Ugrii 6

1 Bebein isu ikpri asabar, Yeso ri kri ni mallashe labru, mba ti donglu ma ri tse risi labru ni ubu ma ri rii. 2 Mba farasi ma mye,''su ki ko buru lu ngho ti sa su na ma lu ni kpri asabar nga?. 3 Yeso ye na ma ku,''Bu sa ka nga, ngho ti Dawuda lu rukpu ti rimiye runghu, nghu na mangri ti ma kpi na nghu? 4 E ka kiri kpare a hi flafa ti ma so ni ihiyi nghu ari shi na mba ti ma kpi na nghu ti ni su ti ma tigba mamgba ma ri. 5 Ebi kre na ma''Uwu ngri isu Dada ti asabar. 6 Ebi su asabar indi eka ni synagogul a ri kla mangri ni ngha. ngri ndi ti ni ngha ti ubo riya nghu fu kumba. 7 Mba ti wa na mba farasi mari ne ti lu re inghu riya nanghu ripiya ni kpri asabar shi na fe na ma fe nghgo ti mari tunghu. 8 N hu ngho ti mari kigah ti niikima, a ikre ni ngri ni fu kungba ku,''hyende ti ni katehteh yi.''Ngri ngha igyende ti ningha. 9 Yeso kre nama,''miri wu isu mma ni ikpri asabar tu lu ngho risii re te lu ngho ribii, ti kra sabo na rinngha re ti dji nghu zeyi?. 10 Ewure shi ne ma shrashra shi kre na ngri ngaha,''Di ubo wu,''Elungyimu a ubo nghu wure ba risii. 11 Mma lu kafuu shi mari kre ninguma, ngho ti mariya lu ni yeso. 12 Eso ni kpri ngaha eka tr feh ni agbor efeh na kpare na chu ri ba tsakaka. 13 Na kpri ngha'a ebi mbatudon ghu shi wa awu shi aha ma ti nghu bi ma ku mba timazehzehdoh. 14 Nde mbatimazehzehdoh masu sima na wanninghu adarawu Yakubu, Yohuna, Filibusu Batalomi. 15 Matiyu, Toma, Yakubu uwu Alifa sima ti ma ri binghu zilot. 16 Yahuda uwu Yakubu, na Yahuda Iskariyoti ti ni riya lu gwva na nghu. 17 Ningha yeso shi ri agbor nama si sati mti ti ri mama na gu mangri ti mari dunghu na gbu mangri ti ma rhi Yahuda na Urishelima na ari mitti ti ma di gbi na kungbo wato tyre na sidon. 18 Maba tu hunghu shi na ma fe piya nanghu ni ari rikye ma, mangri ti ma su na ngya uhu ribii ma fee piyepiye. 19 Ko indi ni kame gbu mangri ri so na tanghu ubo ni kre kishera ti di pya ti ru ruh ni ganghu, a nama piya shrashra. 20 Ewre ne mbatidon ghu shi kre ku,''Bu su mba ti ma du boh bu ti buba su na gbongho nga kiri kpare isu ti tawu. 21 Madu yi boh na, bu ti buru lu rimiye bebein buya rii na. Mado yi boh na bu ti buru ki bebein buya shru. 22 Ma du yi bohna ni mangri ma raa na wu shi ma ruye na wu slu tuu wu ni kre inde wu hu isu ngho ribii, ni kre uwu ngri. 23 Muru ni ikpri ngaha shi tremikii, buya bu gbu ngho risii ni kare, nyimu mati ma ti rihrih ma lu na ari mba tu huko. 24 Koma hinghu ni mba ti ma su na gbu-ngho, buriga bu ngho ti si wu ni mi ye. 25 Ma lunghu nawu bu ti wu, bu ti buriga rhiye, rimiye ruwu. ma lungy na wu bu ti buru shru bebein baya ki mayii kuku. 26 Ma lungya nawu ni mangri shrashra ri kre ngho ti si ni risiwa nyimu matima tirihrih ma lu na mba tu huko. 27 Miri kre nawu bu ti bu ru hu mi na, bii na ari kihiuwuyi na shi lu nghu ti si ni mba ti ma raa na wu. 28 Duboh ni mba ti ma tangyu nawu shi feh ni mba ti ma ri lu nawu ti sa mmanga. 