1 Rikpu ni yeso kre-kren,na mangri mba ti ni ma kpi ka kpetu,a kah miti capernaum. 2 Ingri ti gba-gban gami,lsu na fii ti ni rii hu,hu lu ngho,ba na nghu piya, l digbi ti fu. 3 Njoh kre yeso,ba ni ingri tigba,a,tu mba riku ti mba Yahudawa ndu na maya kre kre na nghu,na ba,ba na iffi mi pya. 4 Ni ma ba na lyeso,mma lu ku miye ti risheshe kuu,'l,tru ti na fewu, si lu ungho gami nanghu. 5 Ni kre ti ni biina mitii yi,nghu mu ni mye na nayi shakpa yi na yi. 6 Nghu lyeso kri na mama,sa na ngyhu na khiri ngah,ingri tigba tu makan masa ndu na nghu,"Dada,na mikiwu ka bii yi,ni kre ti ni mi sa mati ni biya ba kirii mi ngah. 7 Mi hu,mi sa tru ti ba na ihu nga ni bu kre ifi mi ya fe pya. 8 Mi su ingri tigba piye,mi su na arii mba mbatsweru ti ni makpi ni rhu homi.mi kre ni ngami na yabu ya,ya'a,ni mi kre ni ngru na ba ya ba'a, ni mi kre ni iffi milu ngami ya lu". 9 Yeso hu ngaha, A su ngho mayi na nghu,A wure ka na ugbu mangri ni ma ka du ngho si kre na yina lsraila mi sa fe ukru ku bi gami nga. 10 Mba ti ni ma na tu ma,ni ma reba kiri si ba fe ifi a su piya 11 Digbi na ngami yeso ka ya uko ti ni ma ribi Nayin pye mawu ndu nghu pye na ugbu mangri. 12 Rikpu ni digbi na ngbu gahi ti uko. lma hi ruku ingri ti fu ruye,ughu mu su uwu wundindi ti ini-nghu na bubu-nghu mba,uko ma ba kpi na nghu na ngho ngho. 13 Da'dayi rumikii ni hu ngha si kre na nghu,ka kii yii". 14 A ba duboh ni kyakpa,mba ti ni ma hi ruku,ma sti. A kre,wusa,mi kre ku yende" 15 Ruku ngri a yende,si ri kre,yeso bi hi nghu na i nighu. 16 Ni nghu tshi-tshi bi ruma tshw-tshw,mma,pye mma ka sho kpare,si kre,ku yigba ngri ti huko isu tigba ni kame yi'kpare bi ne mangri nghu. 17 Njoh gami usu ni kre teso,a shayi ni miti Yahudiya na arii ka chu ni ma gbi-gbi na nghu. 18 Mba ndu Yohaya ma kre na ngu ari ngho mbami tshwa-tshwa. 19 Unghu Yahaya a bi aha ni kame mawu ndu nghu , A tu ma ka na Dada,ma kre na nghu,' Bu bu mu bi rii baa,re yi gbe kuba ndi gebu'. 20 Rikpu ti ni ma ba gbi nayeso,mangri mma kre Yahaya ti ni ri lu Baftisma l tu yi yindu,yi ba miye,bubu mu birii ba'a" re yi ni ndi? 21 Ni kame rikpu ngaha-ngho piya,ni kame arii rike ti ni fe ma,na uhu mba ribii,mba ti playi ma fe kuhu-ko. 22 Yeso be nama si kre,ni bi re ka na,ya kre ni Yahaya ngho ti ni buhu,na hutuna; mba ti playi ma ri fe khi huko ti grukri,mba ti kyemu ma chu-chu ma,mba ti igbitu ma fe ku hutu mba ti ni ma fu ma rii yene na ringha,mba ti ni ma sa hu kre kpare ngah ma kre nama ti singhu. 23 Ngri ti ni sa ranghu ti bi na mi ngah si rii hu ngho ti ni mi lulu ya fe khi duboh ti rii. 24 Ni kizi mba ku tundu ti Yahaya ma ko nguina yeso bi ri kre,in mba ti ni ma ba khi kla, ni kre Yohona. "Bi ka ya ti huki ni kame ji mangba ti ni whu kpo-kpo nghu? 25 Bi ka kaye ti ya whu ki? Na, ingri ti ni ti na tro ti su bhre-bhre? hu, mba ti ni ma kpi na arii tro ti risima, ni ma kpi ni kame kulo ni shakpa arii oriye. 