ²⁶ Dalè zouzougayè nilè lih ziziouasséla yrobô ya yrobô ma ôplèni îh ôh kplôkplôhoua nila yokou , ²⁷ ôh Lagôh wamala gba ôh kala ôh klouagba nonogbi gnèbhèliani yibhélio wa mlila palozô nédi ; ilila Chrissi agna clouagba nilè yibhéléli . ²⁸ Ôh abhoubhié . Ala yaléa bhoa ni actha dégalia bhoa sè aka mino aka gnôkpô gnôkpô glélini palialè ya gani Chrissi ni . ²⁹ Eza inèla kpagni lobholi sassako ô nonogbia kolahounni têti ya .