¹ Woi soma wa'azu Yeso, la Ndeyi. ² kit yo Nabi Ishaya tura, "Moyi, Ne sarshengku asarninno a domko, yo a ramteko bille. ³ D̀olyak ngoi yo'oto wundi tong riya an she ta, 'Ramti bille Ndeyi; dimti billani.'" ⁴ Yahaya ndino, a ishe baptisma tong riya a wa'azuk waklu zunhu. ⁵ Shaf elik Yahudiya ki algiy Urushalima ndano gemni. Si isu baptisma a tong haushik Urdun, a akna zunhusu. ⁶ Yahaya olkok suɓa som digmo gegebenni ngarnok zorik ɗishi wo'otoni shalaku ki munto. ⁷ Si iko wazu a ansheta, "Yo'oto isno beino yo an gedo wallino yo, lei zorik tahonni man gita bide bu. ⁸ Ne ishengku baptismak ham, Si me yo isnok beino iku baptisma ki kelui bu'uno." ⁹ Somadîy ma'ato Yeso ndinok Nazareth a tong Galili, Yahaya ini baptisma tong haushik Urdun ¹⁰ Do Yeso hetenok tong ham ye 'e, moishe bâbâ ahato kelui bu'uno urno kanni kit suba korkodi. ¹¹ Kolshe dôlyak baba, and he ta" Koi ko lano yon ndalo. Tilino kuyu kikoi yam. ¹² Moishe kelui bu'uno namko si moksi tong riya. ¹³ A tong riyas Somodini bi hoɗo, sinkau kabtasi. A tong riya ki lui riya taktakaku namsheni kanni. ¹⁴ Ki bei do ngahanko yahaya, Yeso ruko ellik Galili a anshe eni Ndeyi. ¹⁵ anshe ta, "Sommodi inni, mene Ndeyi into nem waklai ngu on jire ka eni Ndeyi." ¹⁶ Do a ka gede ki genga haushik Galili, a moishe Simon ki Andarawus yahyanani ga ka kasa karei ngaha karwosu tong haushi ki ka nzuni ana ngaha kerwo. ¹⁷ Yeso ansu ta," ndati, ɗaha ne'e, matingku ana ngaha biya. ¹⁸ Ki naso bu wusangko 'yakngaha kerwosu nzuni dafsi. ¹⁹ Do Yeso iko marshe shim, kaba moiko moiko Yakubu lah Zabadi ki Yahaya yagyananni a ramta 'yak ngaha kerwosu a tong gerei. ²⁰ Si wunda nzuni me de'yangko bosu Zabadi tong gerei, ki ana rutansu nami nzuni ɗafsi. ²¹ Do ndano tong Kafarnahum, aka baɗis gebe, Yeso ruko tong ban donshu shutasu ²² Yanko monmoni ka shutuni, kika a shutansu ki gedo kit ana tureshi bu. ²³ A wonde tong ban donshu an ngoi yo'otoan kelui disa iko Lula ki gedo ²⁴ anshe ta, "Ko bamu miyak koi, Yeso yo Nazaret? Ko ndio do ko dudgimu? Nen manotik koK lah bu'uno yo Ndeyi'' ²⁵ Yeso gilla ka kelui disa ta, "Ye etik hetetik zugoni!". ²⁶ Ki bei yo kelui gofkosi eli kelui disai 'e iko Lula moya hetanik zugoni. ²⁷ Shafki biya yanko monmoni yam, a dokla zehe, "Woi miya ka'a ye? A rei hoyak shutui yiya an geɗo ka'a? Si a eni ka kelui disa nzuni onsheni na'ako?" ²⁸ Kit hena idokehento somoni tadato lei tiya a lardi elik Galili. ²⁹ Do di'yanko bam donshu ransuban Simon ki Andarawus a zuk zehek Yakubu ki Yahaya. ³⁰ Sorkiti Simon a golla hoɗa ka, moishe anangkok Yeso. ³¹ Si ndino, ngafko saranto a hafta moya hoɗakas wusinto, some ishensu ruta. ³² Ki zoni wonsis 'e, do hoti genato, some mokini shafki ana golla ki biyai sinkau maita nzuni. ³³ Shaf ki gyabanis dahansu bo duɓano. ³⁴ Daranta ana yaklu lahiya ki ana golla bam bam hoɗko sinkau unuk, sinkau me sinkau ye nzuni 'e eni bu kika manankoni. ³⁵ Hinɗak bebedi, do an kine bedi nduni be'is an leilo bu a wonde kika donshu. ³⁶ Simon ki biyai a gemni a bartanko si. ³⁷ Wanko si nzuni ani ta, " Leilo barta koi." ³⁸ Si ta, "Damummu bei so'oto gyabani so a Mardi wonses 'e kika ne, e wa'azu. Wundi woi ei zobkon dino wonɗe." ³⁹ Nduni shaf ki elik Galili a wa'azu a donshensu a ho'oshe singkau. ⁴⁰ A wale ndino gemni. A ɗonsha si; Joma ka buruni a ani ta, " Na ko yarditko, ko gitik daranta ne 'e." ⁴¹ A tong jig-yayi, Yeso moko saranni safsi, ani ta, "Ne yarditko ko daritko." ⁴² Kit hena idok ehento wales wusini, darantini watkok lahiya. ⁴³ Yeso ella kumani yam a anita anya marshe. ⁴⁴ Moishe ani ta kadak an lei miyak ngo bu, me ndui, tam katkok mallum ruta ban Ndeyi, ko oni sadka shida yo Musa angko, a ɗeya 'yak tamya gemansu. ⁴⁵ Si me hata nduko some ana eniy ki lei ngoiyiya zofko ma Yeso bolo a rishe tong gyabanis ki zei ki tili bu. Iko deinonni be is an ngo bu algi ndano gyani lei ki tiya.