Ugrii 9

1 Ki wundurisi ti ata frii mgbulru ta ka mi hu njika lru ku miti ka ma bi she na njika ti nji ti ni so ni kpi ngo. 2 Uku gehe ti nji ndi ni so na kpi nga, uwi lruge ni nji ndi su so mlre lla laka unu ni whu lre kpabi ni uwi ti lriye ni nji. 3 Na me wi malri lanchra ba mitibi ka ma na ma kutcheru so ma minna ni miti. 4 Ma klre namandu ku na ma ze mangba yi ni malri mbe kaku na shi mangri ti masa so ni uchu ti kpare ni rere. 5 Ma sa nama gehe ti wu mangri ha ngo mala na ma lrikka ti wha ata ku kerhu la su so uchru minna ti chru mangri. 6 Ni rikpu ndi ku mangri la ghna lruku mala fe ndi ngo.malri so ti ku lruku la krii ni ma. 7 Malri lanshra su so ma mingha ti lri gbe riku ni risiu ma gno di su so tata oriye kike risi aheyi ma su mangri. 8 Iyirisi ma su so ti mangna urri ma su so urri miji. 9 Gbo da kpaku su so mgba da kpaku ka ugri ma ti malri ka su so ma lri mingha lri kringa ni ko riku. 10 Ishi ma lri chra so ti ma minna Ishi ma tcheru ti na ngri ti uwha ata. 11 Mu soh uriye na mandi uwundurisi ti nji ti so na kpi ngo. 12 Gbuchu kajiji ka ye hu lringri lringri aha lri ba. 13 Uwundurisi ti ndra frii mgbulre to ka mi hutu lrila lru ni rikpri ti zinariya shakpa ti ni ti ahehhi kpare. 14 Iri klre na wundurisi ti ndra ti ni bi mgbulru '' chu ma wundurisi ane sabo ti ma gbra ma ni nne Yufiretis. 15 Ma wundurisi ane ti ma meti ni rikpu ndi ni nnu ndi ni wha ndi ni yea ndi ma chumasabo nama wu mangri. 16 Ma tha riku ni zi mingna ma su 200,000,000. Mi so ni ma pye. 17 Ni ka ti mi hu ma mingha ni rision mi ni ti ma ta ma, Kpakugbo ma su ribaba ribibi ni so ribaba gyaa. Risi ma mingha su so risi ma miji ka kanyu mo lruye ni lla ni whi ni mlre lla. 18 Achru na me mangri ma wu ma ni lamwa ulla uwhi ni mlre lla lruye na ngu ma. 19 Ku tchreru ti ma mingha su na ma ni ishi ma ko ushi ma su so muwa so ni ma risi ti ma bi lriku lu na mangri. 20 Ringri mangri ti ma wu ni lumwa mi ngo ma ye miki ni ndu bo wa ngo, ka ma su bwa sabo ni dourisi ugpre ni guma ka ni zinariya ni arzufa kike ni kaku ni mawungno ti lri hu hutu kri. 21 Ka ma sa yemi ma ngo ni ku wu si hha ni ma kpalriko ni ku yiyi ma.