1 Mangri gbulaka so miki ti ko-wa mawunho ti ni ma mlo ne kameyi. 2 Suso ti ni mba me zizi hu ni seyi ma shi ma lu ondu kpare. 3 Me ho osi na memeh pye wa mawungho ni milu rere na wunde kre mi du ogri na ughogho, dadayi tiyofilusu. 4 Shi ho mawungho rishoshe ne ma kla na wu. 5 Rikpu ne Hirudu su oriye ne yudiya ongri riku ogri kpare nde ngho ri zakariya ti rigrii mba abija, ugho ngho alisatu pye rhu okru Haruna. 6 Masu mba risisi ne ko kpare, Kaha ma shi sa ribimma ne kuduozi ogrii kpare. 7 Ma sasu ni owu nga kre ni alisabatu su riiyo ma'angreh na aha ma. 8 Rikpu ba lu ni zakariya ti kalu ndu ta ne shryi kpare ti mba tigba ti okru ma. 9 Ma ni gahe ti ne ma ri zra mba tigba ti ndu kpare, ma gwa-umiye shi zra ngho na ka shi kpyewyi ti kyengbi ni shakpa kpare. 10 Ughu mangri kpi ni kaye ka feh na kpare rikpi ri ngho ka kpye'wyi ti kyengbi. 11 Rikpu nhu owundu kpare ba nigho shii ba te ni ubo riya ri oko kpye'wyii ni shakpa kpare. 12 Tshitswi ru zakariya ngho tswi-ru rikpu ne ngho hu ngho. 13 Nanyi uwundu kpare kre na na-ngho ka lu tswi tswi yi zakariya kre ma hutu Rifeh wu nghawu Alisabatu riya ti fi uwu rilu nawu. Bu riya so nangho onde ko Yohona. 14 Bo riya tremiki shi lo kuwiri gbulaka nya ti wuri ne kufiingho. 15 kre ni riya su tigba ngho ni kachu kpare nasakawa mate na manyi ofey ngah mariya mlonghu ni ohi ti si ngho ru rihu iini ghho 16 Gbulaka ne kame mba lsraila riba reba kachu dada ma kpare. 17 Ora ni oheyi dada ni kame ku tswe ni ti Iliya ti kire miki mati, ya uko mawuma ne mba ma sa ni hutu kreh nga ya ukph ti mba ma ri lu risi, ti ume gahe lu na kpare mangri mba righbey-ngho. 18 Zakariya kre na uwundu kpare,''Me ra lu nama shi yi ungho me?, Me su ungre-ungrii ngha me piye ni riku. 19 Owundu kpare kre nangho ume mu me su Jibirilu nimey ritii ne oheyi kpare ma tume ndu meba ba kre nawu lkre risisi. 20 Ho me bora ngbitu shi ba yi ti lu ogri nga,ho ne kpre ti ni mawungho mbame riya ti mloisuunyii kreni bu ranghu ti bii na kre mi ti ni riyasu-nyi ni rikpu-ngho mlo. 21 Rikpu me, mangri kpi ka-gbe Zakariya ma tswabo ni kre ti ngho ni ndjwa ni kaze kpare. 22 Sa yi ti krenima nga rikpu ti ni ngho ru ye, ma ko hu uhu kpako risi rikpu ni na ti ni kame shakpa kpare uteh ka sa ni bona mandi shi teyii nzeh shuushu. 23 Rikpu ukre ndu ngho ka chuta ngho reka kiringho 24 Okpri mame ka chuta ngha-ngho Alisabatu ri rihu shi tariba na risi ngho tchu uhwa ata ukre ku. 25 Ngho-ne Dada yi lu nami ni-ngho nemeyi na gamiki, shi chu name riwyi chuko ne riyii mangri. 26 Ni uhwa ti kandra ma tu owundu Jibirilu ru ko kpare ka okshdi nirii nazaret ne meti galili. 27 Ni ko wunaheh ma kpare si ngho na ingreh ni inde gho su Yusufu ri okru Dawuda onde wunaheh-ngho usu maryamu. 28 Uba na ngho shi kreku me tsuwunde ubu nii feh gamikii dayi ti nawu . 29 Ugrii ngami myah ni mikingho a ti gah izi kutswi nde ki nangho. 30 Owundu kpare kre nah nghu ka lu tswi-tswi yi maryamu bo feh gamiki na kpare. 31 Hu bo riba rhi rihu shi ba fiye uwu rilu bo ra bri nde ngho 'Yeso'. 32 Iriya su riku mara bre ofi tigba ngho utiyi kpare tiba nangho rite ri itiighwu riku Dawuda. 33 Ura bii rite ti uriye nirii Yakubu gbogbo riku ta saramire-nga rabi bgubgu. 34 Maryamu umiye uwuundu kpare,''Uriba sukii to na nghu ni me sayi ungrii rilingha?. 35 Uwundu kpare la na ngho ku uhu tini riya ti do shi nawu wu ra feh kitswi nii kachu tigba gba ngho na nghii tisi ngho ni wu riya ti fiye ma riya ti bi ngho, Uwu kpare. 