26 Bi ka ti ya whu ki na? lsu ingri ti huko? Usu nyin mu, ni mi rii kre na yi na, l kra na ingri ti huko. 27 Ngami su unghu ti ni ma na waa ni risinghu," Hu, mi rii tu uwu ku tundu mi, ni na ba ihi yi wu, ti ni ya me gahi yina lu nayi na. 28 Mi rii kre na yi na,ni kame mangri ti ni mangha ma whe, ungru sa kraa Yahaya nga, Na nghumu, ti ni su wuchi ni khiri kpare, l gba kra nanghu". 29 Rikpu ti ni mangri tshwatshwa hu nyimu, jeh na mba ti bu umgba ruwa, kpare rii lu risi ni mba ti ni ma kpi ni khizinghu, Ma kpi ni kame mba ti ni yahaya lu nama Baftisma. 30 Mba Farisiyawa na mba ti ni ma kla mbe risisi ma rana ungho ti kpare ni risi ma, ma na umo mba yahaya mba ti ni so lu ma Baftisma nga. 31 Na ki ni riya ma'a, mba khizi miti ti na nghu? Ma su ku khiki? 32 Mma su ka mawu ti ni makpi rii tagba rii katchu richu ni mari kre nanghu ma, kuu, yi tri retu na yinna, pye yira ti tamgba na yi, ya kpi ni khiri rufu, bi sa kii nangah" 33 Yohaya ti ni ri lu Baftisma ba, si sa rii gurasa ngah, pye si na manyi lnabi nga, pye, kre usu na uhu. 34 Uwu ngri ba ka ri si rii si ka wha, pye bi kre hu, l gla rii ri, pye na kufheh, si bi su lka ingri ti ni bu umgba ruwa pye si su ingri ribii! 35 Ku kpakorisi ti ni mawu nghu hu risheshenghu. 36 Ndi ni kame mba Baftisiye,kre ni yeso na ya riri na nghu. Rikpu ti yeso ka khiri ingri Baftisiyen a ka ra nghu ti ri. 37 Ni ngah na ni kame uko a ka lu ribii. Na ne si hu ku ira gu-nghu ni gboglo ni kiri Bafarisyen,a bi umgbu ti mano ti kyen gbi. 38 A ti ni kro uho nghu ka khi, si bla uho nghu na mayi, pye si he nghu na manju risi nghu pye si reh uho nghu pye si dubo nama na mano ti kamgbi nghu. 39 Ingri Bafarisiyen ti ni bii yeso uhwu gami, A kre ninghu ku" Ni ngha gami ka rii hu ko ka hu ngha ti ni rii ku su ngha ribibi". 40 Yeso dungho si kre, Saminu,mi su na ngho ti ni miya kre nawu"a kre, ku kre" ngri ti kla. 41 Yeso kre,ingri ti ni ri di kukpa ngba,lsu na mangri aha ni rii duma kukpa ngba, ndi Denarii mina kugba ata, ndin a wu ata. 42 Ma sa kpra-nghu ngah, a bwa sabo nama. Ni kame mangri aha mba mi a din ni kame re mikii kra? 43 Saminu naghu si kre, mi mo khizi ti ni ma bwa bo nanghu na nghu-ngho" Yeso kre na nghu, bu Shruono ti sisi. 44 Yeso whre ne ngha si kre ni Saminu bu hu ngha gami mi ka ni kame khirii wu. Bu ba nami manyi ti nah kpri ngah, nghu mu ni bla uho mi na mayin mu ni bla uho mi na manyin nghu si hen na manju ti risin. 45 Bu sa ba dubo na mi ngah, nghu, tu ni mi ba, sa bwa ku dubo nami ngah. 47 Bi sa chu mano na mi ni risi ngah nghu chu mano ti kengbi na mi. 46 Ni su nyunmu,mi kre nawu, ngo ribinghu kpe na nghu-ngho, mi bwa sabo nangu ni rii re mikii na nghu-ngho. 48 A kre nanghu, Mi chu wu ni ningho ribiwu. 49 Mba ti ni ma kpi namama, kpi rii kre nanghuma", Ngamu sundi ni ri luri ni mba ribii? 50 Yeso bi kre ni ngha khi bi miokii wu, kra wu wu sabo, Ya'a nghu wu na khiyi mikii risisi.