Ugrii 1

1 Bulusu na Timotawu, mawundu Kristi yeso ni shashama mangri to no ma Rudy kpare piyepiye ni make Kristi yeso ni Filipi, na mba ti ni ruwhyma na mba ti ma lulundu ni khiri kpare. 2 Na khigrey'kpare na ti nawu na kalamiki ti ni rhii na kpare tiyi na dada yeso kristi. 3 Miri whrii ni kpare ni kpri ti ni mi gaowu. 4 Ni nakpu ti ni mi rife nayina,mi rulu khite mi na khiwhrii. 5 Nikre kujhuubo wu kre kpare na riiriinghu ba thuu bebenrghu. 6 Mi su na khii ni urgho ngam, ku unghu ti ni zeze lu undu riisini kameyina iriya teh kalunghu ya meme ya thuu ikpri ti yesu kristi. 7 Isi nami mi gaa nyumu riisiiyina nikre ti ni mi su nawuna ni mikiimi, yisu makandumina ni khigrey, kpare na ni khilaami ni khiriina ni khishambra ti bu ngumi sabo na kubi na kre kpare. 8 Unghu kpare whu khireh ti ni mulu ni riisiiyina na khikemikii to kristi yeso. 9 Nanghumu ni su kutemi khihiimikii wuna iriiya te kayaya ngumu ni kuwhu na kumewhu. 10 Nyumu bu riiya bi na ungho ti niisiima, ti ni bu riiya su riishenghu na baa takpanga ya thuu ikpri kristi. 11 Ri na kuwa piye-piye tini ri kachu yeso mlo na kuwa kusu piyepiye tini ruuba ni kame yeso kristi tini riina kpare kumlogaanghu na kushonde. 12 Bebenghu, mawunina i riiya tisi su whuna ku ungho tini fe mi ighrey muu ikre kpare ka ihiiyi wa. 13 Na nyumu, arii mbatigbe khiriijriye na riingri mangri, mawhu arii nzrinzremi ni kristi. 14 Nanghungho ni kame mawoni masu na kubi na dada ni kre arii nzrinzremi kroowo naru nasu, uma su na khizrimikii tini ma salulu shishinga. 15 Mbasaga ma krekre kristi ni kame kuluyii na khibimikii, arii riigri mbasaga ki usu na kubi mikiimo. 16 Nga-nga be su ni kame mebii, hu mi tanghu mba ti khizi mba mi ma lulu ti tama ni kame khihiimikii, na kuwhu ku matami nimi ni kre kumi ti gbegbe ni kre kpare. 17 Uma ti ihiiyi ma kre ikre kristi na kunghoyi ti gaa, sasu na riisheshenghu nga, ma whu ka uma riiya te riisimi nimi ti ni nzrinzre. 18 Nati nyi? ni kachu ihi, ni ku ya iri je aki ga? Ni su gahii ukruki-re ti gahii iri na ti resheshenghu kristi ye kuwhu, ni kame kuga risi ngh, ikre kpare ri krii na timi ngami mi mru. Nyumu mi riiya mru. 19 Mimu whu ku nanghu riiya ti bi khihwre mi bawa nikre khiteyina na khigrey uwhu yesu kristi. 20 Usu kusomikimi ku mi sa riiya wa riiwii nga, na kurur miki bebenghu ko ti arii rukpu saga, kristi i riiyo te khiya karee ni igami na tini misu na riingho re na rufu. 21 Ti mi musu na riishwii usu kristi na ti mi mufu usu kunyimgbu. 22 Na timisu na riingha ni iga, mi riiya ti lu undu riisii usu tinyini mi riiya ti hi? mi sawhu nga. 23 Mu ru gba miki mi ni kame ma aha, mi kimi isu indi nyi ni kamema iti nami ni mikii ungho ti ni ti nami ni mikii unghmu na mufu simi ya na kristi unghu mu nisi kraa. 24 Ti miti na riingho isi kraawa ni kre riisihyina. 25 Na kubimi na nangami mu whu ku mi riiya shwashwana, nikre khiya ihiyiina ti teh simi la ariingho nayi. 26 Sini mimi bume riiyati fe ariingho tini bu riiya ti chi kpetu nanghuna ni kame kristi yeso nimi hwerba nayina. 27 Bi ngiyi riisina ni gahi tini riiya ti maa naikre kristi, na nimi ba na nimi sabanga, mi riiya whu ikre ni riisiyima, ku yi sati gbagbana na uwhu wundindina mikii wundidi si rii shambra shashayina ni ikre ti ni yibi si hina nikre kpare. 28 Ka bi mba tini masu maka ihiyi yina na ma nayi shiishii nayi ni gahi ti ukruki. unghu mu usu upe nama ti kundhu riisima, tayi naki ti khikrayisabona ni riiyi na kpare. 29 Uma nayi ruuno na ni kre riisih kristi isasu manyi ruuno na kre riisih ti bi nanghu, momgbanga, usu ti wa riika nikre riisihrghu na ti ni bu whu nami na utu bebenghuna. 30 Wa ringra ukru ti ni yi whu nami na sheyi na, na tini yi whu nami bebenghu bebe nghu buhu na mi na utu na.