¹ Algi shei 'yanko nginhu ka ei hala hotunmu, ke ngaminni gyemamu, ² kit yo nzuni ana mu, ke tinki bo tono moyankok idansu ke nzuni ngaru dingɗos 'e. ³ Ki ka ka'a ke'e, ni en moiko hawok ei hala shafto tin ki tont to- ke kit ɗeiko zina ɗon ture nzunikit yo halangko- nogi na'ako Tiyofalas. ⁴ 'Yan ko ka'a ta ɗo ko man e jire shaf ki ei shutangko. ⁵ A sommoɗi Hiridus, mai Yahudiya, andi a ruta ban Ndeyi suni Zakariya,ngoi laha Abaija. Mandi'i ki gyem milla monde Haruna, ke sunto Alisabatu. ⁶ Shafsu bolo ɗeino zina dom Ndeyi; 'yan ko marshe wara lelhi tong shaf ki uhe Bomu a bano. ⁷ Me nzuni an an lah bu, ki ka te Alisabatu korol, ke shaf su bolo jeransu. ⁸ Hoti yo'oto Zakariya dom Ndeyi, kato ruta ei suba a ruta baan Ndeyi 'e. ⁹ 'yanko kit yo a za ɓa a ngoi rina tong ban Bomu a bano bok kajijik atursa. ¹⁰ Algi shaf a kori ɗonsha Ndeyi jajum woi ɗo a kato boka kajijik atursas 'e. ¹¹ aundauta maleka Bomu a bano heteno gemani laha sara tina yo bagadi boka kajijik atursa. ¹² Nzuba ngahkni ɗo moiko si. Maleika me ani ta, "ko e nzuba bu, Zakariya, ki ka kolongkk ɗonshugko. ¹³ Man ko Alisabatu leiko lah. Ko wunda sunni Yahaya. ¹⁴ Ko kola hetrek tili ki kuyu, ke algi ina kuyuk lei n ni. ¹⁵ Ki ka si ɗeya ngoi na'ako dom Bomu a bano. Si sena ham inabi bu nama 'yak seshi' zohasi hetek tong keluni bu,ke a ngamtinik kelui bu'uno tinki tong hawok noni. ¹⁶ A mateti biyai Israila gyem Bosu a bano Ndeyi. ¹⁷ Si geɗe dom Bomu a bano tong kelui bu'uno ki geɗok Iliya. Si ina ka'a ɗo si wangletu tili boti gyem milla, ta ɗo biyai a kolshe bei bui e marshe tong mantu ki jire. Si ina ei woi ɗo si ramte algi dam bomu a bano." ¹⁸ Zakariya anik maleikai ta, "Ne manta ei woi lolo? ki ka ne'en jero, ke manno nasi to tong sani." ¹⁹ Maleika lafko ani ta, "Nen Jibra'ilu, yo erno dom Ndeyi. Sarno ne'en onko dingɗo wonses 'e. ²⁰ Ki ka'a, ko deyitko ɓumɓag, ko gita eni bu, kaba hoti ei woi hala. Ki ka ko ongko jire ka eni no bu, yo a ngamta te jajum to. ²¹ Kauso algi geshe Zakariya. Me 'yan n ko monmoni ka nashe ni tong ban ruta Ndeyi '. ²² Me ɗo si heteno, si gitko ishensu eni bu. Nzuki mauaugkofi ta si moino 'yak monmoni tong ban Ndeyi. Kaba si isu tomyak sara wara eni. ²³ Ke ɗo sommoɗi ruta ban Ndeyi takato, si manni bannoni. ²⁴ Bei sommoɗi mamaye, Man'i Alisabatu zugon to wanglini. te bunkit kok kato tere baɗ. Te anshe ta, ²⁵ "Woi ei Bomu a bano ino ɗo si moiko neek jigyayi ke nam notik kola kawan nok gyem algi. ²⁶ Kauso ɗo te tong tere ba'ashi moɗi, sarangko Maleka Jibira'ilu ki gyem Ndeyi tong gyabani Galili a ta Nazaret, ²⁷ gyem gumys sooto so ngoi moɗi ngafko sara to suni ta Yusufu. Si ngoi laha ban Dauda, ke sun gumyos Maryamu. ²⁸ Si ndino gyemanto ani ta, "Ne lakɗu, shi yoshi watkk nama ka! Bomu a bano gyeman shi." ²⁹ Me te damtitok kola eni ni' ke te diɓna ta woi shida lakɗui yiya. ³⁰ Maleika anto ta, "shi nzuba bu, Maryamu, ki ka shi watko knamaka gyem Ndeyi. ³¹ Myi, shi ina hawo shi lei lah. Shi wunda suni 'Yeso.' ³² Si ɗeya ngoi na'ako a wunda si ta lah Ndeyi. Bomu a bano Ndeyi a oni tik njakɗa dishi'i Dauda. ³³ Si ina mene ka ban Yakubu an bo erno to bu, mene ni ke ɗeya an bo erno to bu. ³⁴ Maryamu anik maleika ta, "Woi a hele lolo, ne man gorzo bu ?" ³⁵ Maleika lafko anto ta, "Kelui bu'uno urtu ka shi, ke geɗk Ndeyidurtu kashi. Ngoi bu'uno shi le'yai a wunda si ta Lah Ndeyi. ³⁶ Moyi, yagyenashi Alisabatu an hawk