Ugrii 8

1 Ni rikpu ti chugbe ku chu ti tamba kare ti gree ti ringri mgba ndi. 2 Ka mi hu mawurisi tamba ti ande ni aheyi kpare ka ma bi mgulru tamba na ma. 3 Uwurisi ndi ba, ubi wamo risisi ni gbo ti ande wano shakpa ma bi wano mbrimbri na ti ngo la naa flu ndi ni ukru na mawu tisi ti kpare-ni wano tahwi na ahehi riteriku. 4 Ki uwi ti wano ni ukru kpare ti mawu risi nyende nu aheyi kpare ni bo mawurisi. 5 Ka uwunderisi hi wano ni gba shi mlo ndi ni lla ni sakpa ka ubi wuchita ni mitibi ka ma hu minschre ni ukuh ta ngla ka mitibi juru. 6 Ka muwurisi atamba ti ma bi mgbulru tamba meti ti frii ndi. 7 Ka uwurisi ti kuji frii mgbulru ta, ka hu ua mbrimbri ze ni waji ka ma bi wuchuta ni mitibi na ti tchra lri lla gboka mari mbe lriyi lri ua pye. 8 Uwurisi ti aha frii mgbulri ta ko ngo ndi suso kagbo lri lrilla bi wuchuta ni nnae. 9 Ni kpri ti attra nghu, mba ti ni rhi kpi ni manyi ma fuh, Ni kpri ti attra mari manyi mma gizzei ni kame manyi di. 10 Uwurisi ti tchra frii mgbulru ka njuiki lakaka lru alre ulri so ua ribri na ukru ti tchru ni wami ti ni lruye ni miti. 11 Ndi njika ndi lri zuzokaku, ka mangri mbrimbri ku klre ti wami nyro 12 Uwurisi ti nne frii mgbulru ka mu kaa unnu ti tchra ni uwhu ti tchra ni mutri njiki ti tchra ka ti tchra na me lre chu, unnu ti tchra ni chu ti tchra son na nnu ngo. 13 Ka mi hu ka shu hutu nra lri ka na alre ni lri ua mgbaa, ''Gbuchu gbuchu, gbuchuna mangri tima kpi ni mitibi klre mawurisi digbii ti rufrii ringri mgbulru.