¹ A zaman yo onzi, Ndeyi iko eni ki biya kibo Nabaku ka shei gedgede gedgede. ² Me a zamangmu mabei Ndeyi imu eni kibo lani yo Ndeyi zobkosi a gyaɗok ei miyake . Ki leheni ne Ndeyi iko dunya. ³ Sine talku namtaka Ndeyi, Suba nakoni ngatok eimiya ki ɗok enini. Ki bei buɗa zunhummu, ɗeyini ka saras tinak Ndeyi. ⁴ Kibo ka'a si geɗotkok meshe kaku kika suni yosi gyadai gyaɗotkok yosi. ⁵ Kibo ta taktaka yo Ndeyi eshasi ta, ''koi ko lano, kute'ye ne ɗeyino boko , har kaiso ne ɗeya boti a gemani, sike deya lano. ⁶ Har kaiso ɗo Ndeyi mokno lani yo tono a tongko dunyta, onko ta ''Shafki maleikaku Ndeyi dalo a kube domni a ani.'' ⁷ Aka taktaka angko ta, sine zobko taktakakuni bo kelu, bidashenime hanok yesi.'' ⁸ Aka laime anko ta, ''Menengko, Ndeyi an bo ernontobu. jouwa menengko yo ona jire. ⁹ Ko ndalta tili moɗi ko ku'ukok yaklu jire. Kibo ka'a Ndeyi, kile Ndeyitko gomkotik mor yo hetrek hawo aka monmoni.'' ¹⁰ Ki botono Bomu Abano kone ko zalko sala dunya. Ko iko janna ki saratku. ¹¹ Shaf a bo'isu kome tina dom. shasfsu kit guzur suɓa. ¹² Ko boɗinsu ki geɗo, subangsu kasini kit suɓa, kome ko kagudangko ke sanitkoan bo ernongtobu. ¹³ Atonk taktakaku yo yiya Ndeyi anita, ɗeyi sarannis tina kabanane zobka ana kuda koi a elelik shekenko''? ¹⁴ Shafki taktakakui, kelui bu'uno ana ruta, ma sarshe nzuni bono hankalte ana wena wangu budu?