1 Mawani na kha bi miki ni Dada yesu kriti Dada rukukuu si lu ni sagah risisi sagah ribibii. 2 Ni ingri ndi kha ba kachu harisi whu na kpada ti kike kpanze ni rhi shayi si kru uthrow te wayi ingri ndi gha ka ba na dagba uthrwo ni shwo. 3 Ni bi neh ingri ti ni kru uthewo ti ni wayi si kre na nwu ku ni bii na ba su miti ni kachu risisi nghami bi kre ni ingri ti ni kru dagba thrwo. 4 Buh ti na nde nwu buh ko ''su miti ni wru no mi, ''Ba su umo ni yi ru lu na nghiyi na ngha? Bu sa su mba ni mari shu'umo na miki rhibii na ngha. 5 Kpetu na mawani usu nyumu ni kpare chu mba ti ni masa su na nwo ti gbumiti asu na bimiki si bi su ti rhirii ni shakpa ni ma tanyu ni mba ti ni ma kibii?. 6 Aasu buh na ni bu na ti hi sa su na boh ngha rigra ba su mba ungha wu ma rhi nawu ringra na ngha. Ba su Uma Mu ni mari biwu rika kachu umo ngha. 7 Masa rhi tu whu ni kre nde rhisi ni ma biwu na nwu ngha. 8 Nisu bu lu nwo ni de mbe ini ikre kpare bu ya kibii ingri ni lah gbu na whu bu lu mah. 9 Amma khi ni bu so sagah kra bu lu nwu ni sa ma ngha umo ya ruwhu. 10 Ni ingri dourisi miti ni de mbe si gbuho ni wundidi ma ya hi u gbuho ni ma thrwa thrwa. 11 Nye ndi ni kre kah laa na manya ko mba lulu ni sa su nhya whu ko ubla whu ngha si bi kre, ''ka wuh ngri yi, ni bu lah na nhya ko lulu amma khi buh wu ngri buh gla de mbe. 12 Nyumu kre si lu kah mba ni marhiya shrumo na dembe ti rhi gah sabo. 13 Nye shumo rhi su bah kurumiki ni mba ti ni ma sa su na kurumiki pye rumiki kra na ummo. 14 Aki ni sii mawani na ni ungru kre ku nwu su na bimikii si sa su na undu ngha? Bimikii ngh ha hiya bu nwu sabo. 15 Na su ku wani whu lulu ko nhya sa su ni isi ti kru igha ngha na irii pye. 16 Nasu ku ndi whuna kre na mah ya na kalamiki na igah whu ru kila si rhirii ni bu sa namah nwo ni su rhisisi ti igha usu kli rhisi ni buhlu. 17 Nyumu pye bimiki na rhisinwu ni sa su na ndu ngha u su rhukuh. 18 Nyumu ngru ndi ya kre, ''Buh su na bimikii mi ki mu su na ndu kla mi bimikii whu ni sa su na ndu ngha me pye miya kla whu bimikii mi na nduh. 19 Buh bi ku kpare su wundidi buh lu maa nyumu pye mba loukwu pye mah bi si lu shwi shwi. 20 Buh ru so ti whu gbududu ingri ku bimikii ni sa su na ndu ngha usu ribii. 21 Sa su Ibrahim itiyi ni lu ma'a ni undu rukpu ni hi uwunwu Ishaku di na rhisl sakpa?. 22 Buh whu bimikii lu ndu na undu nwu na ndu nwu bimikii nwu u mlo. 23 Ikre kpare u mlo ni kre, '' Ibrahim bi na kpare uma hi nwu ingri rhisi si bi nwu ikha kpare. 24 Buh whu usu na ndu mu ingri ru lu ma'a sa su na bimikii mwongba ngha. 25 Ni bi su nyumu pye Rahab nhya kparuko (uwhoo) lu ma'a nghaa rukpu ni buh mba kanyu ni ma ba ti whu ukoh na ribaba si bi ma zu gahi ndi gbwva?. 26 Nye igha ni miki teh ngha u fuh nyumu pye bimikii ni ba ndu u fuh.