lah tong sommoɗi jeronto. Woi tere to yo ba'ashi moɗi, te yon esha te ta korol. ³⁷ Ki ka an ei geɗe geɗo Ndeyi bu." ³⁸ Maryamu ta, Moi, Ne'en ngaru Bomu a bano. eri yak ɗei geme no kit yo dinɗoi ko ano." maleikai ke de'ito. ³⁹ Maryamu ke hinɗito roshi ruto gyabani'i hawo gosho, so Yahudiya. ⁴⁰ Te ruto tong ban Zakariya ki Alisabatu. ⁴¹ Do Alisabatu kolko lakɗu Maryamu, lai hawoto wangla zugoni, ke ngamtankok Alisabatu ki kelui bu'uno. ⁴² Te hafta ɗolyo to a anshek geɗo, Shi an barka hotok monde shaf, ke ei hawoshi an barka ⁴³ . 'iko lolo ta nonti Bono a bano n dino gyemeno? ⁴⁴ Myi, ɗon kolko lokɗu n shi yai hawono wangla zugonik kuyu. ⁴⁵ Shi an barka ki ka shi onko jireta lei miya ke a ngami to yo anankok gyem Bomu a bano." ⁴⁶ Maryamu ta, "Tilino nama ka Bomu a bano, ⁴⁷ Kelu no ke kuyu tong Ndeyi a wangu no. ⁴⁸ ki ka si moiko kasano ne'en ngaruni. Ta myi, ki wonɗe godi domshi wunda ta ne'en an barka. ⁴⁹ Ki ka si yo na'ako ino ei woi'e, ke suni bu'uno. ⁵⁰ Kola jigyayinn deiko shida godi ka shidaki gyem biyai onshe ni na'ako. ⁵¹ Si tomko geɗo ki sara n ni; si laktitkok ana hafta kasu ka geɗok tili su. ⁵² Si urtitkok milla mai ki ka njagɗa su. ke si haftitkok biyai eli. ⁵³ Si ngamtitkk hawok ana kizi ki ei dunam, me sarko ana dara sara sarei. ⁵⁴ Si hafts ngaudok Israila ngaruni, ta ɗo si kol jigyayisu ⁵⁵ (kit yo si angkk bobemu) ankk Ibrahim shaf ki zuriyanni an bo erno to bu." ⁵⁶ Maryamu deikok Alisabatu tere kunu ki wonɗe te go to bano. ⁵⁷ kauso sommoɗi ito yo Alisabatu le'ya lan to. ⁵⁸ Ana deino ka banonto ki yagyeananto kolongko ta Bomu a bano saudama jigyayini ka tom, nzuni 'yanko kuyuk te. ⁵⁹ Ɗo sommoɗi horɗo ndino nzuni n dano 'ye ɓatok a lai 'e. Nzu nda langko wundasi si "Zakariya" bei sun bobi, ⁶⁰ noni me lafsu anshe ta, "Ka'a bu; a wunda si Yahaya." ⁶¹ Nzuni anto ta, "Andingo hawok shida n ku bu yong wunda si ki sun woi ye 'e." ⁶² Nzuni tamik boti ta a oni sun yiya. ⁶³ Boni doll nzuni ta nzu oni 'yak tureshi, ke si tura ta, "Suni Yahaya." Nzuni 'yanko monmonik ei woi'e. ⁶⁴ kit hena idok ehento ahato linsoni ke wusini. Si iko eni nama ka Ndeyi. ⁶⁵ Nzuba urtu ka shaf ki biyai a deinok nzuni. ⁶⁶ Shaf ki ei woi ke anangko te hawok gyabanakui Yahudiya. Ke shaf ki biyai kolongko diɓna tong tilinsu, anshe ta, "Lah woi a ɗeya lo?" Ki ka sarak bomu a bano kanni. ⁶⁷ Ngam tangko bobi Zakariyak kelui bu'uno some ana ei hala, anshe ta, ⁶⁸ "Nama ka bomu a bano, Ndeyi yo Israila, ki ka si hafta ngaudo ke rutitko wanga biya ni. ⁶⁹ Si juktitkok ɓalu wangumu tong ban ngaruni Dauda, ki tong shida Dauda, ⁷⁰ ɗo si iko enik bo Nabakuniy onzi. ⁷¹ Si wanga muni ki gyem ana gyahammu ki sarak ana kuɗa muni shaf su. ⁷² Si ina ka'a ɗo si tam jigyayik bobemu ke ɗo si diɓ ngara eniniy bu'uno, ⁷³ tina ana yo si angkok Ibrahim bomu. ⁷⁴ Si tuko ana ta do omu ta, wanganko munik sarak ana gyahammu, a ini ruta wara nzuba, ⁷⁵ tong bu'unok tili ki jire shaf ki sommoɗi mu. ⁷⁶ ka'a, ke koi, lah, a wunda ko Nabi Ndeyi, ki ka ko go dom Bomu a bano ko ramte ni billani, ko ramte biya bo marshe n ni, ⁷⁷ on manta wangu ki biya ni bei yaha lelhisu. ⁷⁸ woi a hele ki ka samdelnok jigyayik Ndeyinmmu, ki ka'a hoti urtuk ɓaɓa ndiutu gyememu, ⁷⁹ a talsha kasu ana ɗeino tong tutuɗu ke tong kelu mato. Si ina ei woi ɗo si moi sheke mu ka billa lahiya." ⁸⁰ Lai aya ke ki geɗok kelui bu'uno, si tong riya kaba hoti tamya n ni gya ma Israila