¹ Yeso shi kachungaha shi ka geye Judiya a chuta ka kungbo Urdun a' gbu mangri ma ba na ngnu. E'ri kla nama ka ti da iri lu. ² Ningha mba Farasi ma ba ri gaa nghu ku, "lsi na ubla na sa nghan unghu bo?" ³ E'ye nama ku, 'aki, mu su Dekre musa?" ⁴ Maku, "Musa bi na ngri na wah kakambe shi na zu nganghu". ⁵ Ngaha isu ri kre ngbitu na sheru mikii mu nghu wa nawu plambe ngaha", ⁶ Na kizhizhin kpare ilu ma lulu na nga'. ⁷ Ni ngami mu ngri risa shi iti nghu na nninghu shina su indindi na inghan nghu, ⁸ Mma aha ma riya su ibbe wundindi'. Ma sa bi su ahanga, ibbi indindi mangba. ⁹ Unghu ti kpare kama lu unru ka mbri manga." ¹⁰ Rukpu ti ma ka ni kame kiri, mbatu donghu ma bi mye nghu ni kre ngami. ¹¹ E' kre nama ku ni ugru shi nghanghu sabo si bi lu rubla na nghandi, iru kparuko gyi na nghu. ¹² Ni unghu pye shi ibblanghu sabo shi bi lu rubla na ngrindi gibwa, irikparukoo", ¹³ Mangri ma bi mawuma ku na dubboh nama, a'mbatudunghu ma gbu ma. ¹⁴ Da Yeso hu Naha e'Nyanghu ni mikki, e'kre nama, shi mawu chi na ma ba kachu mi, karka gbu ma yi, kiri-kpare isu ti mba ti ma su ka mma. ¹⁵ Miri kre nawu ti risheshen unru ti sa buu kiri-kpare ka uwudinga sariya ka ni kamenga". ¹⁶ Ninga, E' hi mawu gaha ni ubbonghu shi duma boo. ¹⁷ Rukpu ti ika iyi kikri, ngri ndi krii ka doshi nanghu shi miye, "Ngri kikla risii, miya lu ki shi mi feh rinngha ti zezenghu?" ¹⁸ Yeso kre "Aki ko bu bi mi risii? Ba ugri tisu risii raa kpare mangba. ¹⁹ Bu hu Dekre-mbe; ka wu mangri nga, re kparuko mangha mangrin nga, ka yiwvi,k ka kre ungnu ribii ni ritsii ungru nga, shi ka yiwvi nga, na iti wu na inni wu kigba". ²⁰ Ngri ngaha kre ku, "ngri kikla ugnu ngaha miri luma tu misu na wucicin mi" ²¹ Yeso nen nghu a bii nghu E'kre na ghu, "Eshi na wu nghu wudindi. Yibwva na ughu ti bu su na nghu ti bu su na nghu shrashra shi na mba ti masa so naghungha, Biya su na gbu nghu ni kare. Ko shi ba du mi wa". ²² E' kre ngha mi bii nanghu mi a' wure shi yannghunu isu na gbo tsi. ²³ Yeso wure shi ne mbati dunghu a kre ku, ni mba ma su na ngho-gbu ma ka kiri kpare! ²⁴ Mba tudohunghu ma klangyu na kre nghu. ko Yeso bi kre nama, lsu na ringra ti ka kiri-kpare ²⁵ Riya yii kra na misha na ka ni iyi na ngri ti su na ngho-gbo na ka ni kiri kpare." ²⁶ Malu, mayii na krenghami shi ma kre na nghuma, "ko andi ga riya Riibabo?" ²⁷ Yeso ne ma shi kre nama ku, "Na mangri isa su ngu ti sariya lunga, isa su ngyi mu na kpare ngha. Na kpare koki isu ngho ti lu". ²⁸ Bitrusu kre nanghu ku "hu mi, Yi shi ko ki sabo, shi ri du wu". ²⁹ Yeso