1 Yakubu uwhu khiri kpare na Dada Yesu kristi na mangri ireh awuh shi aha ni ma gruma shaya ni ugbu miti ku tchu nde. 2 Mawanu na hi ruwu na ku tremiki rukpu ni bi kha ni rikha (ringra). 3 Buh whu ni ma Mmawu whu mu ma ya whu ku tshreru miki whu. 4 Na ku rumiki whu lu ndu nwu tsra tsra si na gre woh gboh meme na ku whu nwo pye. 5 Ni ndi wu na rhi neh kukpakorisi, na feh na kpare ni rii di na miki wundidi ni mba ti ma mye ri ya na nwu. 6 Nyu mu na mye ni Bimiki na ka aghaa kandu yi ingri ni rhi ghaa kandugbrruwa usu ka uwhuh ni rhi tah ni manyi rhi goganre. 7 Nye ukru mangri ghaha ku ma ya fe kandu na Dada. 8 Usu na miki kru aha si rhi kri ringra. 9 Na wani ni sa su na kandu ngha na chi kpafu na kachusu nwu ti gba. 10 Nyumu na ingri ni su na boh na kachusu nwu wucici rhiya ka chuta ka fure kameji. 11 Nyumu uno rhi rhu na khila si ba wuh magba bubunwu rhiya ryoku khi si nwu rhiya rhebi usu nyumu ingri mgba rhiya rhebi ni katete rekri nwu. 12 Udubo usu ingri ni ti gbegbe ni ma mah awu whu rukpu ni thrufyer ni ku mah ngaami rhiya fe kushi dakla ti iriye kpare ni ma tanyu ni mba it ni ma bhi na kpare. 13 Na ngru kha kre rukpu ni ma Mmaa nwu whu si na kre ku kpare mu, ''Ma sa rhi Mma kpare na nwo rhibi ngha kpare pye bari mma mangri ngha. 14 Ikhi ma rhi Mma mangri ni kre nwo ni miki ma su ni rhi mbre nwu ya kayeh. 15 Rukpu ni miki mlo na mawu nwo rhiya fye nwo rhibi ni nwo rhibi gbah rhiya fye rufu. 16 Na ma kha mbre whu na yi mawani nah. 17 Unwo rhisi na ko ki ti ni si irhi kpare i rhi na itiyi nwu su kokpah sa rhi yeh ngha uhu nwu pye ba rhi gogare ngha. 18 Kpare waah ti fye yi na lkre nwu ni su rhisheshe, si yi su kuwah ti rhiri ni khame nwo ni nwu lu. 19 Buh whu ngha mi mawani na ko na kreela (keka) ti hwu tu (kpetuu) lu rhere ni ikre na rhere ni kafuh (zeyi miki). 20 Nye kafuh ti ingri sa rhi lu ndu rhisi ti kpare ngha. 21 Nisu ngumu tabwa na nwo ni irhii na nwo rhibii nah dourisi nati buh kre ni ma wah ti ni yaa buh whu sabo. 22 Suh mba ni mari lu ndu na kre nah kha su ku whu kangba si rhi mbre nghiyi. 23 Nye ngru ru kuh nwu rhi whayu kre kangba si sa rhi luu ngha isu kha ingri ni rhi neh ngunwu ni madubi. 24 Rhi meh igha nwu neh si ba yongunwu bebenwu rhiya rhebnbuki na ukru ni nwu su. 25 Nyumu ingri ni neh rhere de mbe ti ma yi sabo krge luluu nwu si sa su ku whutu si rhewhu bi (rhebibuki), ingri nghami ma dubo ni nwo ni lu. 26 Ni ungru gha ku nwu rhi du kpare kra sagah si sa meh ireh nwu rhi bi nga rhi mbre miki nwu na ku du kpare nwu ba su kandu ngha. 27 Ku du kpare ni su pye pye na ni ma sa ze nwu yi ni kpare na itiyi usu ti ya areh mawu wafu na manga wafu ni rhingra ma si bi gre ma na gbumiti na ka bii ma yi.