29 Ni ma kawu ni ngbundi wure ti ahanghu ni ugru hi nawu uttro ti ngbundi kar bu raa nanghu na ti kamenga. 30 Na mba ti ma miye wu ni ngru hi na wu kandu kar ka miyenghu ku na wure bi nawu nga. 31 To ni buru so na mangri na lu na wu, lu ngyimu nia ma. 32 Ni bu bii na mba ti bii na wu mamgba, aki ti su ti mu bu lu? mba ribii piye mari bii na mba ti ma bii nama. 33 Ni bu lu ngho ti si ni mangri ti ma lu nawu tisi mamgba, ngaha mu isu ki? Mba ribii piye mari lungaha. 34 Ni bu di kikpa ni mangri ti bu so mikii mariya kpra wu mamgba ngaha mu su ki? Mba ribii piye, mari di kikpa shi ma bu ka ti ma di. 35 Bii na mba ti ma raa na wu shi lu mma ugno ti si di ku kpa si ka so iyi ku mariya fe kandu ni risi nghu nga, ungho ti si ti tawu riya su gbu ma buya su mawu rukuu ti kra ari rukuu shrashra, nghu ri lu risii ni mba ma su na kiwuri na mba ti ma suribii. 36 Lurii, ka ti iti wu ri lurii 37 Karka shrummo, bu pye ma sa shrummo na wunga, Kar bu bu piye masa tuu wunga. Lurii na mba saga bu piye mariya lu ri na wu. 38 Di bu piye mariya di nawu ti brinbringhu yi kamiti, shi ma shishi nghu a'ka lubwa-mariya ju nawu ni who wu. Naughomaa ti lundu nanghu-ma mariya ma na wu. 39 Ebi kre nama mgbi,''Rengri ti klayi riya ti kla ihi ni ngri ti pla-iyi pye? Niihi ngye ahama masa roku ni kinji nga?. 40 Ngri tidoh sariya kro na ngri kikla nghu nga ngri ti fe gbu kikla riya su ka ngri kikla nghu. 41 Aki ko buru ne wumamgba ti ni ti ni yi wani wu shi sa hu ugbu kaku ti ni ti ni yi wani wu, shi sa hu ugbu kaku tini ti ni niyi wunga?. 42 Buya lu kiki ko shi kre ni wani wu ku shi mi dra mamgba na wu niyi ni bu sa hu kaku ti ni niyi nga? Bu mba iri Jenje dra kaku ti hiyi wu ko shi hu piye-piye shi bu dra wu mamgba ti ni tiniyi waniwu. 43 Ba kaku ti su ti si ti ni iya di kuwa kaki ti bii re kaku ti bii na di kuwa kaku ti isi. 44 mari hu kaku na ari kuwa kaku ti ni iri di mangri sara fe Baure ni kaku ugho nga re ma riye glu ni kaku kuggo. 45 Ngri risi ri ngho ti ti mikkinghu riya di ngho ti sii gyimu ngri ribii ri ngho ribii ti mikkii nghu ri di ngho ribii rhi gbu ngho ti ni su ni mikki mu kangyu rikre. 46 Buru bi miku Dada, Dada, shi sa ri dorisimitii shi lu ngho ti mi kre nawu nga?. 47 Ngri ti ba na mi shi hu kre me a lu ma miya kre nami ti niya su. 48 Isu ka ngri ti ni mee kiri nghu ni sokpi ti su ni risi kashi. rukpu ti mangyi uku ba, na uhu ti sheru chinghu, kiringaha sariya dji ku nga, ma menghu lu wa. 49 Ngri ti ni hu kre me a sa dourisimiti lu manga, isu ka ngri ti mee kiri ni miti asa sokpi kaze nga. Rukpu ti mangyi uku riya chinghu, kri ngaha riya dji ku kirebii kringaha riya su shrashra.