36 Hu ngha kruwu Alisabatu ni na ti riiyo hi ruhu uwunilo uhwa ngho ti kandra mu nina ngho. 37 Nangyi kandu ndi sa riya tikra kpare bo ngha. 38 maryamu kreku hume mi so wuna ndu ti Dada nasunyimu ka kii tundu wu,'' Uhundu kpare bi ngho sa bo. 39 Ningha maryamu yande ni rikpu ngho si kyeka ka rikri ni ukondi ni meti kagbo tini ma ribrii ku Judiya. 40 Uko ni kirii Zakariya shi tshwii Alisabatu nde. 41 Bebengho, Ungho-ngho lu ni Alisabatu hutu, kutswinde ti maryamu uwunniila ni rehu ngho tagba goa uhu risi ka mlo na Alisabatu 42 Ufu rilangho shi la ngba-ngba,''Bo feh kigrii ne kame mangha uwu rihu tu pye feh kigrii wa. 43 Usukii kiki name tini unni itimi riyatii ba name. 44 Hume, rikpu tini rila kitswinde tawu ka ni kritu me uwu ngho la ni rihume tagba kre tremiki. 45 ''Ongha ngho so miki ni ko itiyi ko uralu ngho ti ni kre na ngho-ngho ra fe kigrii. 46 Maryamu kere ku Ri-ngha me rina itiyi riku. 47 Uhu me pye lu umru na kpare tini kra ma sabe. 48 Kre ni uhu rika wuna-ndu ngho ahu, ru beben nghu mba kiizeh na nghu-ngho riya ti be me ku tiifeh la. 49 Kre tigba ngho lu name mawu ngho tisii ma, inde su piye-piye. 50 Ku tswuri miti ngho ru kiizeh riya kiizeh na mba ti ri lu tshwii-tshwii ngho. 51 Ikla kiitshwi na kiibo-ngho la shwraa mba ni ka kpo- nghoma ni irri ti isimikima reyi. 52 I doshi na mawu onyi ni riiteh ma shi glo mba rika sou kande. 53 Inna mba rimiye mawu ngho risisi shi zu mba kubo na kubobo. 54 I grii Israila uwu kiringho na gah ti chwurimiti. 55 (To tii ni na (aana mati yi) na Ibrahim na mba ukru ngho tshwatshwa. 56 Maryamu tii uhwa katra ni Alisabatu gaashircka kiri ngho la. 57 Bebenrikpu tini Alisabatu riya ti fyii u fyii uwu riilu. 58 mba rigri ne mba ukruu ngha hutu ka kpare lu nande nghoh ghaki risisi loh kuwhri na ngho. 59 Bebenh ukprii ti asene ti maka ya ti kye gbu uru ngho mana kaya tisou nde iti ngho zakariya. 60 Aainni ngho ta kangu shi kre ku,''Ba su-nghi mu ngah ma riya ti bringho ku Yohona. 61 Ma la nangho ko ingrii ndi ti ukru wu ba rinde nah nga. 62 Ma taa ltii ngho na boh ti hu ndi ti nima riya tisoh. 63 Itingho miye nama a na nghu aganganbe ti wa shi wa ko,''Nden su Yohona igakii ruma ni ikree ngami . 64 Ningha kanyu ngho fu ire ngho rii, Ilu lgrii shi na kpare riku. 65 Igree ngame goreh ni miti Judiya na ngho-ngho tshwi-tshwi ru mba ti ne ma kala nama ni kachu wundid. 66 Mba tini hu kre ngame bi sou ni simiki ma shi ku,''Uwu ngame riba su kyi kiki? kre ni kubo kpare ti pulo na nghu. 67 Itingho Zakariya fu kanyu ngho rikpu ni uhu risi mlo si fu risi nanghu ukre ku. 68 Na itiyi kpare ti Israila bu riku kre ni ba ti gruewa shi kraa mba ti tahsabo. 69 Ihi rikpri kikraa sabo di kandeh ni na yi ni kiri Dawuda uwundu ngho. 70 Sou ti ni na kre ni kanyu mbatima-rihuko shi rikre risheshe ngho ru achocho. 71 Ukra sabo na ubo mba ni ma sohyi heyi, na kubo mba ti ma ranghu ma na yi. 72 Riya ti lu nah ti ki kla uchwuri miti tan ngho na matiyi shi na gahki di kanyu ti ta nghu. 73 Ki tshwi mangri ti ni na lu na Ibrahim ltiyi. 74 Itshwi mangri ti griye yi bi tshwi tshwi tabwa shi dungho ni kre ti uriyi sabo ru kuko mba ribi. 75 Na miki ri piye piye na risheshen ni ka chu nghu kla kpreh. 76 Na kibi bubu wuci ma riya ti biiwu ingritihuko ti tigba nghokre ni buriya kaachu na dadati ma gri gahe ngho-lu shi me mangri iu kre kiba ngho. 77 Shi klla kre kiyi ki krasabo na mba ti tangho. Ki tshruri miti na ngho ribi ti ni ma lu. 78 Riba sunyi ni kre ku tshwuri meti ti kpare yi na innu ngho riba kpare ru kare ti ba griye. 79 Riba kpate ni risi yi, ne yi kpi niko djrwahu na dambri ti ruku riba lo ngame ti gri rikri yi ni gahe ti pye. 80 Beben uwu nah i ko shi tshweru ni uhu shi kati ni kameji ka gbye rukpu ti ni ra ruye kaye ni Israila.