¹ Ekre nama ku,''Miri kre nawu tirisheshe mba saga tima ti ni mi masariya hu rufunga sema hu kiba kachu su-kpare na riishwingnu. ² Ni ikpri andra ti kize yesu glu ari Bitrus na Yakubu na Yohana ka risii gashi na unguma. Ningna ma wurenghu ni iyima. ³ Uhrungu a wure ritehteh kra gbugbu ritehteh ti gbumitti shrashwra. ⁴ Ningha Iliya na Musa ma ba shi ri tanju kre na yeso ni iyi ma. ⁵ Bitru bi shi kre ni yeso ku,''Ngri kikla isi na yi ti ni yi ba mi shiyi kpa kiri attra indi ti tawu indi ti Musa na indi ti Iliya. ⁶ (Ngnu ba hu ngno ti kre nga nikre tsritshri). ⁷ Ninga Dagru baba kru ma hu lila rikre nama ri dangha ku ''Ngami mu su uwu kibiimi hunngnu na. ⁸ Ningha ma bi ne shi sa hu ngru namanga ra yeso mangba. ⁹ Ni ma shi ri gashi riba E kre nama kku na masa lani ngru nga, se rikpu ti uwu ngri ru n uko ribii ba. ¹⁰ Mma ma son nzeh na ungnungaha ra ma ri miye nguma ''aki mu isu ''ru ri uko ribii bawa. ¹¹ Ningha ma miyengu,''Aki sa mba ku wa mari kre ku Iliya ri zeze bi ba. ¹² Ungnu ga kre nama ku Iliya riya zeze ba shi me bi ungnu shwrashwra ti Usu ki ko ma waa ku uwu ngri riya wa ringra aa mangri mariya raa nanghu. ¹³ ko miki kre na wuna Iliya ba ye ma lu ngno ti sii nama, kati ni ma wa ni ritsingnu. ¹⁴ Rikpu ti ni ma ba deh na rinkri mba tima ridungnu, ma hu gbu mangri na ma,mari shrunmo na mbati mariwa. ¹⁵ Rukpu ti ma hungnu mangri shrashra ma mayii shi ka na ngru shi ma thrunngnu nde. ¹⁶ A'E'miye mba tu dungu wa ku,''Buru shrumwo ni kreki?. ¹⁷ Ndi ni kame gbu mangri iyengu ka,''Ngri ti kla mi bi uwu nghu ba na wu uso na whuribii a riraanhnu ti kre wa. ¹⁸ Ni ihingnu raya chuta bwa ni mitti shi ka fri ngo ni kangyu ,a ka tsa iriigu aka su gbegbe. Mi miye mbatu duwu ko na ma kra ngnu sabo a masa hu to lunga. ¹⁹ Yeso kre nama ku''Bu mba khize ti ma sa bi nga rhi shiya ko miya titeh wu na? Bingru ba me. ²⁰ Ma hi uwu di ba nangru rukpu da uhuribii ngaha hu yeso, ihi uwu ngaha ka ni mitti a ri drudrungna uwu di la ni mitti ngho ri ruu nanghu ni kangyu. ²¹ Yeso miye iti uwu din rii shiya iri lu nanghu to naay? iti uwu kre ku tu ri wucici ngnu. ²² Iri chunguni killa na mangyi pye a riso ti jinnga zheyi wa. Ni buya lurii na yi ka bubu areyiwa. ²³ Yeso kre nangnu ni bu hu ma ko ki buya ti lu. ²⁴ Iti umi ki ku mi, Bimiki are raa kibi miki mi na. ²⁵ Rukpu ti yeso hu ku mangri riba na nghu e'gbu uhu ribiingahaku bu uhu ti ri raa na uwungami na sa shi na sa hu kre nga ru ni kamengnu shi kabi wureba yi. ²⁶ Uhu-ribii ngaha khi shi gbigbi uwu di na sheru shi ruye uwu di su ka ufu mangri pye ma kre ku''Ufu'. ²⁷ Yeso bi nghu ni boh shi gbi nghu a tendeh a uwu di pye gyende. ²⁸ Rukpu ti yeso wure ba kame kiri mbatudongnu ma miyenghu, Usu kuki ko yi yiso kra ngnu sabo nga. ²⁹ E'kre nama ku,''Kangami masa ri kra nga sa na kifeh-kpare. ³⁰ Ma rii nga shi toh zu Galili.Ngnu ga sari so ngru na hu na hu kachu ti ma tehnga. ³¹ Iri kla mba tuttunghu wa Ekre na ma ku,''mariya ti di uwu-ngri ni ubo mangri shi nama wungru. Nima wungnu, gyende ni kpri atta. ³² Ko Mma masa huu ungnu ti rikre nama pye tinga. A ma lu tshrishri ti miye ngnu. ³³ Ma ttru kapanaum. Ni ngnu ka kame kiri, E miye ma ka,''Buru kre ki ni gahi na?. ³⁴ A ma so nzhe mari shrumoh nanguma ni kre andi mu riya su ti gbama. ³⁵ Na kusumittingnu E,bi ari awu shi aha ma shi kre nama ku,''Ni ugru riso ti su tindi na su ti kizhi shi na hindu ni mbasaga. ³⁶ Ehi uwuchi shi songnu ni katehteh ma Ehingnu ni nboh shi kre na ma ku. ³⁷ Ugru ti ni bu uwu chi ni nde mi e' bu mi mu, ngri ti ni bu mi, e'bu ngri ti ni tumnidu. ³⁸ Yohana kre nangnu ku,''Ngri kikla yi hu ngri ndi ri kre uhuribbiia yi gbungnu ngnu sari du yinga. ³⁹ Ko yeso kre nama ku,''Ka gbunnga, ba ungri ti riya hi indu ti si na nde mi shi ware kre ungno ribi nami nga. ⁴⁰ Ngri ti sa raa na yi nga usu titayi. ⁴¹ Ungru ti ni nawu kugba ndi ti mangyi ni indi mi ku bu ti kristi, mirila nawu tirisheshen kukpa ndu nghu warebinga. ⁴² Ugru ti soh indi ni kame mawucin gami na gbu uhu ti kibiingnu riya sii kra nangnu nama bwanguu na kikye ni rutoh shi ma chungnu tabwa ti kimgbo. ⁴³ Ni ubo wu sa wu kugbu uho, mbringn tabwa, riya sii kra nawu ni bu ka rinngha ti ndrandra na ubondi ti buya ka kila na ubo aha, killa ngaha bari rhiinga. ⁴⁴ (Minju) nghu bari fuunga. ⁴⁵ Ni uhu sa wu kubuhu, mbrinngnu tabwa isi kra na wu shi ka rinngha ti ra ndrandra na uhu wundidi ti buriya ka kiri killa. ⁴⁶ Munju ma sari funnga, killa ngru sari runga. ⁴⁷ Ni iyi wu riya so nawu ku-gbu uhu dra ngu ruyewa isi kre na wu shi ka kiri-kpare na iyi wundi di ti da buya k kiri-klla na iyi ahaha. ⁴⁸ Munju ma sari funnga, killa pye sari rijunga. ⁴⁹ Mariya ma kondi na killa. ⁵⁰ Kuwa isii, ko ni kuwa sari longa, biya lu kikiko shi nangnu kilongnu? Su ti kulo nanguwu na shi kpi na khiyi mikkii nangiyi piye.