kre ku, "miri kre na wu risheshenghu, ba ugru ti ishi kiri, wani ti Lullu na ti wuna, re nnii, re iti, re mawu, Malanghu kadu ni kre me na kre-Risii. ³⁰ Ni sariya bu ari kirri, na mawani, nawawunina, na ari nni na mawu na ari mala kachu, na ringra ni abumitti ti riba na Rinngha-tinglonglu. ³¹ Ko mba ti ma zhezhe ma mariya wure ya kizi,mba ti ma su ni kizi ma riya su mba ti ihiya. ³² Ma ka ni gahi riya urushalima, Yeso ti ni lhiyi ma, Mbatu dunghu ma lu nayii, mba sa ti mari du ma ni kizi mari lu shrishru. Ningha Yeso hi ari Awushi aha ni kro shi kre na ma ngho ti riya fehnghu. ³³ "Humi, yiri ya urishalima, mari di uwi-Ngri ni Ruku nga na mba ti wa. Mariya yinghu saba ni mba kanyu na ma wunghu. ³⁴ Mari shronghu, sku ma Jungoh na ngu shi mariya wun nglu. Ni kpi attra riya gyende". ³⁵ Yakubu na Yohanna, mawu Zebadi ma ba na nghun shi kre, Ngri ti kla, "lu na yi nghhu ti yi ya mye wu". ³⁶ E'kre nama ku, "aki buru so mi lu nawu na? ³⁷ Ma kre,"bii na yi yi kpi na wu ni kigba wu, indi ni ubo riya ndi ni ubo riih wu". ³⁸ Nanyi Yeso yee nama, "Bu hu nghu buri miye? Buriya iya ti wa kigba ti miriya wa, Re buriya ti shi manyi ti miri lu?". ³⁹ Ma bii ku, "Yi riya iya" Yeso kre nama ku, "Kigba ti miriya wa,buriya wa na, na kishi mangyi ti miya lu, buya ti shi mangyi piye. ⁴⁰ Kusu ni ubo riya mi na ubo riimi, isa su ti tami mi nawu nanga, isu ti ti mba ti ma lu nama". ⁴¹ Rukpu ti rigri awu mbatidunghu ma hu kre ngami mari lu kafu na Yakubu na Yohanna. ⁴² Yeso bi ma ba na nguhnlu shi kre nama ku, "Bu hu mba ti mari bi-mangri na mba kanyu mari lu na kisheru, Mba rikuu mari gbi na sheru ni ritsi ma. ⁴³ Naka sungyimu ni kame wu nanyi ugru ti riso na suti gba ni kame wuna na su uwundoh wu na, ⁴⁴ Nghu ti ri so na su ti gba na su ifi yi yi na. ⁴⁵ Uwu-Ngri sa ba shi ma lu ndo naghu ga, ama unghu na lundo, shi na di Rinngha na risabo gbu mangri," 46 Ma tru Yeriko. Rukpu ti mari shi Yeriko na mbatidunghu na gbu mangri, uwu Timawus,Batimawus ni playi isu ni gah gahi. ⁴⁷ Rukpu ti ni whu ku isu Yeso ti banazarat ilunnvu shi kre, "Yeso, uwu Dawuda luri na mi" ⁴⁸ Mangri ma gbunghu ku na sun nzeh. Nghu ga bi kii, uwu Dawuda luri na mi. ⁴⁹ Yeso tsati shi di kre ku ma binghu. ma bi ngri ti ni playi ngaha shi kre nanghu, "Gbamikii!! Gyende! lri bi wu". ⁵⁰ Iri uttrunghu ju tabwa, a kri ba na Yeso. ⁵¹ Yeso miyennghu ku, "Buru so mi lu na wu ki?" Ngri ti playi kre, 'Ngri kikla, miri so ti fe kuhu," ⁵² Ningha Yeso kre nanghu, Yaa. rishshe wu na wu piya'. waningha ife kuhuko a l dunnghu ni gahi.