Ugrii 2

1 Bebein ni rikpu ngabu,inasu ti ni Kaisar Agustu ruye na kii pla-mbe ku nama kla mangri nima kpii ni kizi mete na nghu-ngho. 2 Nah mu su kikla ti irri nghu,ne rikpu ti ni kuriniyusu su inari tigba ne mete siriya. 3 Nanyi kondi ka koma ti nama ya wama kre kiklah. 4 Yusufu piye nyandi ru Galili ni nazarati ka Judiya ti rihukoh Dawuda,ni ma ribre ko Baitalami,kre ni ninasu ti kiri na ukruu ti Dawuda. 5 Maka ukoh ngha ngho sona rihu. 6 Nanyi a basu rikpu lu ti ni riya fiye uwunghu. 7 Iba fiye uwunghu ti irri asu uwu-rilu,shi shinghu na mbrecho giglo shi tangho ni kuguluu mawube kreni kachu be so ni ma riya ti lah ni kaze-shitee ngah. 8 Mba haa mawube kpye ni bayeh ngu ni mangba shi ka huu mawube ma na chu. 9 uwusi kpare ba nama ningha,ki kpako ti Dada,kpa ni ma,tswii-tswii tigba nghu bi ruma. 10 Ningha urushalima la nama,"kalu tshwi-tswhi na yhi,kreti me bi krerisi ba nawu ti riya di trmikki na mangri na nghu-nghu. 11 Are-nghu mafe infri ti krasabo nayi nah ni miti Dawuda! lsu kristi Dada! 12 Kandu ti ni nya kla nayi na mu su. Biriya ti hu uwuriba,ma shinghu na mbre-tro shi tanghu ni kunglu. 13 Ninghu saga na nghu-nghu ru ka are na uwusi kpare rina kpare riko kreko. 14 Diriko suti kpare ni kare, na kalamiki feh ni kame mangri ni tremiki nama ni kizimiti". 15 Rikpu ti ni mawusi kpare bima sabo shi re ka nghuma kaare,mba haa mawube krena risima kreku," Beben nayi ya kame. Baitalami shi yahu ingho ti ni lu nii kpare kla nayi". 16 Ma kyeka ka shi ka hu maryamu,yusufu,na wuriba lani kunglu. 17 Nima hu nghu ma la kree ti ni ma la nama ni risi uwu nah. 18 Mba ma hutu pye ma rumiki ni kree ti ni mbati haa mawube lanama. 19 Nanyi'maryamu bi ukre mba me so ni miki nghu shi ti ka tarhi ni risima. 20 Mbati haa mawube reka na kidi riko nah khi sho nde kre mawuninghu ni ma hutu shi hu na sheyima,to ti ni ma kre nama. 21 Ukpri asene lu,nima kyegbu nanghu,maso nanghu ndeh ku yeso,ndeh ti ni uwusi kpare zizi kre koh ma rhi-rihu ngho. 22 Ni unu ti ni ma nya ti chunghuma pye pye kachuta, plambe musa kre ma biye ka ida'kpare ne urishalima ti bi-nghu dina kpare. 23 Ka ti ni mawa ni plambe ti Dada"urutilo ti ni ma zizi fyii-nghu ma riya bi-nghui nasu ti Dada. 24 Nanyi,ma di to ni ma wa ni plambe Dada, ugbrumase aha re ugbru kiri aha". 25 Hume,ingrii ni na ti ni urushalima maka be-nghu koh saminu. lngrindi so ni risheshe na dirisi. lti kane kalani miki ti lsraila gah uhu ti si nghu ti na nghu. 26 Uhu ti si ngho na kla nah risi ku ura hu Dada kristi koh shiba fu. 27 Uhu risi bi saminu ka shakpa kpare. Rikpu ni mati wuriba yeso ba shakpa kpare ti na ma lu nah ziti ni ma wa ni plambe. 28 Ibu-nghho ni kuboh nghu shi na kpare riku kre ku, 29 Beben na uwundu tawu kohe na kalamiki,Dada sati ni bu na kre. 30 Kre riyime hu kukrasabo wu, 31 Nibu melu ni riyii mangri na nghu-nghu. 32 Ukpako ti kla ghahe ni mako mangri na ki diriko na mangriwu lsraila" 33 Iti ngho na lnni-ngho ni kanghu bi ni kigah mawungho ti ni ma rikre ni risi ngho. 34 Saminu dubo ti si nama si kre nah maryamu ku,'Mame uwu nanghu ti riya bi ku nyande na ku ruuko ti mba lsraila gbulaka,riyati su nghla ti kra nangho. 35 Zazaa pye raka zu usimiki tawu shi na maba kahu ukree simiki mangri gbulaka". 36 Ngha ndi tihuko,maka be-ngho ku Anatu ti ni kachu nghu, ltinghu na su Fanuwel ti ukruu Ashiru. ilu,riko iona su na lblanghu kiye atamba rii rikpu ngho ti wunahe. 37 Shi su ngha wafu ti kiye awu-asene shi anne. sa bwa shakpa kpare sabongah uchu na unu,na kifeh na kiru kireh. 38 Ni rukpu nghu itree ka nama shi na kpare riko,shi kre okre uwungha na mbati ni ka soyi kre kokraa urushalima sabo. 39 Nima lu mawunghu ti nima Soyi namalu zugahi plambe ti Dada meme ma reka Galili ni ukoh ma Nazarati. 40 Uwu ngame lgboh shi tsweni shi mlo na kukparisii,gah kpare gri-ngho. 41 Mati ngho kaya urushalima yeh na yeh kree urushalima ti kachuta. 42 Mabwo ka rikpu ni ulu yeh awu shi aha to ti ni mari ka risilu. 43 Ni ma mlo rikpu kikarisilu,ma ku gahe re kayha kirii. uwu yeso na ki shi sati ne urushalima gah mati-nghu sa hu ngah. 44 Mahe kreku udokizi mba nema kakri nanyi,ma krii ti ukpri wundidi. Ningha ma shi kri ne nghu na mba ukruma na makama. 45 Na masa feh nghu ngah,ma reka urushalima ka ni kachu nghu. 46 Makri nengho atshwa shi ka feh nghu ne shakpa kpare,asu ne kame mbati kla,shi ka kpetu shi ka miye ma kimiye. 47 Mba ma hutu kikla nghu bi anyu ne kikohu ngho na kidoh ni kimiye. 48 Nima ku nghu ma mlaki. lnni-nghu miye nghu kreku,"wusa kre ki luyi to nah? Hu,ltiwu na memi kri ri newu". 49 Imiye maku,Bi kpi ka neme kreki na ? Bu sayi ku lsi name lu undu ltime na ngah? 50 Nanyi,ma sa kohu nghoh ti ni so nimiki na krengoh ngah. 51 Ningha a shi reduma ka kirii ma ni nazarati shi so na kuhutu kre ma na ngoh-ngoh. lnni ngoh bi mawuni nghu. 52 Nanyi yeso teh ka kuh ni kukpako risii ni kighah na ki feh ghayi miki na kpare na mangri.